قال صلى الله عليه وسلم:" كل عمل لم يذكر فيه اسمه فهو ابتر "
أولا : الموضوع له سالفة كنت اكتب الموضوع بال وورد وأنا اكتب وتخيلت شئ من موضوعي فقمت طايره من الكرسي وأروح افتح النور إلا يتقفل الكمبيوتر لأني بالعادة اسمي قبل كل موضوع إلا هال مره
وهذا ما جاني
ثانيا : نعود للموضوع
في بيتنا إرهابي
في احدى ليالي الجمعه وباياام الخميس
كنت قابعه بغرفتي اكلم احدى العضوات العزيزات على قلبي
وجلست معها ما يقارب الساعه والنصف
888
ياحوول خلصت البطاقه وهي جديده
وانا بعد ترااه خلص شحن جوالي وانا شاحنته اليوم <<علشان ما تزعل
قلت بس انا مصفرره ومقطووع والبنت خلص ندبر ارواحنا بكرا ونتصل ونقول مع السلامه
والا ارسلها على الخاص
طلعت ومن طلعت لقيت الوضع بالبيت متغير من بعد الصجه والازعاج الا الهدوء والملل
كان اخوي منسدح على كنبه الصاله وكانت جنبه اختي ام نوافوه ومعها نواف تلعب فيه <<احسبها كذلك وللله حسيبهها
واختي كشه مدرري وين ذلفت في هذا الوقت وامي نايمه عندنا
كانوا ساكتين ومن جيت انا سوويت صجه
سوسو اعني ام نواف وين لارا ؟؟
قالت تعالي : بنتي نايمه يا ويلك تروحين تصحينها والا بس تمرين من عندها
لانه بالعاده امر من عندهاوبس ابوسها ويمكن اصحيها <<وش اسووي ولهت عليها يا نااس ما فيه الا هي تقدر مواهبي وبطولاتي "حطوا شخوط عند بطولاتي "
والله واجلس اسولف على اخووي واعلق ومن بديت احكي قلبها ضحك وشووي تشويت بالمناديل والجوالات <<من باب التشجيع
الا اسمع احد من ورااي
مداااااااااااااااااااااااااااااااااااااااااااااااد
88
عاد تنادين باسمي بس تعرفون الخصوصيه
قلت سممي قالت ازعجتين قلت امرري
ومااش بي سواليف متى اشووف اخووي واسولف والا اشوف اختي
ما تامرني الحقي بنتي والا زيني رضعه والا غسلي لها
وانا اسولف عااد سواليفي افلقيهم اذا ما ضحكوا غصصب عنهم اصلا لو يشوفون وجهي يضحكون واشك انه فيه نكته مكتوبه على جبهتي
88
بكيفي بمدح نفسي
اصلا الموضووع كله مدح لي
وهم يضحكون امي تنادي ثانيه
مداااد
قلت والله العظيم مووب انا هم اللي يضحكوون
قالت هم لحالهم ما يضحكون
انت اللي تضحكينهم
كان اعلن عن مقاطعتهم كما قاطعت المنتجاات الدنماركيه واجيب لي باارد
واكل بسكووت
وانا معطيتهم جنبي مااش اخااف اشوفهم واسولف
وانا اكل واكل
رحمتني سوسو وقالت خوذي العبي بولدي
قلت شررط واحد قالت وشو ؟؟
قلت شووي متى ما مليت رميته عليك
قالت هو يحبك ويسكت معك
قلت اييه بلاك ما توفرين له سبل الرفاهيه
واخذ الولد والله واشقلب ابووه لا مهااد ولا قبوع ولا هم يحزنون
واجلسه ويبداء الاخ يتفررج معنا ويسكت
كاان الثنائي رجعوا يضحون
لذا مااش الثالثه ثابته
تم نفيي الى خاارج الصاله من قبل امي الله يخليه لي
وقممت قلت مالي الا كشه
وانزل تحت قالت ابي اتابع فلم
قلت بكيفك
ونفتح الفلم الا الاخت بدت تنسحب هي تعرض الفكره وتطيح على راسي اخبرها راحت تجيب مويه او لدوره المياه الله يكرمكم
لكن شكلها خروج نهائي بدوون عوده
المهم قلت يجووز العيد بدون حنا خلين اكمله والله ما عليه مليح
وانا اتابع كنت على كرسي قلت رقبتي عورتن
واروح اجيب مركى واجيب اكبر مخده بالغرفه واجلس الا الراحه تكمل
واشووف الفلم وكانت الساعه 2 ونص
يوم جت 3 الا ربع
كانه شئ اسوود مر من جنبي الايمن
والتفت اشووف
الا القى المتهم الارهابي المطلوب من قبل الاعدام
وهو الذي يوجد بالصورة ادناه
"هنا الصوره"
قلت فكرري يا مداد ايش راح تسوين لو صرختي نفيتي من البيت كله
شغلي عقلك واذا بي افكر وانا على اعلى قمه في الغرفه
الا يطلع ويرجع ويطلع ويرجع
وانا افكر قلت بس مافيه الا هي طريقتي الذكيه لمكافحه الارهاب والغاشمين
واركض اجيب لي <<على حسب اللغات ساذكره بعده لهجات
سطل
زباله
سله مهملات
مدري وش تسمى بعد المهم
واجي طاايره
الا الاخ اخبره داخل تحت الصندووق
قلت بس انتظره لين يطلع بشووف الفلم
بس مااش اخااف يلحقني
والا مدري الا هو بحضني
خلين اتغدى فيه قبل لا يتعشى علي
واجر الصندووق لكن محاولتي باءت بالفشل
لم اجد له أي اثر
قلت بس هو ورى الدولاب بشووف التلفزيون لين يطلع بما انه الجهه وحده
واجلس لي على ذااك الكرسي ورفعت رجولي حتى لا يتسلق على أي شئ
وانا اشووف الا الحماار مدري الكلب مدري الصورصاار يطلع لي من جهة اليساار
بسم الله واقوم اناقز وانا على الصامت <<بس هزاز
وارووح اجيب السلاح مرره ثانيه
وانتظره بس كل ما قربت قلت لا يا بت احتمال يطير خلينا نسوي دراسه هو يطير والا لا
كاان اسوي بحوث عليه فطلع الاخ بالبريه وماله أي مجال بالطيران
قلت بس جااك الموت
والله ويدخل ويطلع
ويروج للجهه الثانيه للغرفه هنا قلبت وجهتي وعطيت التفلفزيون ظهري وقمت اتابعه لين ما طلع
فرجع ودخل ويطلع
ومن قررت اهجم عليه الا الاخ طاااير لي وانا اتراجع
وشكله كاان ميت من الضحك علي يقوول هذا كبرك وتخافين من
قلت اضربه مقدر ارش عليه شئ لا هذا الموت انا احط عليه شئ ما قدرت مو عاد اسووي فيه عمليات اعدام انا حدي اعتقال
والله وانا جالسه الا اشوف مواهبه بدت تطلع شفت الاخ يتسلق الجداار كاان تطير عيوني كل هالثقل وتمشي الا يطلع على الكنب
الاخ مركب دفرنسيه >>اخبرها بالجيوب ولا ادري وش سالفتها
قلت ماكو بجيب الكميرا اصورة لبنات حواء وهو يطاعس
وانا نازله ومعااي الكميرا نحته وطقيته بعين وطااح من الجدار
وهنا وش صار
طااح بالمقلوب وما قدر يتحررك كاان اخذ له عدة صور تذكاريه
واحط السله عليه
بعد ما جريت الكنب مع انه ثقيل
بس لازم اخااف يتعدل والا يطلع
ويحووس وانا مرره ما احبه
بس كنت طالعه بنام الا قلت الحين كل مجهودي يرووح سدا
محد يدري وش جواته ويطلعه لي بكفاله
كان اطلع غرفتي وامسك الورقه والقلم واكتب لهم ان هذا المتهم القابع امامكم لقد تم القبض عليه حيث وجد في الساعه الثالثه وخمس واربعون
وكاان يدوور في الاسواق قصدي الاسياب مع انه كان من القواعد حظر تجول
فارجوا منكم اعدامه وباسرع فتره حتى يكون جزاء له وردعا لامثاله
أي كانوا صغيرا ام كبيرا
وطلعت فووق وكانت الساعه الرابعه فجرا
الملاحظاات:
1: اذا عندك خوات مثل خواتي نكبه لا عمرك تطاوعينهن باي شئ.
2 : ان الطريقه المذكوره اعلااه من الطرق حقوقها منسوخه لدى مؤسسة مداد للانتاج وقله الرعب .
3: ان الصراصار كائن اسوود اللون صغير الحجم كفيل بان يدب الرعب في انحاء البيت .
4: مبرووك النجااح للناجحين وعقبال البقيه يارب.
5: لا تحتاج للكثير من الادوات بل عليك بفعل الطرق المذكوره حتى ياتي المعدم له .
6: مرره وحده من خواتي بتسوي روحها بطله وزوجها بالدوام كان تمسك الفليت وتبداء ترش عليه بالغرفه وتقفل الباب وتفتح وترش
حتى انهكت قوواه وخر صريعا واعتقد انها اتصلت بجميع العائله لتخبرهم لكن يوم جااء زوجها واخبرته قال ما يحتاج على بالي سياره المبيد راشه الشقق كلها
الريحه واصله الدور الاول علما بانهم يقطنون بالدور الثالث
شفتوا كيف الفكره روعه.
7: فيه احدى اقاربي سووت التجربه اول زواجها ولكن سوتها بقدور المطبخ وطلع عليها معسكر كامل مو واحد
كان تخلص قدورها اللي بالمطبخ وتتصل بزوجها طلبا الانقاذ لان العده انهت والمقاومه باءت بالفشل
8: زي العاده عسى ما تعبتوا من موضوعي وانا سبق وانذرت ذووي البال الغير طوويل بعدم الدخول مواضيعي.
9: ترا يوم يتقفل جهاازي تخيل لي صرصور مشى على رجلي
10: ما تلاحظون اني طولتها
لكن ما اقوول الا
عسلــــــــــ مداد المشاعرــــــــــيمه
وشووفي اللي على رجلك صرصوور
ههههههههههههههههههههاااي
8888
الموضووع كاتبته لي فتره بس نسخته من الوورد
ترقبوا مدااد في الريااض
الموضووع الجااي لا السابق بل الاحق
وعسليمه
:26:
رجعت اغير اللوون علشاانكم
بس حراااااااااام وش ذاااااااااا الخط >>عقااااااااااااااب