من المسئول عن هذه السرقة اللي حصلتلي في شركة الما اكسربيس تنبيه لكل من تتعامل معهم

بدخل بالموضوع مباشرة لان ابغى حل قبل الساعة 10 لان عقلي شل مو قادرة افكر نهائيا

كان عندي لمس شحن طلبيات وكالعادة جهزت الكراتين ولا متلتزمة بطلبات ناس خرجت الساعة 10 الصبح من البيت اجيب الطلبات وخليت الكراتين عند الشغالة وكلمت شركة الما يجيو يخذوها

اتصل علي مندوب الما وقالي انا تحت البيت يام خالد قلتله الشغالة فوق خذ منها الاغراض جاهزة وكل كرتون مكتوب عليه الاسم والمنطقة والبيانات الخاصة

5 كراتين قيمتها مايقرب 4500 الى 5000 ريال

ولمن رجعت البيت زي العادة اخذ الوصول واحطها بظرف خاص الين اصحابها يستلموها واشطب عليها واتابع معهاهم
المهم سالت الشغالة قالت معطاني الوصول اتصلت عليه اعطاني الارقام الخاصة وعادي خلاص مجا في بالي شي ومامنة الله عز وجل وموكلة امري

بعدين اتصل علي قرابة المغرب وقالي ايش محتويات الكراتين قلته ادوات تجميل

وقال انه في ناس والسيارة واقفة كسرو السيارة وسرقو كل الكراتين والاغراض اللي فيها ومن ضمنهم كمبيوتر لناس غيري صراحة صعقت من الخبر وقالي انا بالشرطة بيرفعو البصمات

نابعت مع الشركة قالي المسئول انتي مو حاطة تامين مع العلم انهم عمرهم مقلولولنا عن التامين هذ
وبصريح العبارة يقول انتي مالك شي عندنا

كلمت اخو زوجي وقال عندك الوصول تقدري ومن حقك تقدمي بلاغ بالشركة لكن معايا ارقام بس انا كلمت المندوب وقلتله يجيبلي الوصل الصبح اليوم قبل 10 عشان الشركة وانا ميحمله المسئولية ومقلت له اني هقدم بلاغ عشان لا يخاف او ميرضى يجيبلي الوصول ايش رايكم

بالله الناس بتطالبني بقيمة البضاعة وانا والله طلعت علي بخسارة كبيرة فوق 8000 في الكراتين هذه
ابغى حل سريع الله يوفقكم

وادعولي ربي ينصرني والقى اغراضي او يظهر المجرم اللي سرق الاشياء والله اني خايفة تكون لعبة من المندوب بس مابغى اتهم احد لان انا مؤمنه بالاية اللي تقول( ان بعض الظن اثم) وبنتظر الين نشوف ايش اتللي راح يصير