السلام عليكم
خواتي احنا في شهر رمضان المبارك الحسنة فيه مضاعفة والسيئة مضاعفة
خواتي لاحظت وانا اتصفح هالقسم واشوف مواضيع البنات ينزلون فساتينهم حقت العيد وهم فرحانين فيها
يبون كلمة حلوة من خواتهم
وخواتي هنا كثير ماشاءالله عساها تكتب في حسناتهم مايقصرون يمدحون ويجاملون
والبعض من البنات الله يهديهم تدخل وتكتب وع مو حلو دوري غيره
انتي تعرفين ظروف البنت
يمكن ماعندها احد يوديها تشتري غيره
يمكن ميزانيتها ماتسمح تشتري غيره
احنا ماشاءالله مناطق كبيرة وكثيرة وكل منطقه ممكن لها عادات باللبس
يعني البعض يلبس طويل وعند البعض الاخر مو حلو الطويل وعلى قولتهم مو استايل وموكول
والبعض يلبس عاري وعند البعض الاخر مومحتشم ومايجوز
خواتي الكلمة الطيبة بتكسبين فيها اجر
بعض البنات تقول موحلو ودوري غيره ممكن هالفستان بمجتمعها حلو
شي ثاني يابنات ماتدرون وش ظروف خواتكم اللي ينزلون ملابسهم
وكلامي هذا مو معناه ان ملابس خواتي هنا موحلوة لاوالله بالعكس حلوة وتعجبتي خصوصا المحتشم منها وربي افرح وانا اشوف ملابسهم محتشمه واذكر الله على صاحبته
ياخواتي لمن قلت لكم اكثر من مرة ماتدرون وش ظروف البعض
لاني بعض البنات اللى تنزل صورها اعرف ظروفها
في احد المرات بنت يتيمة منزله صور ملابسها العيد والبنات ماقصرو موحلوة وبسيطة جدا وش تبونها تلبس فستان عرس
ياخواتي والله ماتدرون بكلمة طيبة تكسبك حسنات بهالشهر الفضيل وكلمة جاسية ودفشه تكسبك سيئات
وحلات البنت لبقة وذربة بكلماتها قبل ملابسها
والسموحة اذا ضايقت احد بكلامي
يلزم عليك تسجيل الدخول أولًا لكتابة تعليق.
هيوفة الكتكوتة
•
والله صح كلامك جبر الخواطر ضروري وصعب نكسر بخاطر احد واللبس توه جديد ثانكس على الموضوع
والله صادقه .. وممكن تقول رأيها بطريقه حلوه ومهذبه والبنت تتقبلها وهي مبسوطه.
ليتهم ينتقوا كلام النقد ... ماقلنا جاملوا لكن سحنوا الفاظ نقدكم.
طبعا هذا مو للكل فيه بنات ربي يحفظهم تقول رأيها ونقدها بطريقه مره ذوق.
ليتهم ينتقوا كلام النقد ... ماقلنا جاملوا لكن سحنوا الفاظ نقدكم.
طبعا هذا مو للكل فيه بنات ربي يحفظهم تقول رأيها ونقدها بطريقه مره ذوق.
الصفحة الأخيرة