أهلا بك عزيزتي الثلج المتساقط ....

نفس مشكلة اولادي ما يحبوا الاكل وما بياكلوا إلا أشياء معينة
وعلى التكرار بيملوا منها .....

الحقيقة اكثر ما يلفت انتباهي هو أن تفرغك الكامل لطفلك اثناء الأكل وعمل كافة الوسائل مثلا حكاية قصة غريبة ومشوقة له أو التصفيق الحار واحتضانه او يعني حركات لافتة للنظر وعمل مسرحيات كل هذا يساعدهم على الغقبال على الأكل .....والله يكون بعوننا .مشكلة الاكل مشكلة فظيعة وصدقيني بيجعني راسي كل ما بدي طعميهم على قولة بدي وما بدي ومدري ايش .....


الله يخليلك ولادك ويحفظهم

أهلا عزيزتي ام تامر .... الله يكون بعونك وشفى الله لك اولادك وعافاهم

ما في أصعب من مرض الاولاد .. الله يحميهم ويحفظهم

وطالما ما عندك فراغ فأنت بنعمة كبيرة ....

لأن الله عزوجل إذا احب عبدا شغله طبعا بما يفيده

شغلنا الله بطاعته دوما .....

وفقك الله ويسر لك امورك وأعادك سالمة غانمة إلى اهلك وبلدك وحبايبك

مرااااااااااااااااااااااااااحب
بالنسبه لي بالصراحه زوجي راح يكون عنده كورسين بالصيف يعني كل الاجازه والله يعين مع اني مبسوطه ان عنده كورسين ارتبلي لاني ماحب انه يكون باجازه ويصير بالبيت على طووول
وبالنسبه لبنتي ماتدرس الا ثلاث ايام في الاسبوع وكلهم افتر نون
والله يعين على هالحال
الصراحه اقوم وارتب بيتي واسوي قهوتنا ونتقهوى وبعده بست او سبع ساعات الغدا والعشا ملغي لان غدانا متأخر
واذا طلعتالشمس وما كان فيه مطر رحنا لببارك اللي قريب من بيتي ومرجحت بنيتي
وبالنسبه لاكل الاطفال الله يعين عليهم انا بنتي كل ماسويت الغدا تسوي لي قضيه مابي البصل وشيلي الطماطم ووشو هذا الاخضر تقصد الفلفل البارد والله يصلحها نفرح اذا لهت بالتلفزيون شوي نقوم انا وابوها نتغدا وبعدين اغديها برواق
وهذا ملخص وقتي والصراحه وقت الفراغ اقضيه على النت او شغل البيت مع ان البيوت صغيره الا ان شغلها مايخلص
وطولت عليكم معليش بس واصله حدي من الطفش والروتين
ودمتم سالمين>>>>>>>تابعته مع بنتي هههههههههههههههههههههه :27:

الله يعينكم حبيباتي..
أنا عندي تعليق وإن شاء الله أفيدكم..
أعتقد إن كل وحده فيكم لازم عندها وقت فراغ وكل وحدة فيكم أدرى بنفسها وتعرف الوقت المناسب لها
فأقترح إن كل وحده تاخذ ورقة وقلم وتسوي جدول تنظم في وقتها وتكتب الأشياء اللي راح تسويها إن كان ماعندها أطفال تكتب الجدول باللي يناسبها يعني مثلا :
الساعة6 الفطور
الساعة8 تبدي تنظف وتسنع
الساعة11 تسوي الشي الي تبيه مثلا إذا كانت تعتني بشعرها وجسمها يعني تحط الخلطات وهالأشياء وبعدها تتسبح..
الساعة12 الصلاة وأذكار ووردها
الساعة 1 الغداء..
الساعة 2 تنام وتاخذ راحة
الساعة 4 تقوم من النوم وتقرا جم صفحة من كتاب معين..
الساعة 5 تحفظ 3 آيات قرآن..
وهكذا
أما بالنسبة للأم اللي عندها عيال تييب ورقة وقلم وتنادي أطفالها وتقولهم كل واحد شنو يحب وشنو هواياتهم والأشياء اللي يحبون ينجزونها وشنو ودهم يسوون بالصيف وتكتبها وتسوي جدول مثال:
الساعة8 الفطور
الساعة 9 قراءة كتاب معين والأم معاهم (كتاب ثقافي أو
قصص الأنبياء وغيرها)..
الساعة 10 سباحة
الساعة 1 ظهرا غداء
الساعة 2 قيلولة (نوم)
الساعة 4 حفظ 3 آيات قرآن
الساعة 5 قراءة تفسير آية معينة
الساعة 6 دراسة انجليزي
الساعة 7 هواية أخرى مثلا(بولينغ-خياطة-مشي -كرة قدم -طائرة........ إلخ.........
أي شيء على حسب رغبة الأبناء
وأتمنى إن يكون الجدول متنوع يعني يوم السبت غير عن الأحد والأثنين والثلاثاء ويكون الجدول متنوع ونفس ماقلت تستشيرين الأطفال..ويكون يحتوي على أشياء متنوعة ومفيدة..أهم شي الإستفادة لايضيعون وقتهم بالفاضي وكذلك إن من ضمن الجدول تخلين أوقات معينة أو أيام معينة تكون( رحلات) يعني تطلعون مثلا: المتاحف -حدائق-بحر-مراكز تسوق مكتبة ........إلخ
مع رجائي الحار لكم بالتوفيق وبقضاء إجازة سعيدة ومفيدة

حلو الموضوع

جزاك الله كل خير ياشام

بصراحه انا ماعندنا اجازه
على شان كذا صاير عادي نفس اول ماتغير شيء
الله يعين

بالنسبه لي مالي برنا مج معين

يعني اوقات اصحى بدري واوقات متأخره

بس اليوم يعدي سريع بين طبيخ وتنظيف

وبعدين اجلس البس واتمكيخ اذا كنت ناويه اجلس بالبيت

وبعدها اقلب في عالم حواء

استمع لمحاضره على النت

احفظ قرأن ....

اوقات اخرج معي صاحباتي نتمشى

بالعادة نجتمع في يوم ونقسم الشغل

ناس عليها الطبيخ وناس الحلو

واثنين يمسكوا الاطفال يدرسوهم عربي ودين

واللي يحفظ كم سوره نعمل حفله على شرفه

ونجيب قاتوه وبالونات والباقي يتحمسوا للحفظ

مجموعه تجلس تقرأ قرأن وتفسره

نختم القرأن قرأه ونبدأ من جديد

وكل اسبوع تتغير المجموعه

اللي طبخ يصير يقرأ قرأن واللي درس الاولاد يطبخ

يعني الدور يلف على الجميع

واخر اليوم تتجتمع كل المجموعات ونعمل مسابقه

وبصراحه حماس مره نستفيد من الوقت وننبسط

مرات نحدد يوم نسميه يوم النظافه نروح المسجد

نغسله وننظفه مزبوط

وشكرا لك شام على الموضوع