ابلة نظيرة ..
يلا هم وبينزاح عنك ان شاء الله .. انا ما اايد الخدامه ولا احب تواجدها في البيت خصوصا اذا كانت ربة البيت قاعده في البيت وغير موظفة احس انها ما لها داعي دام الوحده بصحتها وعافيتها ..
لكن اللي يحدنا عليها متطلبات الزمن هذا صارت صعبة جدا بيوت كبيرة والاطفال همومهم اكبر .. والزوج يحتاج لاهتمام اكبر واكبر .. وغير هذا الصحه صارت ضعيفة مو مثل قوة امهاتنا وجداتنا نشاطهم ضعف نشاطنا ..
وانا اشوف اذا انتي ما تحتاجيها لهذه الفترة تقدري تستغني عنها بعدة خطوات ..
1. ابحثي في الانترنت عن كل المواضيع اللي تساعدك على التنظيم وتوفير الوقت والجهد والمال ..
2. ضعي لك جدول يومي واسبوعي وشهري .. وامشي عليه .
3. القعده مبكر من النوم والبدأ بالعمل من الصباح وبعدها تقدرين تنامي وتريحي نفسك .. لان الصبح فيه بركة في الوقت ..
4. اذا بغيتي تنامي لا تنسي التسبيح والتكبير والحمد والاستغفار وكل واحد منهم 30 مرة فهي مفيدة .
5. ترتيب اغراضك على طول يعني اي شئ ينشال من مكانه ترجعيه على طول .. حتى ما تصير لك الحوسة وما تقدري تسيطري عليها .
6. عودي اطفالك وزوجك على التنظيم يعني شربو في كأسة يشيلوها عالمغسلة .. عندهم ملابس وسخه يحطوها في سلة خاصة يبون يطلعون لهم ملابس من الكبت ما يعفسون لك الكبت كله والثياب كلها .. ووكلي لهم بعض المهمات البسيطة عشان يشيلو عنك اشويه .
7. استعيني بالاجهزة اللي تساعدك على توفير الجهد والوقت مثل طنجرة الطبخ والقلاية اللي بكهرباء وغسالة الصحون ومجففة الملابس والغسالة الاوتماتيك والمكنسة اللي تغسل السيراميك .
8. تعرفي على احسن المنظفات واسرعها واقواها من خلال بحثك في النت عندك من خلال تجربتي فوريست للفرن وجف .. مستر ماسل .. لتنظيف الحمام والمطبخ .. بخاخ ديتول للحمام واايد مرتاحه منه . منظف داك وهاربيك للمراحيض .. ملمع الاثاث والزجاج والكلوركس يفيد لكل شئ للجدران لابواب الالمنيوم للملابس البيضاء .
9. لا تؤجلي عمل اليوم للغد .. كل شئ سويه بيومه ..ولا تسهرين وااايد عشان يصير عندك طاقة للقعده من الصبح .
10 . الاكل فرزني لك الخضروات وقطعيها في الاجازات عشان طول الاسبوع تطلعي لك منها المقدار اللي تحتاجيه .. بعض الاكلات تنفع مثل السمبوسة والكبة والسبرينق رول للعشاء وللزنقات .. بس تقليها وخلاص ..
11. خلي اغراضك وملابس على طول مرتبة ومنظمة ولا تحطي شئ في غير مكانه عشان يسهل عليك الوقت وما تتعبي وانتي تدوري الحاجة الفلانية لانك عارفة كل شئ وين مكانه واذا بترجعيه ما ترجعيه الا بمكانه وحبذا لو تحطي لك استيكرات في الارفف والخزاين بمكان الاشياء عشان لو زوجك ولا اولادك شالو شئ يعرفو وين مكانه ويرجعوه ..
12. اي شئ ما تحتاجيه او خربان او ما تستخدميه من فترة طويلة ارمممممممممممممميه او تبرعي به او اعطيه احد من اقربائك يعني العاب اطفالك ما عادت تناسب سنهم ولا خربانه وما تشتغل على طول ارميها ثياب ما هي جايه قد مقاسك ولا موضتها راحت على طول تبرعي بها .. لان كثرةى الاشياء في البيت تسبب عاااااااااائق كبير وتعيقك في التنظيف والتنظيم وتحسي نفسك مثقلة بالاغراض والاشياء والملابس اللي مو عارفة من الاساس وين تحطيها ..
اتمنى تكون فادتك النصائح .. وادعي لي بالولادة السهلة الميسرة ..
غلاالروح
•
اهم شيء ياعيني يكون الشغل حسب الاهميه والاولويات واهم معضله ترك الشغل يتراكم ..
بعدين صرفي نفسك بترتيب امورك وحسب حاجة معيشتك وزي ما قالولك الحلوات اللي فوق الله يسعدهم
احب اضيف بالنسبه للمطبخ استعملي ورقيات تسهل المهمه .. ايضا اعزكم الله حاولي قدر الامكان تقليل
عدد دورات المياه المستخدمه حتى يقل الجهد في التنظيف ..
الله يسهل لكم اموركم ويرزقكم ..
بعدين صرفي نفسك بترتيب امورك وحسب حاجة معيشتك وزي ما قالولك الحلوات اللي فوق الله يسعدهم
احب اضيف بالنسبه للمطبخ استعملي ورقيات تسهل المهمه .. ايضا اعزكم الله حاولي قدر الامكان تقليل
عدد دورات المياه المستخدمه حتى يقل الجهد في التنظيف ..
الله يسهل لكم اموركم ويرزقكم ..
الصفحة الأخيرة
انا كنت ساكنه دور ارضي والحمدلله كنت مسيطره على الوضع الا يوم حملت تعبت مره وجبتها بس الحمدلله ماجلست الا شهر وقت النفاس ونقلت كفالتها بصراحه مافيه شغل يذكر بالمقارنه مع البيت الدورين انا يوم سكنت بيتي الجديد تعبت مرررررره يديني تشققت ورجولي وتكرمين دورتي تلخبطت معي صارت تجي في غير وقتها ونفسيتي بالمره تعباااانه خصوصا ضيوفنا كثار ويطبون فجئه عشان كذا فكرت اني ارضخ للامر الواقع واجيبها وربي يكفيني شرها
المهم انتي مثل ماقالوا البنات جيبي غسالة المواعين بس تراها ماتاخذ صحون واجد بس ماعليها تريحك شوي خصوصا اذا عندك عزيمه تحطين فيها نص المواعين وتخلصين بسرعه
والغساله الاوتوماتيك الله يجزى اللي دلتني عليها خير الجزاء ارتحت من هم الغسيل يوم جبتها وارتاحت ايديني من الحساسيه والحكه والبطاطين تطلع خيال
نظافه ونعومه وريحة تجنن مو مثل المغاسل تجيك ريحتها شينه ولونها متغير
والمكواة الكبس الي مثل الي عند المغاسل رهيييبه تخلصين بسرعه بدون تعب
وفريزر عشان تفرزين فيه الخضار المقطعه واللحم بانواعه واشكاله والطبخات تحسبنا لاي طارئ
انا اشجعك انك تستغنين عن الخدامه اذا بيتك دور وضيوفك قليلين
والله يساعدني ويساعدك ويكفينا شر من فيه الشر