مونى جميل @mon_gmyl
محررة
الشك وسنينه
يابنات انا محتاجلكم اوى مش عارفه اعمل ايه فى واحد صاحب زوجى راجل محترم اتعرفت على مراته بس انا مش مرتاحلها حسه انها عكس شخصيتى فى كل حاجه لبسه ضيق وكله بناطيل وبتحط مكياج دايما واسلوبها بترقق صوتها قدام زوجى وتحب تضحك وتهزر معاه جوزها من الارياف على نياته وهى من المدينه وشايفه نفسها عليه ومدلعه وهيا اللى ممشياه :(مره كنت عند جوزى فى الشغل ولقيتها بتعمل رنه وتقفل ولما رديت عليها قفلت التليفون فى وجهى واتخانقت مع جوزى بسببها وحلفلى ان مفيش حاجه وعاتبتها قالتلى انها مسمعتش صوتى وان حد كان بينادى عليها فقفلت السماعه بسرعه عشان ترد عليه فصدقتها وقلت يمكن انا ظلماها بعد كده خرجنا انا وزوجى معاه هيا وزوجها كذا مره وبعدين فى يوم لقيتها بترن على موبايل الشغل عند زوجى بس هو كان فى البيت معاه محدش سمعه انا شفته بعدها بشويه راحت متصله على تليفون بيتى وقعدت تهزر معايا ولما قفلت اخدت بالى انها رنت عالموبايل ولما اتصلت بيا تانى سألتها ان كانت رنت على موبايل الشغل ولا لآ كانت عايزه حاجه قالتلى انها متعرفوش اصلا يعنى كدبت عليا وقالت لجوزها زعقلها وقالها مكنتيش تكدبى عليها ولما كلمتنى تانى عاتبتها فقالتلى انها حست انها كأنها عملت عامله فكدبت عشان انا مغيرش على زوجى منها بذمتكم لو هيا محترمه كانت قالت كده انا عايزه رأيكم فى الموقفين دول بصراحه وقولولى لو انتم مكانى حتكلموها تانى ولا ايه لانى بتخانق مع جوزى بسببها كتير وهو بيزعل ويقولى انه بيحبنى وميقدرش يبص لواحده تانيه غيرى وانه مش ممكن يخون صاحبه ولو بالكلام :44:وطلبت منه انه يقطه علاقته بيهم يقولى الراجل محترم ومشفتش منه حاجه وحشه وانا بطنشها كتير كل شويه ترن عليا هيا عايزه تصاحبنى وانا مش طيقاها ومش بثق فيها اعمل ايه دلونى لان امبارح بالليل لقيت تليفون زوجى مشغول وتليفونها مشغول نزلت رحت الشغل اشوفه بيكلمها ولا لآ وحصلت مشكله واتخانقنا وصمم انى يحكى لاهلى ونمت عندهم لكنى رجعت انهارده ولقيت نمرتها ملغيه من عالتليفون كأنها اتصلت وزوجى مسح الرقم حيقولى عشان موجعش دماغه ونتخانق تانى اعمل ايه انا محتاره وخايفه من كتر الشك اخرب بيتى بأيدى دلونى عالحل :icon33:انا طولت عليكم بس صدقونى ملقيتش حد اشتكيله غيركم
44
3K
يلزم عليك تسجيل الدخول أولًا لكتابة تعليق.
مونى جميل
•
فين ردكم يابنات انا محتاجلكم متبخلوش عليا
الصفحة الأخيرة