ودي احتسي عن الاشياء المعطره في البيت
يعني شلون بتخلون بيوتكن واغراضكن تفوح عطراً
-------------------------------------
اول حاجه في غرفه النوم:
1- لتعطير السرير:
معطرات الفراش:
1- عند نكتار: عطر انانيا للمفارش وللملابس ريحته حللللللللو مررررره (على فكره اذا شريتي مجموعه العطر من عندهم يجي معه معطر الفراش نفس ريحه العطر)..
2- وعند اجمل : ريحته على عود وبخور .. بـ 30
3- دبنهامز او محلات الرصاصي : فيه معطر اسمه اكوا ..
---------
الطريقه:
شفتي الشرشف الي يصير يتمتط من على الجوانب
وتلبيسه المخدات واي شرشف ثاني خفيف على السرير
المهم:
خذيهم وغسليهم (بصابون فيه ريحه حلوه زي تايد بالفل او داوني )
وبعدين جففيه بس مومرة تخلي في شويه مويه
وبعدين :
جيبي معطر الفراش الي شاريته
بخي عليه معطر المفارش أفضل بالعودة وكثري شوي
وتكون مبخرتك جاهزه حطي العودة وبخري الشراشف
بعدين لفيه مزبوط بطريقه مرتبه وحطيه في كيس وفي الفريزر
المفروض تخليه ثلاث أيام بس أنا أخليه ست ساعات أو سبع
وبعدين أفرشه وتعالي شوفي الريحه جناااااااااان
اضمن لك الريحه 3 ايام في الفراش
---------------------------------------
2-لدواليب الملابس والانجري:
--
1- عند نكتار: عندهم ورق زي ورق التجليد ريحته تجننننننن تحطيه تحت الملابس وتخلي ريحة دولابك مره حلوة (وفيه عند سيتي بلازا)
2- لافي ان روز : تاخذين الورود البيضاء الي تحط بين الانجري
3- الكور الي عند سيتي بلازا وعند لايف ستايل وفيه عند نكتار بس مو كور لا عندهم زي العلب تفتحينها في الادراج
4- عند لاسنزا : غسول للملابس الداخلية خيااااااااااااااااال جربووه رووووووووووووعه تعرفون الصابون العادي مضرررررر
الطريقه في التعطير: بالترتيب
1-في الغسيل : ملابس البيت.. غسليها في الغساله وحطي معها داوني او تايد بروايح اواريل (لازم المويه حاره )
،، والملابس الداخليه.. خليها في طشت مويه حرارتها معتدله وحطي الغسول الخاص فيه الي من لاسنزا وشوي من داوني
2-وبعد ماتجف وانتي تكوين ملابسك للبيت والداخليه او لطلعات :شفتي بخاخ المويه حطي فيه قطرات من دهن العود وانتي تكون رشي وراح تثبت الريحه
3-شفتي الورق المعطر تفرشينه تحت ملابس البيت والداخليه
4--شفتي المناديل خذي الي تكون جبره وكبيره وروحي جيبي عطرك الي دايم تستعملينه في البيت وبخيه على المناديل وبعدين لفيه في قطعه قماش
وانتي ترتبينها حطيها بينهم ( ابصم لك راح تثبت الريح
).. وبعد ممكن انك تربطينها في خيط وتعلقينها مع الملابس المعلقه5- وخذي الحين الكور المعطره ووزعيها بينهم (وممكن انك تاخذين المسك الابيض وتكسرينه او تخليه كما هو وتحطينه في الاكياس الصغار وحطيه بين الملابس)
وحطي بتلات الورد بين الملابس الداخليه
6- واخر شي شغلي المبخره لييين تبخر زين وبعدي روحي وحطيها في دولابك وسكري الدولاب شوي عليها وبعد طلعيها وسكري الدولاب
------------------------------------
3-تعطير الغرفه ككل :
1-شفتي الابجوره الي جنب فراشك اكيد ماراح تشغلينها الافي الليل
المهم:
جيبي اي عطر عندك وبخيها وهي مطفاه يعني اذا قمتي من النوم بخيها او قبل لاتنامين بوقت
المهم واذا جيتي تنامين شغليها و بطلع زي الدخان عادي ماراح تنفقع بس بتنتشر ريحه العطر على طول
2-المكيف:
شفتي شفراته نضفيها زيييين ومسحيها وجيبي قطعه قماش وحطي فيها زيت الفواحه الي تحبين ومسحيه (طبعاً وهو مطفى)
وشوفي كيف الريحه اذا شغلتيه
وبعد طلعي هذاك الشي اللي زي الاسفنج غسليه ورشي عليه الزيت العطري
3-السجاد: اشتري معطر سجاد عند محل (سيد جنيد )
المهم :
جيبي فرشه سجاد اومكنسه يد وحطي فيها شوي مويه ونضفي السجاد او مشيها عليها
وبعد ماتخلصين جيبي المعطر وبخيه عليهااا وراح تطلع الريحه جناااان
--------------------------------
الحين في البيت كامل b034
1-المكيفات :
(نفس طريقه غرفه النوم)
الي هي
شفتي شفراته نضفيها زيييين ومسحيها وجيبي قطعه قماش وحطي فيها زيت الفواحه الي تحبين ومسحيه (طبعاً وهو مطفى)
وشوفي كيف الريحه اذا شغلتيه
وبعد طلعي هذاك الشي اللي زي الاسفنج غسليه ورشي عليه الزيت العطري
-----------------------------
2-الانوار:
قبل لاتنامين وانتي تطفينها رشي عليها من اي عطر واذا قمتي بكره راح تطلع الريحه جنان
ورشي بعد في غرف المجالس علشان اذا جا عندك ضيوف اول ماتشغلين النور تطلع الريحه
---------------------------------
3-السجاد:
(نفس طريقه غرفه النوم)
الي هي:
اشتري معطر سجاد عند محل (سيد جنيد )
المهم :
جيبي فرشه سجاد وحطي فيها شوي مويه ونضفي السجاد او مشيها عليها
وبعد ماتخلصيم جيبي المعطر وبخيه عليهااا وراح تطلع الريحه جناااان
-------------------------------
4-المكنسه:
اذا فضيتي المكنسه وغسلتي اكيس القماش حقها حطي قطرات من اي عطر فواحه وبعدين اطحني مكعب من مكعبات المسك الي عند القرشي
وحطيه في كيس قماش شيفون واربطيه وحطيه بين قيس القماش وجهاز الدينمو (وعاد وانتي تكنسين استمتعي بالريييييحه)
------------------------
5-اثاث البيت:
-اذا جيتي تمسحين الاثاث وخلصتي جيبي قطعه قماش وببليها كلها بمويه خفيفه وجيبي زيت عطري على شكل بخاخ وبخيه بها (عند بدي شوب وزهور الريف)
في طريقه ثانيه:
بخاخ مويه (مليه بالمويه الى نصفه )+حطي معه فنجان مويه ورد +لبان مو علك(الي يتعمل لتثبين الريحه) +وبعدين رشي عليه اي عطر وينفع دهن عود
وبعدين ارتكيه ليلله كامل ،، وارخر شي بخي به الكنبات والموكيت والسرر
-------------------------------
6-السراميك والبلاط:
لو ارضية بيتك سيراميك ولارخام مع التمسيح ااذ خلصتي جيبي فوطه فيها مويه ورشيها بالزيت العطري وحطيها على السلاته ومسحيه بها
وافضل نفس المويه الي بتمسحين فيها لازم تكون معطره اثبت لريحه وقبل لازم تكونين ماسحه البلاط ومنضفته من الغبار لان الغبار مع المويه تطلع الريحه كريهه
وتكونين مغسله مساحه البلاط زين بعد كل مسحه للبيت
------------------------
7- الفواحه :
جيبي فواحه البخار الكهربائيه (عند لايف ستايل) هي الي تفضل ريحتها شغليها في البيت نص ساعه كل يوم
----------------------------
8-البخور:
بخري البيت يوميا بعد الغدا او كل يومين لو مبخرتك كهربا وهي الافضل خليها تشتغل مدة نص ساعه تقريبا
قبل تحطين البخور عشان تحتمي ..وبعد وانتي تبخرين رشي فوق الدخان معطرحق البخور