والله الله يعينك فيه الان مراكز لتعديل السلوك يوجد بها اخصائيين يسوون زي الجلسات للطفل وللاهل
المهم لاتخلينه واقري عليه سوره الحمد دايم اذا جا ينوم وضميه وعلميه انك تحبينه اكثر اخوانه لانه الكبير حسسيه بالامان
الدعاء ثم الرقيه سبحان الله اثرها عجيب وبتشوفين بنفسك
بس بشرط الاستمرار
واكليه اكل صحي وكثري من الجزر باكلكم تراه يهدي الاعصاب لو تطحينه طحن مع الطماط للكبسه والشوربه دخلي الجزر بكل شي
عاملوه بحب وامدحوا اي شي يسويه حلوا وكرروا المدح
التربيه بالحب والتجاهل هذا احسن شي للتربيه انا قريت كتب كثير ولقيت فعلا هذا افضل شي
شكل ابوه عصبي وورث هالشي من ابوه او وانتي حامل نفسيتك تعبانه نفسيا
المهم هذي اهم سنين عمره اللي راح راح حني عليه وضميه حتى لو اخطاء
لاتهملينه ودي لمراكز خاصه مثل مركز ماب لتعديل السلوك او اي شي
لاتسبونه ابداااااا ولاتهزؤونه عند احد
والله الله يعينك فيه الان مراكز لتعديل السلوك يوجد بها اخصائيين يسوون زي الجلسات للطفل وللاهل...
وربي يهديه ويصلحه ودايما انتي ادعيله وانتبهي بلحظة غضب تدعي عليه والله الضرب اهون من الدعاء