من لايشكر الناس لايشكر الله < موقف لي شخصياً

،


دايم نسمع إن الدنيا ماعاد فيها خير
وكنت أردد العكس دايم
إن الخير موجود بالنااس
فطرة فينا
ديننا .. تربيتنا .. مجتمعنا
كلها اسباب لوجود الخير
سواء كان ظاهر ولا باطن

الأسبوع الماضي كنت انتظر طلبية بحدود 3000
اتصلت علي الشركة بلغتني بوصلها
بعد ماراسلت مندوبي يستلمها
مالقى لها أثر
طلبوا رقمها
برضوا مافي أي أثر
ارسلت زوجي
واعطاهم أللي فيه النصيب
بس نفس النتيجة
مافي شي
بالأخير
اعترفوا .. إنها سُلمت لأحد بالغلط
مين .. ؟
محد يعرف
نبي أي رقم عشان نوصل له
للأسف مافي أي شي يوصلنا له

جاء زوجي وببرود
طلبيتك بــح

< :ohmy:

من جدك .. !

.. وقفة ..

من وقت اتصال الشركة فيني واتأكدت وصول الطلبية بدأت استقبل طلبات الزباين
وسار مسجل عندي حدود 10 طلبيات
الزباين موعد شحنهم جاء
بعضهم مستعجل
والبعض معطيني حرية الوقت


.
.

تخيلوا .. التوتر اللي عشته
بين الناس ألي تنتظر
وبين الطلبية ألي راحت
وبين مصدقه ومكذبه للخبر

سرت ارسل لزبايني إن في مشكلة بالشحن
احتاج حسابكم ارجع المبلغ
لأن بالضبط مدري كم تاخذ
الكل مارضي يرسلي رقم حسابه
والكل قال انهم ينتظرون عادي
حتى ألي كانوا مستعجلين
( احرجووووني فوق ماتتخيلون )



مر يوم
يومين

من أول يوم وأنا ادعي ربي
وبـ آخر اليوم الثاني
استودعت ربي طلبيتي
وجاتني راحة وطمئنية عجيبة
نمت وصحيت الفجر إلا رسائل بالواتس
من حبيبتي هيفاء < مرسلة الطلبية
إن جاتها رسالة من تاجرة بالمدينة تبلغها بوجود الطلبية عندها
سلمت لها بالغلط

يا الله ..!

ارسلت لي رقمها
واتفقنا على موعد التسليم
واستلمتها
وكانت زي الفل



تاجرتنا ( دلع الحجاز )
من لايشكر الناس لايشكر الله
جد جد اعجز عن شكرك والله
الله لايضيع لك حق وطلب بالدنيا والآخرة
انتي اثبتي لي وللكل إن الدنيا مليانه ناس فيهم الخير
ناس تخاف الله
وماترضى بالحرام

دلوعه ..
مادري والله إذا انتي معانا هنا او لا
ماقد سار بيننا أي تعامل
لكن يشرفني معرفتك بهذا الموقف
واتمنى اقدر ارد لك جزء من جميلك

الله يكتب لك الرزق اضعاف مضاعفة :26:



، ، ، ،




8
8



دلع الحجاز كانت موقف من مواقف كثير

اخواتي .. خلونا نردد دايم إن الخير موجود
وهذا حديث سيد البشرية
( الخير بأمتي إلا قيام الساعة )

لازم نرسخ هذا بنفوسنا
ونربي اطفالنا على كذا
ولنتأكد جميع إن الخلق الطيب والتفاؤل ينعكس علينا
احنا بزمن كثر فيه العادات السيئة
وبامكاننا بقيننا نرجع القيم الفاضلة


مواقف كثير تمر بحياتنا تثبت وجود الفطرة السليمة
والحب الصادق
والمساعدة بدون مقابل


الموضوع بين ايديكم
لذكر أي تجربة ايجابية

:26: