مبرووك حبيبتي مقدماً
نصيحه اكثر شيء اشتريته واكثر شيء مااستفدت منه قمصان النوم<<<حاقده عندها دولاب كامل مانلمس
اشتري بس لا تكثرين

وتبين نصيحه لا تدفعين إلا بالملابس الداخليه الستيانات اشتري لك شيء حلو والوان تنفعك


وش بعد شنط لا تشرين كثير خذي لك كم وحده ماركه وألوانها محايده

وزي ماقالو البنات لا تكثرين ملابس اشتري لك حق اربع ثلاث شهور
واحسن شيء تطقمين اللبس لا تنزلين السوق تشترين كل شيء يعجبك
لا... طقمي لك لبس كل يوم خصصيه للبس كامل مع الإكسسوريز
والجزمه وعلقيه وابدي بشيء ثاني



السهره لا تكثرين مع فستان الملكه
سوي لك فستانين عليهم القيمه ..ونصيح اشتري انتي القماش لا تعطينه المشغل هو يشتري لك
ارشح لك مشغل كيان بالعروبه مرتب خياطهم وإذا صلحولك كم فستان يسون لك نخفيظ ويراعونك بس انشبي لهم

والله يبارك لك بجهازك ووو اخر نصيحه
واحرصي على الصدقه لو بريال وإنتي تتسوقين

<<<<بترجع تحوس ملف البنات بنصايحها

أنا ماأزيد على كلام البنات ..
لا تكثرين لبس طلعات وتتحسفين مثلنا..
وبعد العطور لا تكثرين منها يكفيك 3 لأنه بيجيك هدايا صدقيني..
لا تشترين ذهب !! يكفيك خاتمين ألماس وحلق ناعم ألماس وأسواره مع الساعة
وش بعد...
لبس البيت دوري الناعم واللي مو غالي حيل.. لأن الرجال مايدري بسالفة الماركات والمحلات..
أهم شي ألوان حلوة ولبس مريح وموديلات متغيرة ..
شباشب البيت خذي رخيص وبألوان كثيرة .. أحسن من كم وحده غالية وتملين منها!
وحطي ثلث مهرك باستثمار نصيحة لوجه الله مني .. بس لا تقولين له..
همن إذا خربت الأخلاق يقول لك اصرفي من فلوسك ههههههه
شنط السفر أشتري 3 حبات بأحجام كبير ووسط وصغير ومن ماركة كويسة هذي ولو كانت بسعر غالي تعيش لك عمر طويل ..
إذا زواجك بالشتاء لا تكثرين لبس ولا جزم وأبوات تطفشين منهم بعدين والله ويروح مهرك بخلاقين تتحسفين عليهم بعدين ..
أشتري لك مفرش حلو ... وطقم أرواب وفوط حلو ولو بسعر غالي ..
طقم واحد للعناية بالجسم ..
لا تكثرين شنط ...
إذا ماعندك لاب توب اشتري <== مشفوحة هالبنت
المهم لا تخلي مهرك بملابس!
والله تكرهينها بعد وتملين ويصير الشي بعينك قديم ولو مالبستيه بس من كثر ماشفتيه بالدولاب
ولا تنسين تتصدقين عالأقل بألف من مهرك ..

هذا اللي ببالي والله يوفقك ويسخر لك ويجمع بينكم بخير .. :)

السلام عليكم

الله يوفقك يارب اختي ويسعدك ..

انا شبكتي باايام العيد وابشرك ماسويت شئ ابد ماحصلت فستان ولاحجزت كوافير وللحين تايهه ..الله يعين

يعطيك العافيه عالموضوع الحلو والله يسعد البنات على نصايحهم