تخرجت فبل خمس سنوات من قسم اللغة الانجليزية (القسم اللي طلبات التوظيف عليه بالهبل) ورحت الديوان مع اول اعلان توظيف افكر ان السالفه جد وان في توظيف بس لاني كبيره وفاهمه وواعيه اكتشفت ان الوضع مجرد اجراء روتيني وتسكيت لألسن الخريجات
وعشان كذا رحت ادور وظيفه في القطاع الخاص ويااااااااااااااااااااااااكثرهم بس مع الأسف الرواتب صدقه اعلى مرتب الفين ومايبقى منه الا ريالين شي هدايا للطالبات وشي اوراق عمل وشي نفاق للمديرة وشي للباص وصفينا على ريالين للجالكسي عشان تهدأ اعصابي واواصل دوام
وواصلت دوام ومن وظيفه لوظيفه واثبت جدارتي بشهادة الكل وقايمه قاعده اقول يارب لك الحمد ويكفي ان عندي مرتب
بس الأيام تمر وكل يوم اقول متى يجي الاستقرار ومتلى انام وانا مطمئنه على وظيفتي خاصة وان القطاع الخاص يوم ماتطق براسهم يقولون استغنينا عن خدماتك مهما كانت جدارتك
واليوم وبعد خبرة خمسي سنوات بوضع التوظيف في القطاع الحكومي اقدر اقول ان اقصر الطرق للحصول على جلطة هو متابعة الوظائف الحكومية واقصر الطرق لتفادي الجلطة هو البحث عن واسطة بدل تضييع الوقت وخسارة الفلوس من ورا الملفات وتصوير الاوراق للتقديم في الديوان اللي اسمه ديوان الخدعه المدنية
باختصار الله لايحللهم وحسبي الله ونعم الوكيل
اموت ولا تهان امي @amot_ola_than_amy
عضوة جديدة
يلزم عليك تسجيل الدخول أولًا لكتابة تعليق.
انا ما قدمت ولا بقدم خلاص اعلنت استغنائي عنهم الله لا يحوجنا لهم ماراح اقدم لانهم كالعاده مافي توظيف بس روتي وما اقدر اقدم بمكان بعيد لان عمل زوجي مايقدر يغيره واطفالي ما اقدر ارتاح اخليهم مع شغاله بمكان غريب بس الحمد لله رب العالمين وشكرا على ردك
الصفحة الأخيرة
والله الاهلية ما وراها الا دمار الاعصاب والروتب ما يسوى تعبها