خيمة السونـــا ياحلوين .. كيف يتم تنظيفها ؟؟ / تعديل

والله ياقلبي انا لاخلصت منها شلتها بكبرها وحطيتها ببالبانيو رشيت عليها صابون تايد وبرشاش المويه لين اشوف المويه الوسخه والسوده تروح وتصير المويه بيضاء نظيفه اخليها تتماصى وتنشف للصبح وهي بالبانيو والصبح انشرها بالحوش تتشمس وتتهوى وارجع ادخلها واطبقها وكل ماسويت فيها خرجتها وغسلتها هالشكل اتمنى اني افدتك ياعسل

ممكن اعرف بكم سعرها؟ ووش فايدتها ؟وكيف تستخدمونها ؟وتنصحوني فيها>>>>>ددمعليش خرجت عن الموضوع

أنا أفككها وأغسلها بالغساله وبعدين أحطها بالمجفف بس للأمانه البلاستيك الداخلى بدأ يتفكك وجاري البحث عن طريقه أخرى

مشكورين ياعسولات ع المرور
وعجبتني طريقة دبه سمينه بريالين : ) جاري التطبيق ان شاء الله
هاديه .. سعرها والله ماني فاكره بالضبط بس اعتقد 170 او 250 والله اني ناسيه
وفايدتها هي عباره عن حمام بخار يعني لتنظيف الجسم
طريقه استخدامها زي ماتسوين حمام مغربي .. يعني تغسلين جسمك بمويه وبعدين تحطين على جسمك صابون مغربي او الخلطه الصابونيه او اي صابون ترتاحين له وبعدين تدخلين في خيمة السونا وتجلسين في البخار فتره زمنيه
بعدها تطلعين تغسلين جسمك بمويه بارده نوعا ما وبعدين تفركين جسمك بالليفه المغربيه

وبصراحه انصحك فيها

انا ناويه اشتريها :) ان شاء الله