السلام عليكم ..كيفكم صبايا..؟ ***** الله بخير
انا اليوم حابه اكمل موضوع بديت فيه وحده اموره من منتدانا..
وبصراحه هي صااااادقه في كلمه قاتها..
بس معليش انا راح احكي لكم عن تجربتي مع الزواج ..خصوصا اني لسى مالي غير 6 شهور مرتبطه..
المهم في البدايه حابه اعطيكم نصايح دايم اقدمها لاختي الي راح تتزوج ***** الله بعدي..
اولا انا كنت كفتاه مراهقه ترغب في فارس احلام لسى ماانصنع..
واحد جميل وغني وكبير ويحبني ومايقول لا ومايزعلني ماعنده اهل ولا استلزامات ثانيه في الحياه غيري و رمنسي
ويرقص معايه تحت ظل القمر ويكتب فيني قصايد<<نيزار قباني على غفله
و...و....و....والى ماله نهايه من الاحلام الي ماانوجدت في افكارنا غير من الغزو الفكري الي تعرضنا له
وكبرت شوي وبديت افكر بعقل بس على قدي برضو من كثر المشاكل الي حولي قمت اقارن وبدت تتكون عندي صوره سيئه عن الرجال مع ان ابوي واخوي مو من ذا النوع السيء...لاكن الناس يحبون يكبرون المشاكل وينقلون الكلام وكمان يزودونها شوي ويخلون نظرتك لزواج انه قطعه من العذاب ومشاكل صافه طابور عند باب البيت حقك..بس
طبعنا انا كنت عاقله والفظل يرجع لامي الله لايحرمني منها واخواتي الي اكبر مني ولهم خبره اكثر في الزواج
وقالو لي لا تحكمين على الكل من تجارب اشخاص فاشلين الوحده هي الي تقرر ايش تكون حياتها .. بيدها تخليها نكد وبيدها تخليها سعاده..
المهم انا راح احكيكم عن زواجي...
بداية رحت لزواج وشافتني ام زوجي واعجبتها والله كتب النصيب..
كلمت امي وقالت لها انا ابي بنت فلانه لولدي فلان وهو عمره كذا ويدرس كذا وبيعيش في الدور الثاني حق بيتنا وراح يكون وضعهم كذا المهم قامت ام زوجي تسال امي عن عمري ..ام عاد مشاء الله من كثر البنات ماتدري كم عمري حطتني 18 وانا عمري 20 وانا ورى الباب ابيها تعدل العمر وهي مصره تبي تطلعني كشخه الله يهديها ويعطيها طولت العمر..
المهم سكرت وجتني قالت فيه واحد خطبك وانتي روحي استخيري وانا باقول لابوك ..رديت عليها لا والله مااستخير كل ماجاني عريس استخرت وطار<<وحده مستعجله على الزواج هههههه
المهم قال ابوي ونعم واوافقوا وخلاص كلم ابوه ابوي وقال بيجي يخطب رسمي ..
عاد القافه موعدهم الساعه 11 وانا من 8 وانا في الشباك مرتزه ابي اشوف المعرس ..وجت على وجهي ماجاء..:(
تكلموا واتفقوا وقال ابوه خلاص روحوا سوو لها تحليل الزواج قبل يشوفها عشان مايتعلقون وفي النهايه لاسمح الله يصير شيء..
عاد انا هنا طلع براسي نخل وغاباااات..<<<<<ابليس في راسي:30: هاااااه من اولها قامو يعطونك اومر ويتفلسفون..ابد هذول مو ناوين يجيبونها على خير..
ورحت احلل <<طبعنا انا جبااااانه جداااااا من الابر والمستشفى وحالتي صعبه وكمان مااكلت قبل اروح حتى مويه ماشربت.. المهم رحت للمستشفى واول شيء قلت للي راح تعطيني الورقه عشان تسجل اسمي انا اسمي كذا كذا كذا قالت ايوه انتي متزوجه؟ قلت لا قالت الى اسم زوجك هاشم !!
انا توهقت .. يابنت الذينا تاكدي امي معي بتوهقني:eek: قالت مو مشكله وسكتت واعطتني الورقه وفو الخوف الي فيني زادتني الله يهديها..
ودخلت لتحليل وانا رجليه مو قادره اشيلها وهي مو شايلتني..
ومع الخوف نشفت عروقي ومالقيوا عروق مع ان العروق فيني اكثر من الشعري وماطلع دم عاد انا الحين دورو لي ..
والي تاخذ الدم حست اني راح ادوخ وطلعت الابره وخلتني ارتاح
سنعود بعد قليل........... <<< يتبع