الصوره مخالفه
أبي ابكي من الضيقة وابعزف للهمـوم ألحـان
أبي اطلق مواويل الحـزن واطـرح دواوينـي
أبي أشكي أبي احكي ابوصف للبشـرحرمـان
أبيهم كلهـم يـدرون أبيهـم يشعـروا فينـي
أبي لا من طرى اسمي بكى من لوعتي شيبـان
أبي لامن طرى"عاشق" ذكر من كـان يغلينـي
أبيهم يذكرون أنـي بدمعـي صرت غرقـان
أبيهـم يعرفـون الهـم هوّ اللـي يخاويـنـي
أبي أصرخ وأبلغهم وأقول أن الفـرح خـوّان
يجي مرة معاي و هو بطـول العمـر ناسينـي
أبي اترك لهم قصة وأخيّرهـم علـى العنـوان
يسمّوا "حزن "يحطوا "دمع"أنا ما عـاد يعنينـي
أبي لامن وصل صوتي يحس بضيقتي إنسـان
أبي لامن نزف جرحي لقيـت اللـي يداوينـي
أبي شخص يجي يمـي و يقفـل للعنـا بيبـان
أبيه يكون لي خـلٍ علـى حزنـي يواسينـي
أبيه لمركبي مرسى وأبيـه لغربتـي أوطـان
أبي لامن ذرفـت الدمـع لينـه لـي يعزّينـي
أنا ما أبيه يصبح ضلع أبيه يكون لـي ضلعـان
أبي لا من مشيت وطحت حط يديه فييدينـي
إلا من خانني التعبير أبيـه يكـون لـي لسـان
أبي لامن سكتْ ألقاه .يفهم مـن نظـر عينـي
أبي لا من تعبت وضقت لمّ الروح بالأحضـان
أبيه يكون لـي كتـاب إذا ضاعـت عناوينـي
أبي أعشق وأبي أغـرم وببنـي للهوى بنيـان
أبيه يكون مبنى ضخم ويسكـن فيـه مغلينـي
أبي واحد ويسكن بي وابطرد لأجلـه السكّـان
أبي يسكن وسط قلبـي وعمـره مـا يخلينـي
أبي أشعل شموع الحب وبأعطي من الغلا بستان
أبـي أهديـه باقـة ورد ..مسقيهـا شرايينـي....
أظل أبتسم @athl_abtsm
كبيرة محررات
يلزم عليك تسجيل الدخول أولًا لكتابة تعليق.
أبي أشعل شموع الحب وبأعطي من الغلا بستان
أبـي أهديـه باقـة ورد ..مسقيهـا شرايينـي....
رووووووووووووعه يا الغااايبه مدري القااطعه مدري وش اسمييييك
لك وحشه يا وحشه ربي يسعدك يالبى خشتك الغبره
سلام
أبـي أهديـه باقـة ورد ..مسقيهـا شرايينـي....
رووووووووووووعه يا الغااايبه مدري القااطعه مدري وش اسمييييك
لك وحشه يا وحشه ربي يسعدك يالبى خشتك الغبره
سلام
قراشيع
•
كلمات قمة ولاكنها تحمل الكثير من معاني الحزن والاسى
ربي يسعدك يا الغلا على طرحك المميز
طحيىآآآآآآآآآآآآآتي
الصفحة الأخيرة
قسسمن أبداااع واللهي ..
تدرين اني قعدت ألحنها <~..؟!!
هههههههه بجد والله اعجبتني ..
تسسلمين يالغلآلآلآ =$