فعلا شعور غريب وياما جاني بس انا يمكن لاني بعيده عن اهلي واشتاق لهم واكون احيانا مهمومه ومحتاجه افضفض لاحد قريب مني ولا الاقي احد واهلي مابي احسسهم بضيقتي وهم بعيد بينشغلون علي
لكن من صارت الثورات العربيه وخصوصا ليبيا وبعدها سوريا فعلا حسيت الدنيا مالها طعم وان حياتنا تافهه قدام حياتهم الي عايشينها بين جوع وخوف وفقد غالي و و و......... الله يكون بعونهم وينصرهم على الطاغيه عليه من الله مايستحق

استغفري وتعوذي من الشيطان وتصدقي واذا تقدري تكون صدقتك لسوريا صدقيني بترتاحي واذا تذكرتي اوضاعهم بتحسي بالنعمه الي احنا فيها

حبيبتي هذا اكتئاب وتجيني حالات زي كذا احس ان الدنيا مالها طعم

حبيبتي قد جاني نفس هالشعور..
ويمكن أشد بعد.. وخصوصاً أني في غربة عن أهلي.
لكن حاولت أتغلب عليه بكم حاجة..
وهي :
حزب يومي من القرآن.
قراءة الأذكار يومياً.
الصدقة.
الإستغفار والصلاة على النبي.
الحرص على النوافل مثل السنن والصيام وهكذا.

أهم شي حصني نفسك بالقرآن والذكر حتى مايلقى الشيطان مدخل عليك..

القرآن..القرآن..القرآن
مافي غيره يشرح الصدر..لو درتي الدنيا كلها ماراح تلاقين السعادة بغير طاعة ربي.
ابحثي بقوقل عن (غشاء الران)
دائما رددي : (ربي اشرح لي صدري ويسر لي أمري)
(لاإله إلا أنت سبحانك إني كنت من الظالمين)

أنت يمكن تمرين بخواء روحي يحتاج تملينه بالقرآن والذكر..
وآخر شي أوصيك فيه الوتر جنة القلوب..

أعتذر أخيتي على الإطالة..
أسأل الله أن يجعلني وإياك من السعداء وممن يذرقون حلاوة الايمان ووالدينا وكل مسلم..

نصائح الأخوات جدا مفيدة
بالاضافة للي قالوه احب اضيف شي
ممكن يكون عندك نقص فيتامين (د) ونقص حديد
كلهم يسببون اكتئاب وخمول وملل
سوي تحاليل وعلاجهم بسيط جدا
وكمان حاولي تستمتعين بالحياة قد ما تقدرين
لا بد ما يكون فيه شي يمتعك .. لكن لسه انتي ما عرفتي لنفسك
جرب الطلعات .. جربي الزيارات .. جربي القراءة .. الطبخ .. التسويق .. مشروع بسيط .. عمل تطوعي .. اي شي
والله يشرح صدرك وييسر امرك ويفرج همك
لا تقل يارب عندي هم كبير
ولكن قل يا هم عندي رب كبير
وسعي صدرك

الزهد في الدنيا زين لا صار فيه بالمقابل طمع بالاخرة
اذا شفتي الدنيا صغيرة تصغر بعينك همومها
ويقصر الامل في متعتها الفانيه
هالشي يساعد على الاقبال على الاخرة وزياده الطاعات

اما اذا لا هاذي ولا هاذي
اقصد زاهده بالثنتين ومن كل شي
فاتوقع اكتئاب والله اعلم