انا ناقصه عنك بكيلوين بس طول 160واحاول انززل وزني واتمنى شهيتي تنسد ع الاكل زي اول انا لاني اجلس لوحدي كثير فماقدامي الا البساكيت واكل المطاعم والاطبخي صحي بزيت الزيتون وكل بر لكن اكل من برا كثير ومقالي وبلاوي
وبرضو وزني مكتسب من الحمل وولان ثابت ولاينقص مع اني قبل خسرررت وزن كثير وصرررت من انسانه مربربه الى انسانه نحييييفه والكل مصدوم مني والاتسالني وش سويتي وش رجيمك لكن والله ماسويت رجيم اللي صار شهيتي انسدت ماعاداشتهي اكل ولاشي كنت اطبخ لزوجي ولا اجلس معه وان جلست اكل تذويقه مره مره وجبه في اليوم كانت تكفيني وغلط انك ماتاكلي بس انا جاني هالحاله غصب عني والحين اتمناها ترجع هههه لاني شيهتي مفتوووحه فلا تدورين خلطات مافي خلطه تنحف وانتي جالسه تاكلين من هنا وهنا مارررح ينفعك الا تخفيف اكل والحركه والرياضهه

ما دام قدرتي تتركي المقالي وخصووووووصا تتركي الحلويات ( إلي هي مصيبتي آآآآآه ) الباقي سهل سوي كل يم شربة خضر حطي فيها كل أنواع الخضر إلي عندك بالثلاجة مع قطعة دجاج بعد ما تستوي إنزعي الدجاج وإرحي الباقي وقطعي الدجاج بالشربه ولما تآكلي إبدي بصحن كبيييرمن الشربه لوحده من غير خبز راح تشبعي وكملي بقطعة صغيره خبز مع أكل ثاني إلي طختيه لعيلتك أو قليل من الأرز مثل ماحبيتي وعليك بالمشي ثم المشي ثم المشي .....................يباااااااااان عليك النحف حتى لو ما نزلتي كثيربالوزن لأن المشي يساعد على حرق الدهون والجسم يبقى مشدود ويزيد ينشد أكثر أيضا وإنتي تمشي حركي اليدين هذه طريقتي وناااااجحه جدا وصلت نزلت 16كيلو بأقل من شهرين لما توقفي الريجيم كملي المشي عشن تحافضي على وزنك وما يزيد.

كل الرجيمات فاشله وترجع دبل دبل دبل وزنك
انا لفيت ودرت ونحفتني ماقولك لا
بس ف النهايه فادتني
ثلث لنفسك وثلث لشرابك وثلث لطعامك


اشتريت صحن المقسم لثلاث اقسام معروف شكله
اكبر قسم للسلطه والاصغر للنشويات والاوسط للبروتين
والله والله اني نحفت والكيلو اللي اخسره مارجعته بسرعه
لان النزول السريع والحرمان يسبب ترهل لا ويرجع وزنك لا رجعتي لطبيعتك
فنصيحه لا حرمان ولا اكتئاب
كلي بقليل وكثري حركه ع السير دراجه وتنحفين برررررررررراحه

• انا نزلت 27 كيلو في خلال سنتين الا شهرين كان وزني 92 اللي سويته اول شهور بعد الولادة قطعت السكر من حياتي تماما لا عصيرات جاهزة ولا حتى من السوق و الشاهي مر و كل شي مر ما اكل حلويات كان السكر الابيض مايدخل فمي نهائيا ونزلت 15 كيلو بس من ذا الشي بس تدرين ليش لان اناطول عمري اخفف اكل وما ادري انا وزني من وين يجي و اقول انا اصلا اكلي قليل وهو بالفعل قليل بس كنت كل وجبة اشرب معاها سيزر اناناس ينحف و يحرق دهون لكنه مليان سكر ويوم على يوم تتراكم الدهون ويزيد الوزن واشرب شاهي بالسكر والصباح يا شاهي و حليب او كابتشينو طبعا بسكر فلما قررت اقطعه كان هذا احسن قراار في حياتي السكر الابيض اصلا شي مو طبيعي مصنع والجسم مايحتاجه اصلا العيش يتحول في الجسم الى سكريات
• بعد ال15 كيلو تحمست اني اكمل خاصة اني لقيت نتيجة و بديت اخفف في الاكل واسوي رياضة عبارة عن مشي وفترة مسكت تمارين جيليان مايكلز بس ماكملتها الاهم اني زدت حركتي لما اروح الجامعة احاول اني اتحرك ما اجلس اطلع درج بدون اصنصير قطعت البطاطس المقلية و الشبسات نهائيا صرت اكل خبز بر وابعد عن الخبز الابيض قدر الامكان لو رحت كافتريات او مطاعم اطلب الخبز البر لو اشتهيت عصير اقول لهم يسوون لي جديد بدون نقطه سكر يعني شوي شوي بديت اكل اشياء صحية و ابتعد عن اي شي مضر بس وقت الجمعات اكل عادي طبعا ماعندي شغالة في البيت بس تجيني وحدة وتروح اللي بالشهر حبة حبة استغنيت عنها صرت اسوي شغل بيتي بنفسي مره راحة و اكثر نظافة ومع تنظيم الوقت بتحسين في فراغ كبير في وقتك فاحسني استخدامه
• طبعا ذا الشي ماصار في يوم وليلة صار في حدود السنتين طفشت من الكسل والخمول طفشت من الاتكالية قررت اكون انسانة ناجحة ومعتمدة على نفسي اهم شي انك تحطين هدف لنفسك و تحققينه بخطط واضحة

انا لسى ماوصلت للوزن اللي ابغاه ومن شهر 11 الى الان وزني ثابت مايتحرك على ان وزني عاجبني اللان بس ابغى انحف زيادة ودي ااوصل ال55 انا طولي 159 ابغى شي يحرك الحرق عندي اكلي اللحين اغلبه صحي و اسوي رياضه دراجة والغزال يوم كذا ويوم كذا و امشي كثير وصح نسيت شي مهم لاي احد يبغى ينحف اشربي موية حارة طول اليوم كل شوي خذي لك كاسة مو حارة مرره بس تميل الى الحراارة شوي كيف تحسين بالراحة وراح ينزل مع الوزن سلام سلام




الملخص :
اقطعي السكر الابيض ، اقطعي العيش الابيض ، زيدي حركتك ، اشربي موية حارة كل شوي خاصة على الريق و قبل النوم ، وكثري شرب الماء بشكل عام خليك سمكة من كثر ماتشربين موية

سمعت أخصائية تغذيه بتقول شرب 2ماء قبل اﻷفطار بساعتين وقبل الغداء شرب ماء 2 وبعد العشاء كمان شرب ماء2 .. ...الماء يساعد على إزاله الدهون ويحسن عملية اﻷيض الي هيا تشغل عمليه حرق الدهون في الجسم ...+
تقليص كمية العشاء20%....الخ الي تكون العشاء محذوف من قاموسك ...


فائدة البرنامج فائدته رائعه بدون سيولات ولاترهلات ....وختاما الرياضة لومره اسبوعيا ....وستمري فتره طويله