حبيبتي انتي يبغالك زياده ثقه في نفسك
وصدقيني تنحل كل امورك اذا جيتي تاكلين لاتفكرين في احد من حولك ولا تناظرينهم خلي الوضع عاااااااااادي وابدائي مع اقاربك علشان يصير الوضع عاااادي مع اهل زوجك
وبالنسبه لزوجك ( خطيبك ) غريييييييييبه ما تحطين له شي بالعكس المفروض تتفننين له بالتحضير
علشان يدري انك سنعه مدام ما يحب القهوه والشاهي شكلي كل مره عصير وعندك الأخوات في قسم المشروبات ما قصروا والله حاطين عصيرات ومشروبات ساخنه تاخذ العقل جربيها مع فطاير او تشيز كيك او اي نوع حلى
ودمتي

ليوووووووووووون يالدليعه وانا اقووول البنيه تضعف مادري شنو السر اطلعت
نروح بيت الناس وماتاكل
حبي الحيا زين بس مو جذيه
بكره اذا تزوجتي حشى ريلج ماراح يوديج مطعم ولا يطلعج وراح تتحسفين
بدل ماتبينين له الحين انج تحبين الروحات والييات والسفرات
اكيد ماراح يعزمج مره يايه اذا بيدفع فلوووس على الفاضي
قوي عمرج وقلبج شوي وحاولي شوي شوي
مايسوى تصير مشاكل بينكم انتي وريلج او اهله علشان الاكل
والي يبي يشوووف خله يشوووف
من كثر مانتي خجوله وحياويه خليتي الناس على اقل شي تشوفج وتقول يمكن يطلع منها شي بالغلط على هالحيا خلج عااااااااادي يابعد قلبي لاتزيييد مده الخطوبه >>والله شكله الريال ابتلش خخخخ

حبي حاولي مره تاخذين قطعه صغيره والي بعدها قطعه اكبر
ولي ايي انج تاخذيه الصحن في حضنج وتهفييين نفسي خخخ
انا كنت استحي اكل بس قلت شنو يسوى علي افووت هالاطباق اليمي انا عايشه مره وحده خلني اتمتع
والي يبي يعلق خله يعلق اليوم يتحجى باجر ينسي

والله يوفقج وتعرسين بسرعه تراني من زمان مارحت عرووووووووووس وانتذر بطاقتي >>والله ويه بليته

اي نسيت اقولج عن الموضوع الاساسي خخخخ
حبي انا مثلج لما كان ريلي ايجي عندنا ماعطيه ولا شي وامي تزفني
بس دام قالولج وقت الي ايي برزي له عصير وشويه معجنات ولا حلى عن العين والنفس لايقول هالبنيه ماعندها سنع >>اشك ان ريلي قالها لي خخخ

مرحباااااا

بالنسبة لموضوع انج تستحين تاكلين جدام الناس ما عندى فكرة
بس عن سالفه زوجج اكيييييييييييييد يوم بيي لازم تتفننين في تقديم احلي الاشياء والذها
وعالاقل تظاهري بانج تاكلين معاه لين ما يخلص هو اكل
ومثل ما قالت مصرقعه هانم مدام ما يحب الاشياء الثقيله يعنى الاكلات التقليديه اللي تتعب في التحضير والشاي والقهوة قدميله خفايف معجنات _سلطه فواكه_تارت وهالاشياء

هههه عاش من شافك يا ليان
والله اني اشتقت لسوالفك انتي وخطيبك يا حليلكم ..
بالنسبة لمشكلتك ...


فالسبب الرئيسي ماله لا اول ولا تالي
(ثقتك بنفسك) ضعيفه للأسف

مادري وش السبب لهالشئ ولكن
لازم تقوين هالجانب بنفسك لأن ثقتك بداخلك
راح تترجم بتصرفاتك من كل النواحي ..


سواءا ً مشيتك .. كلامك .. نظرتك
اكلك شربك .. كل شئ


لازم تقوين هالثقه وتعرفين ان مافيه
شي يستاهل كل هالوسوسه بهالأمور البسيطة
والطبيعية .. كل الناس تاكل .. كل الناس تشرب!

وكل الناس مروا بتجربة طاحوا فيها
وعادي ما تغير شئ بملكوت الكون .. هذا انتي ليان ماراح
تتغيرين اذا طحتي ولا اذا اكلتي ولا شربتي عند الناس


هل في شي بيتغير؟؟؟



طبعا ً لا .... لعلمك ترى الخجل صحيح مطلوب
وخاصتا بأول الأيام ولكن انتي اللحين ماشاء الله 4 سنوات
مع خطيبك ... وللحين هالمعانات .. وهالشي راح يخلق
جدار بينكم ويحس انه مو قريب منك لهالدرجة ..

انك تاخذين راحتك معه .. ولا تستحين
من هالأمور البسيطة ... صحيح مره مرتين ثلاث
بيتقبلها بس بعدين صدقيني راح ينقلب الموضوع عليك ...


لأن الشئ اذا زاد عن عنده
ينقلب ضده ... فحاولي تفكرين بهالنقطة كثير
وان شاء الله هالعقده راح تتحلل مع الأيام شوي شوي
لا تتوقعين هالخجل راح يختفي بيوم وليلة ..

ولكنه راح يخف الين يختفي ويصير
كل شئ طبيعي اهم شي الارادة منك والعزم ...

والله يوفقك ...