&بنات انا في 29 اسبوع وهذا اللي احس فيه& واللي تدخل الله يسعدها دنيا واخره

الحمل والإنجاب

صباح الخير يا احلى بنات

مثل ما اكثركم عارف انا حامل ولي 29 اسبوع

والحمدلله عندي ولد واربع بنات

واكيد ودي اجيب ولد وارتاح4 سنوات على الاقل واتفرغ لنفسي ولزوجي وادلعه وانسيه كل حملاتي

لأن ملي عذاب راحه تامه عا السرير 9 اشهر وما اتحرك ومع هذا عمليه يسونها لي نهاية الثالث ربط عنق الرحم بنج كامل
وفكه عذاااااااااب واشوف الموت يفكونه بدايت التاسع بدون بنج يدخلوني غرفة الولاده ويقصون الربط والوضعيه نفس وضعية الولاده يفتحون رجولي ويبدون يدخلون المقص وبا القوه يقصونه لان الرحم كبير ويكون غارز ويقصونه بحذر يخافون يقصون الرحم وانا لازم اكون مسترخيه وما اشد وانا غصب عني اعصابي مشدوده واحس بألم فضيع



والحمدلله على كل حال والله لايحرمني الاجر

حملي هذا سبحان الله مو مثل حملاتي اللي فتو والكل ملاحظ

اولاَ حملت با الغلط كنت اكل حبوب منع وحملت عليهم لاني بنتي صغيره ماكملت سنتين
وكنت العب رياضه وامشي اربعه كيلو في اليوم

المهم اكتشفت الحمل بعد شهرين سويت سونار قالو حامل لك شهرين قلت الحمدلله

المهم حملي خفيف مره وووحامه خفيف

الحين لي 29 بطني غير بناتي صغير حتى من كم يوم اخوي شافني قال هاه ولدتي وين بطنك لانهم عارفيني بطني اول مره كبير

خشمي ورم

ما كلفت الا رقبتي مع انه في بناتي وجهي يقلب فحمه مع رقبتي

بس وحامي كله على الحلو وبشكل فضيع اشتهي الحلى

الافرازات لونها ابيض مره واحيانا شفافه

معي التهاب في البول مع انه اول ماكان يجيني

الخط اللي في بطني تحت السره ومستقيم
السره فيه طرف منها بارز على خفيف


الحركه ذبحتني على تحت وحتى كل ليله يسوي حركه مستمره مدت سعتين واكثر اللي هي كنه عقارب الساعه تك تك تك كل ثانيه ماتنفصل معذبتني الحركه هذي وكنه شي بيطلع من تحت

احلامي ما ادري وش تفسيرها احلم في اخوي في غرفتي وحلمت في اخوي وابوي يتهاوشون ما ادري له علاقه ولا لا
احلم اني جبت بنت

عمتي حلمت انه زوجي يقولها بروح اجيب لصمت خواتم وفعلا جاب خاتم ولبسك وكان الخاتم عليه فص

انا حلمت بذهبي اللي موجود عندي في الواقع 3غوايش وخاتمين بس لقيت معهم خاتم مهو عندي في الواقع وللحين شكله مرسوم في بالي على شكل بيوت الجنادريه التراثيه اللي من طين بس ذهب وفيه فصوص ملونه


امي تقول شفت رجل قال صمت بتجيب ولد


السونار في الاشهر الاولى 12و14و17 قالو ممكن ولد

وبعدين في الحكومي قالت احتمال بنت في الاسبوع 20و13



والحين بجهز والسوق ما فيه الاوان محايد اذا لقيتي اي لون محايد الا تلقين فيه شي يبين انه بنت او ولد يا ورده او كوره خخخخخخخخخ


وزوجي حلف اني ما اسوي سونار واذا سوو لي حلفني ما اسأل




وفوق تعبي الجسدي الناس متعبيني نفسياً مع ان زوجي يحب البنات وراضي ومتعلم وفاهم وعارف انه مالي علاقه وانه كله من الله والنطفه هي الي تحدده ودايم يقولي ياصمت انتي مالك علاقه الله يخلقنا من نطفه ومن منياً يمنى مو من بويضه يعني الرجل اللي يحدد




ورفعة ضغطي اخته مرسله ولدي تقول قل لبوك يتزوج لانك تبي اخو وقل امي ماتجيب لي اخ يلعب معي لانها ماقدرت لزوجي قالت ولده يقدر عليه وياثر عليه حسبي الله عليه
المهم طولت عليكم بس والله ماعندي احد افضفض له ومافيه مثل عالم حواء كتبت نفس لموضوع في منتداء ثاني مالقيت تجاوب والا اللي ترد علي ترد بنفس خايسه وكأني كفرت يوم قلت ودي في ولد او معترضه با العكس والله مو اعتراض بس تمني:(
43
8K

يلزم عليك تسجيل الدخول أولًا لكتابة تعليق.

تسجيل دخول

حنين الحجاز
حنين الحجاز
الله يعطيكي العافية ياعسل

يارب يقوومك باالسلامه ويرزقك الي انتي تبغينه

انا اتمنى وولد واحد يصير سند لابووه وحبايبي والحمدالله على كل حال والله ولد ولا بنت اهم شي لما ينوولد يكون طيب وسليم ولا مريض ولاتعبان الحمدالله على كل حال الحمدالله بنعمه الحمل ناس يتمنووو صووت الطفل ببيتهم
احلا بنوته
احلا بنوته
هلا قلبي ربي يرزقك بالولد الصالح ...

ودام ابو الشباب راضي بالبنات وعندك ولد هذي نعمه عظيمه ...

وماعليك من كلام الجهال اللي يحسبون الولد شطاره ..كلها هدايا من الله ولازم نفرح فيها ^_^

الله يرزقك اللي تتمنيه .. ادعيلي اتوظف يقولو دعاء الحامل مستجاب ^_*
هلاhh
هلاhh
وسعي صدرك وماعليك من كلام الناس اهم شئ زوجك مقتنع وفاهم الوضع
والحمدلله عندك ولد الله يهديه ويصلحه وتشوفين ذريته ان شاءالله
والله يقومك بالسلامة ويرزقك الذرية الصالحة المعفاة البارة يارب
كتكوتة بنفسجية
ماشااااااااااااااااااااااااااااااااااااااااااااااااااء الله عليكي هدا العذاب كله وتفكري في الحمل من جديد؟؟ومني شايفة اي مبرر ماشاء الله عندك البنت وعندك الولد,,, خلاص الله يحفظلك عيالك وماحد له شغل فيك هدي حياتك
وللمعلومية عمره الولد ماكان سند لابوه بالعكس البنت هي الحنونة في ابوها وفي امها اكتر من الولد هدي المعلومة اللي تخفى على الكثييييييييييييير للاسف,,,انا من وجهة نظري الوحدة اهم شي صحتها وجسمها مو مهم ايش تجيب اوكم تجيب اهمشي خلفت وخلاص حتى لو طفل واحد لانه ماحد راح ينفعها لما بكرة تطيييح لااولادها ولا بناتها ولازوجها ولا الناس..هدي مجرد وجهة نظر وماابغى احد يزعل مني
عموما الله يسهلك ويسهللنا وينولك اللي في بالك واللي تتمنيييييييه
ندو ام تركي
ندو ام تركي
كل شي تمام الا اخته حسبي الله عليها
ان ماجبنا عيال قالو اعرسو عليهم وان جبنا قالو بعد اعرسو
ما ابي ادعي عليها لان مالي دخل بس قهررررتني والله