بنااااات تعالوا شوفوا وش لقيت بالطحين وووواااااا

السلام عليكم

ادري كلكن بتحوم اتسبدكن بس ماعليش علشان الصحه العامه ابحط موضوعي

السالفه ياطويلات العمر حنا نروح نتقضى من محل الحياله لمنتجات القصيم والله يشهد انه خضاره قمه ومعجبتنا بالحيل قمنا شرينا منه انا مابي اقطع رزقه انتبهن يابنات الخضار بالحيل زينه وكل منتجاته بس انصدمنا بالطحين بس


شريت طحين اسمر غير مخلوط

المهم ابونا اشتهى اليوم مطازيز قلت ابشر اسويلك ليه لا

طمر ت للمطبخ وشمرت عن ذرعاني وقطعت الخضار وكشنت وحطيت اللحم والخضره وخليتها

وقمت عجنت و قبطتها يوم جيت اطزز انصدممممممت

لقيت








وسخ فأر يعني فضلاته وووووووووووااااااااااااع ياتسبدي تسبداه:09: انتن تعرفن عن مرض الطاعون الي ينقله الفأر والبشر مب ناقصين امرااااض

واقوم اصوره واوريكم والله الذي لااله الا هو اني ماتبليت عليه ومثل ماقلتلكم خضاره روعه

بس مادري وش العله وينهم مايدققون والا مايفحصون بضايعهم

المهم تأكدن من الي تشترنه من اي مكان ولاتثقن باحد

وهو مطلعته من الفريزر اصلا مااحب احط الطحين برا لا بالشتاء ولا بالصيف

والحمدلله بيتي نظيف مافيه شيء

وهاذي الصور

هنا بعد العجن
213740

213741

بعد ما اخذت منه شوي ونخلته

213742

وهاذي كيستهم ويشهد الله علي اني ماظلمتهم

213743

213744

والي تعرف رقم صاحب المحل ترسله خاص