خواتي حبيت اكتب لكم قصة هذي المراءه المحزنه بختصرها
عاشت هذي المراءه مع زوج قاسي لابعد الحدود انجبت 4 اولاد وكانت تتمنى وتدعي ان الله يرزقها بنت تحن عليها وترعاها عند كبرها لكنها كبرت في سنها ورافض زوجها يعالجها يقول اربعه اولاد يكفونا
كبروا ا ولادها وكانوا بارين وحنونين عليها طلبت كانت تطلب ولدها الكبير يتزوج من بنات خاله اوخالاته عشان يحنون عليها لكن رفض وتزوج وحده بعيده عنهم انجب بنت وحبتها يمكن اكثر من امها نقلوا ولدها وزوجته منطقه ثانيه وكانوا يجونهم في الاجازات كانت تفرح بجيتهم وتهتم بالبنت وترعاها بس ام البنت شافت البنت تتعلق مره في جدتها فصارت اذا جوا في الاجازات تقعد عند اهلها (الحين مرضت ولم تنجب غير هذي البنت
المهم ولدها الي اصغر من الكبير قرر يتزوج ترجته امه يتزوج من بنات اخوها لكن رفض وتزوج من اقرب ابوه
تزوج لكن بعد ماخذ زوجته للفندق مرضت زوجته ومن ثاني يوم رجعت لهلها وحالتها صعبه ماتقدر تشوفه
وتصيح ماتبيه مابقوا شيخ ولا دكتور الي يقول حسد والي يقول سحر والي يقول الولد فيه مس عاشق يكره الحريم فيه
لكن بدون فايده استمروا 8 اشهر هي عند اهلها وهو يجي بالهدايا والفلوس والورد وكان هو يحبها بجنون جبروها اهلها
تروح معه عند اهله يمكن يتغير شي لانها تموت ولا تقعد معه لحالها راحوا وكانت ماتنام الا مع امه حاولت امه تقربها له كانت امه تحبها وترحمها
بس ابوه اجبره يطلقها قال وحده ماتبيك ليش تحبها طلقها وهو يبكي قدام الشيخ في المحكمه
بعد ماطلقها قالت امه تزوج من بنات خالك قال والله بعد فلانه ماعاد ابي الزواج لكن رضاك عني اهم شي يمكن الي
صار لي لانك ماكنتي راضيه عني لكن شوفي انتي اخطبي الي تبينها وانا حاضر بس عشانك وزوجته وحده من بنات خاله كانت تحبها وتهديها اغلى الهدايا وكانت فرحانه بها فرح ماحد يتصوره
لكن تخيلوا هذي البنت من اول ماتزوجته قست مع عمتها وهي باقي مالها الا كم شهر متزوجه
لما عرف ولدها الصغير عن زوجة اخوه ودموع امه الي انصدمة من بنت اخوها قال يمه انا بتزوج بس مو من جماعتنا بتزوج وحده خاتمه القران انسانه تخاف الله قبل كل شي قالت المكان الي تبي ابشر اروح معك بعد مااقنعت ابوه راحوا خطبوا وعند النظره الشرعيه دخلت امه معاه لما جلس مع خطيبته قال اسمعي يابنت اناس هذي امي
جنتي وناري ربي مارزقها ببنت ابيك تكونين زي بنتها ابيك تحطينها على راسك وقعد يوصي في امه
وبعدين قالوا اهلها نفكر ونرد لكم خبر بعد كم يوم اعتذر ابوها منهم كان قبل العيد بايام
انقلبت حيات هذي الام
حصل حادث لولدها هذا الصغير الي كان هو كل حياتها توفي وهو صايم في العشر الاواخر من رمضان كانت
ولدها الي تطريه في كل صغيره وكبيره كل شي في بيتها هو الي شراه ملابسها عطورها مطبخها غرفت نومها
كل شي الذهب الي تلبسه من صدمتها جلست ثلاث ايام تطالع في الناس والعزاء ولانزل منها دمعه واحده قبروه
قدام بيتهم كل متطل من بيتهم تشوف قبره
جاء يوم العيد جد الولد هذا ابو ابوه يحبه مره ومتعلق فيه راح لهم وقت اعلان العيد بس عشان يشوف قبره
وطلعت هي لماشافها جده يعرف قد ايش حزينه بس ماتقدر تنزل دموعها لما شافها انهار بكى بصوت عالي وطاح
ولاول مره قدرت تبكي لنهارت تمسكت في جده وانهارت تبكي سمعوها عيالها وزوجها شالوها ودخلوها
بعد كم شهر ولدها الي متزوج بنت اخوها رزق بمولود وطلبت منهم يسمونه بولدها الي مات وسموه
كانت تطلع اذا حست بحزن ووحده تطلع تاخذ ولد ولدها لكن كانت زوجت ولدها تضايقها وتروح تاخذ الولد وتقول غلطت يوم سميته على اسم ولدك
مرت عليها اشهر وهي تقابل قبر ولدها لا جليس ولا ونيس
مرضت من الوحده والحزن صارت تفقد الذاكره وترجع
صار زوجها يلقاها ماشيه في الشارع تقول بروح ادور ولدي وداها زوجها لشيخ ووداها للمستشفى
قالوا تعاني من صدمه نفسيه ولازم احد يرعاها ويجلس معها طول الوقت رجعت بيتها وحيده ولدها
وزوجته يطلعون من قدام بابها يروحون يتمشون تقول بروح معكم انا مريضه اخاف اقعد ترد بنت
اخوها الي اختارتها لولدها تقول مره ثانيه تروحين معنا ذلحين مستعجلين وترجع تبكي وتطالع قبر ولدها
رغم مرضها الا انها تقوم بواجبات زوجها وبيتها حتي ولدها الي متزوج تسوي له فطور الصبح ويمرها
ويروح
وفي احد اليالي نضفت بيتها وسوت عشاء زوجها ودخلت نامت يمكن شوي وقامت وهي تسال عن ولدها
الي مات طلعت تطالع قبره لحقها زوجها لقاها تقول الله يرحمك يالغالي ويلحقني فيك قريب ان شاء الله
كان الساعه 2 باليل ودخلت فرشت سجادتها تصلي ودخل زوجها ونام
وبعد ماصلت الفجر كالعاده سوت فطور ولدها يمر يفطر معها وحطته على السفره نزل ولدها الساعه سبعه
ودورها ماهي جالسه على السفره زي كل يوم دق باب غرفت انوم صحي ابوه وين امي قال شوف يمكن
في المطبخ اوتصلي او او دور وا دقوا باب الحمام مقفول وماترد كسروا الباب
ولقوها ميته وهي جالسه وعاضه على لسانها
الله يرحمها ويغفر لها وسكنها جنت الفردوس هي وولدها
حزنوا باقي اولادها حزن شديد وبذات الي كان متزوج بنت خاله بعد العزاء بكم يوم قال لزوجته روحي مع اهلك
غيري جو اسبوع واجي اخذك تركها 4 شهور وارسل ورقت طلاقها قال اخذتها عشان الغاليه وبكتها
وحرمتني برها كل ماتذكر امي كيف كانت تعاملها اكرها ماقدر اعيش معها والحين ماعاد تزوج بعد مطلق زوجته
اسفه اذا كانت القصه ملخبطه كتبتها وانا تعبانه
ادعولها ولولدها بالرحمه
لا احلل من تنقلها
حوراليامي @horalyamy
عضوة نشيطة
يلزم عليك تسجيل الدخول أولًا لكتابة تعليق.
بنت العييري
•
((ان للمتقين مفازا ))اللهم اجعلنا من الفائزين امــــــــــــــــــــــــــين
ـأأأه يقلبي
تعؤر حيل
ياربي يالقسسسسؤه ـإإإإإ
يااااه ارحمنا يارب ..
يارب تحنن قلب حريم خواني علىا امي يارب
وعسىا من يقهرها الله يقهره ويعذبه ةةة
ياربي بس
تعؤر حيل
ياربي يالقسسسسؤه ـإإإإإ
يااااه ارحمنا يارب ..
يارب تحنن قلب حريم خواني علىا امي يارب
وعسىا من يقهرها الله يقهره ويعذبه ةةة
ياربي بس
الصفحة الأخيرة