زوجي والكبسه \ سؤال وتم التعديل ( المشرفه )

ابيكم تساعدوني بالكبسه اللي انا اسويها ومع ذلك ماتعجب زوجي مع انه ياكلها كلها والله مدري وش اسوي سويت كذا طريقه ومع ذلك مايعجبه شي



الكبسه.....

اول شي اقطع الدجاجه واغسلها وانظفها بالملح وبعدين احطها بالقدر واحط عليها بصل مقطع صغار وفلفل رومي مقطع صغاروبهارات وكمون وفلفل اسود ومكعب ماجي ودارسين وليمون اسود وثلاث حبات هيل واقلبهم قبل لااحطهم على النار وبعدين اولع النار واول ماتطلع ريحتهم احط ملح وزيت وبعدين احط ماء وصلصه شوي واخليه يطبخ تقريبا ساعه الا ربع....... وبعد كذا اطلع الدجاجه واحطها بالقرن واصفي مرقة الدجاجه واكون قاليه بطاطس احط الرزواحط عليه البطاطس واخليه لين يتنشف واقدمه

هذي الطريقه ماخذتها من وحده بالمنتدى واول كنت اكشن عادي واحط الدجاجه واخليه تطبخ وعقب احط الرز

المهم احس طبخي تغير بس اللي قاهرني ان زوجي مايعجبه اي شي اطبخه امس لما قلت له ابي فلفل رومي قال مايحتاج قلت اكشن فيه الغدا تطلع ريحته حلوه قال من زين غداك وهو يضحك انا قلتله شكرا وانا منقهره احس اني طفشت منه مايعجبه شي

وبعد كذا زينت العشا كان دجاج مشوي بالفرن انا كنت من امس مصلحته واعجبه مرره اوول مره يمدح طبخي فررررحت ويوم سويته والاالغاز بدا يخلص بس بعد ماصار له ساعه وشوي بالفرن قلت ****لله زان هو نضج بس مو مره لان الغاز ضعيف وانا ماانتبهت له وماعندي غاز غيره ويوم شافه قال ليه كذا قلت الغاز خلص قال لا والله انتي ماتعرفين تطبخين بلعته وسكت وربي احس اني مقهوره دايم يقارن طبخي بطبخ امه قولوا لي وش الحل معاه .......؟ واذا عندكم طريقة للكبسه اسعفوني فيها تكفووووون مالي الا الله ثم انتم الله يجزاكم الجنه ويسخر لكم ازواجكم يارب