السلام عليكم ورحمة الله وبركاته..
من فترة رحت مطعم زعتر وزيت وصورت صور.. بعدين فكرت أنزلهم بالمنتدى وان شاءالله تستفيدون منهم..
هذا موقعهم:
www.zaatarwzeit.net
حسابهم على تويتر:
zaatarwzeit@
أولا.. المطعم شرقي.. لبناني.. أكلاته خفيفة ولذيذة بصراحة.. وأحبه وايد.. لأنه فعلا مريح.. والموظفين مريحين بعد..
مناقيشة عجينتها خفيفة وطعمها يميييييي وبشهادة اللي أعرفهم...
ثانيا.. فروعه كثيرة منها..
*في دبي:
- فستيفال سيتي.. ( هذا التقرير منه.. يسار ماركس سبنسر في الدخله.. قبل بوابة مطعم الفنر المشهور)
- دبي مول
- مردف سيتي سنتر
- الامارات مول
- جميرا بيتش
- شارع الشيخ زايد
- ابن بطوطة مول
*في أبوظبي:
- أبوظبي مول
- شارع السلام
*في دول الخليج:
الكويت:
الأفنيوز مول.. شامي مول.. مارينا مول
قطر:
سوق واقف
.
ألحين نبدي في رحلتنا بصور أكلاتنا..
احا كنا ( أنا وزوجي وعيالي وخداماتي ) يعني الأكل كان على قدنا وكفى الحمدلله وبقى شوي..
هاي الأكلات كلها.. وتحت بالتفصيل..
طلبنا مناقيش جبن وبطاطس مقلي ( فرنش فرايز )
البطاطس وايد لذيذ بصراحة.. وكرنشي..
المنقوشة ب 13 درهم.. البطاطس الوحد ب 11 درهم..
فطاير زعتر.. أممممممم تاخذك لعالم ثاني..
المنقوشة ب 7 دراهم..
بيتزا مارجريتا.. بالصوص والجبن بس.. عندهم أسمها Ultimate Cheese
سعرها 33درهم..
بيتزا ببروني.. لذيذة بعد..
سعرها 38 درهم..
الماي الحجم الصغير.. ب 6 دراهم..
فاتورة الحساب.. 150 درهم..
وهنيه اللي تبقي من البيتزا والمناقيش.. لفوهم لنا بارسل..
والحمدلله على النعمة..
فيه عندهم أكلات وايده غير.. منها سندويجات فلافل.. تونه.. لبنة.. نقانق.. حلوم.. وسلطات وحلويات وعصاير..
وان شاءالله يعجبكم تقريري البسيط..
في أمان الله..
.