Romanove @romanove
محررة فضية
اكسسوار شعر ( طلبية الأخت الغالية nafoorah )
السلام عليكم ورحمة الله وبركاته
حبيباتي وخواتي بنات عالم حواء
الحمدلله وبتوفيق من رب العالمين وبفضل تشجيعاتكن المستمرة
قدرت أكسب مجموعة كبيرة من الخوات
من بينهن الأخت nafoorah
واللي يشهد الرحمن أنها من بين الخوات اللي وااايد ارتحت في التعامل وياهن
وماشاء الله عليها وثقت بشغليه وسلمتنيه الموضوع وطلبت منيه اكسسوار للشعر
بمناسبة ملجة ختها (الله يتمم عليها بالخير)
وهي طرشت ليه صورة لبسها يوم المجلة
تفضلن الصورة
وطلبت منيه أشتغل على اكسسوار يناسب اللبس
والاكسسوار اللي اشتغلته عبارة عن 5 قطع
واستخدمت فيهن المشابك السودا اللي يستخدمونهن في الصوالين
تفضلن شوفن القطعة الرئيسية في الاكسسوار
وهنيه دمجت فيه الشغل الأصفر والفوشي
واستخدمت كريستالات رينبو متوسطة
وفيه شغل خرز
القطعة الثانية
واللي هي عبارة عن سلسلة من الورود
وفي وسط كل وردة كريستالة متوسطة
وهالقطعة استخدمتها الكوافيرة ولفتها بطريقتها على التسريحة
بشكل مناسب وحلو ومميز
القطعة رقم (3) و(4) و (5)
عبارة عن سلاسل من الخرز المتدلي مع حبة كريستال في كل مجموعة
وهالسلاسل استخدمتها الكوافيرة بطريقتها عشان تبرز الشغل بين الشعر
أتمنى يكون الشغل نال إعجاب الأخت nafoorah وإعجاب الحاضرين في الملجة
وأتمنى أنه عيب كل الخوات اللي بيمرن على الموضوع
وأتريا ردودكن
14
603
يلزم عليك تسجيل الدخول أولًا لكتابة تعليق.
الصراحة شغل روعة كلمة حق ونظيف ومرتب ..............الله ايوفقج ان شا الله
مبدعة ..........صدق تناسب في الالوان
مبدعة ..........صدق تناسب في الالوان
الصفحة الأخيرة
الله يسلم ايدج