مرحبا يالغلا


طبعا ممكن تقدمين اول مايجون عصير +كيك جاهز

القهوة معها تمر وانتي نفنني بالتمر شي سادة وشي حطي عليه سمسم و ممكن تقدمين معه الطحينة في قوالب حلوة
وممكن حلى الكاسات مره سهل

ط1: كيك لوزين او امريكانا
ط2: دانيت بالشوكولاته
ط3:اوريو
ط4:دانيت بالبسكويت
ط5:الوجه زينية باي شي ممكن ببسكويت الاوريو المطحون او قطعة فراولة
كل المسألة تعبئة وبس مايبي لها تعب اربطي على الملاعق شرايط صغيره ع شكل فيونكه
ـــــــــــــــــــــــــــــــــــــــــــــــــــــ
سوي بسبوسة
2 كاس سميد
2 قشطه
1.5كاس سكر
نص كاس زيت
2بيضة
م بكنج بودر
ملعقتين دقيق اخلطيها بالملعقه او بالمضرب اليدوي خلط عادي
ثم صبيه في صينية مدهونة بزيت ودخليه الفرن لين تنضج اذا تحبين جوز الهند المبشور ممكن تضيفينه بالقدرالي تبين غاليا نحط نص كاس
بعد ماتستوي حطي عليها حليب مركز او شيرة قطعيها اذا عندك قطاعات اشكال يعني شكل نجمه او قلب او دائرة ثم حطيها بالقوالب الورقيه
ــــــــــــــــــــــــــــــــــــــــــــــــــــــــــــــــــ

الشاهي ممكن معه كركدية <غجر> نعناع زنجبيل

حطي مكسرات وحب
او معجنات (عاد انا وحده مالي خلق لها الاشياء اجيبها جاهزة)
واذا انتي بالرياض تعرفين حلويات المملكة عندهم كيك مع الشاهي حلو ورخيص
ــــــــــــــــــــــــــــــــــــــــــــــــــــــــــــ


ولاتنسين تعزميننا

الف شكر للي رفعوا الموضوع رفع الله قدرهم دنيا واخره

الله يوفقك ويسعدك ياام رتو جبرتي بخاطري ربي يجزاك الجنه

انا من جد كنت افكر اصلح سينابون وبسبوسه وباف باستري مع القهوه
وقلت معجنات وكيك مع الشاي والنعناع
بس احسها متعبه عاد انا عجازه وبلانا مو بالرياض بالقريه او الهجره او الزفت اللي نعيش فيها

ياعمري رحمت والله لو انا قريبه ابشري لساعدك

شوفي ياعمري بالنسبه للحلى حطي نوعين كافي مع القهوه : بسبوسه ، وتمر انزعي النواة وحطي لوز داخله او قطعه كاكاو جالكسي قطعيه صغار واحشيه او جوز اللي هو عين الجمل ورصيه بصينيه للتقديم وبس .. هذا اسهل وافضل شي للتقديم وماياخذ وقت غير ساعه كل هذا ويكون جاهز .
بالنسبه للمعجنات : قدمي خلية نحل فقط محشيه كيري او جبن مثلثات والوجه رشيه بالسمسم بس لا ترشين عليها شيرة وقدميه مع الشاي بالنعناع .
ان شاء الله اكون افدتك لو بشي بسيط ومابي غير دعواتك .