((تعالوا سلموا عليهم تراهم جاو من الحج ومعهم هدايا))

هلا والله وغلا بالجميع منورين هلابكم وحياكم وبياكم

كخخ بمناسبة هالعنوان:
ترى والله هذي حركاتنا يوم حنا صغار اللي يجي من الحج ولا من العمر ننشب في رقبته وننخس عيونه لين يطلع لنا هدايا مكه اللي رغم بساطتها إلا أن فرحتها وطعمها ولا أحلى بداخلنا ...((الحين أكيد أنكم تنتظرون الهدايا أنتم ووجيهكم ماهنا غير العصى >> شكلها بتلفط جلدك على كذبتك يالكذوب)..

عموما في هالموضوع لاهدايا ولا شيء بس سلام وقل ملام :

أولاً : أناحبيت أرحب وأهلي وأتحمد بسلامه للغالية (العيون) بمناسبة رجعتها من الحج وأقولها
حج مبرور وعمل متقبل بإذن الله (وعساك دعيتي لنا هناك يالغلا)..

والهدايا يا بنات جاني خبر أنها ما تركت شيء إلا وجابته لنا من مكة (بتوهق بنت الناس) ههههههاي..

أهم شيء رجعتك يالغلا سالمة وغانمة وجودك معنا أكبر هديه ياالغلاااا (قصدها العيون) ..

وبها المناسبة حبيت أهديها ها لهدية بالأصالة عن نفسي و(وبنجوى كرم عنكم) كخخ قصدي بنيابة عن زميلاتي أفراد القوت المسلحة (الترفيهية ) وعقبال ما نؤدي فريضة الحج في الأعوام الجايه بس بلا لكاعه وصرقعة (لأني خابرة ناس بدعوا في حجتهم الأولى ) (إياكي أعني وأسمعي يا جاره) ههههههههاي:


عموما هذا الإهداء وان شاء الله يعجبك مع أنه مو قد المقام :

http://forum.hawaaworld.com/files/6933/041 copy.jpg

وحج مبرور وعمل متقبل لكل وحده حجت ..



صرقعه في صرقعة :
زاوية جديدة تقدمها لكم (عشوقه المطفوقه):23: برعاية حليب وادي فاطمة وبالمخاشره مع رز أبو كأس وأندومي بتاعت كل الناس (هع هع وجبه شهيه للعائلة السعودية)..

عودة لبرامجنا قصدي لزاويتنا يامصرقعات:

راح أذكر لكم مواقف مريت بها الأيام الفايتة كل موقف أردى من الثاني بس على صعوبتها إلا إني كل ما أذكرها أموت على نفسي ضحك لأنها جايه بتلقائية ..



الموقف الأول:
اشتريت لخوي العاب ناريه إللي تطلق 30طلقه على أنه يلعب بها في أيام العيد ..
أنا عطيته إياه من هنا وأنا وأمي وأخواتي لاهين نشوف اللي أشتريناه من السوق إلا بنت أختي جات تركض لنا تعالوا شغلها شغلها (حنا ماندري وش اللي شغله هالدلخ طلع أخوي مشغل الطراطيع من الفرن هو وجهه لين أشتغلت الطراطيع وقامت تطلق علينا من كل اٌلإتجاهات والمشكله أنه بوسط البيت وأسلاك وكهرب وغاز وحوسه والله موقف لانحسد عليه أمي تبغى تجي تأخذها منه وهو من الخوف يوجه الطرطعان في أي اتجاه معاد تضمنين وين يجييك الغزو معه بعدها قلت لمي خطه حربيه جهنميه قلت لها تسللي إلى أرض العدو من الأسفل ونحن نشغله ميمنه وميسره هع هع(كأني متأثره بدروس التاريخ) المهم نجحت الخطه وخذت أمي الطرطعان منه وتوهقت أهي وقامت تراكض في كل الإتجاهات تبي مخرج وحنا طردي وراها لين أنتهت الطلقات وربكم ستر علينا ولا كان بيخلص علينا أخوي الدلخ وماكنا بنكمل فرحة العيد ولا التفرج في ملابس العيد ههههههاي (ووحده رايقه ولها نفس بعد) بس ملاحظه مهمه (أخوي مدري وينه مأخذ هالدلاخة منه ) هههههههاي..:o



الموقف الثاني:
كنا بالملاهي في هاليومين إللي راحوا المهم أمي قالت أنا برجع للبيت لموا حاجاتكم اللي ماتبغونها وأنا أِشيلها معي المهم قامت أختي تلم كل شيء مابقت شيء إلا وأرسلته مع أمي وانا ما أدري عن أمي أنها رجعت للبيت أصلاً إلا قبل مانطلع بدقايق لأني أكتشفت مصيبة طاحت فوق راسي إللي هي (أن أمي خذت عبايتي معها للبيت لأني تركتها بوسط أحد الأكياس ) والله وهقه واجلس أترجا أختي أحلفي أنك ماتمزحين معي والله مزحك ثقيل ومن هالكلام لأني ماكنت رايقه لها لأن العالم بدوا يطلعون من الملاهي وبديت أنزنق ولازم نطلع لأن أخوي جاء يأخذنا بس مشكله كيف أطلعععععععع (وأخوي معصيه يرجع يجيب عبايتي أعرفه نذل) المهم واجلس أفتر هنا وهناك وأسأل لين يأست ولازم الحين نطلع لأن أخوي ذبحنا بالإتصال المهم هووووبا إلا وأشوف بنت أختي إللي تونا مغطينها وجات على بالي فكره أني ألبس عبايتها واجلس ساعه أترجاها(قلت لها اليوم أطلعي من دون عبايه عادي) قالت يهين ..
قلت أنتي وجهك اليوم بس وحنا ليل وخير محد مفكر فيك قالت بعد معصيه في الأخير أتفقنا إني اللبس العبايه أنا وأروح أركب السيارة ولمن أدخل السيارة أرسلهم العبايه وباقي المستلزمات لأن سيارة اخوي مضلله وتم الإتفاق ورجعت للبيت بسلام) بس موقف صعب توترت فيه أعصابي لين وصلت للبيت.

وباااااااايات يالغوالي وآسفه على ثقالة دمي..
وعلى التسحيبه اللي فوق يالله سلموا على المبرقعه وتوكلوا إذا رحت انا للحج أن شاء الله ما راح أنساكم:o