يم قال لي زوجي صلحي من نفسك وأخطائك ولا .....؟؟ دارت بي الدنيا

السلام عليكم ورحمة الله وبركاته ..

راح أبدأ معاكم الموضوع بدون تطويل ..


وأرجو منكم لو الدعاء لي ..


يمكن تعرفوني مشاراكاتي في قسم الحمل والولاده ..

لاني حامل في شهري الثاني وقريب بدخل الثالث والله ييسر علينا جميعا ..
وصرت أدخل هذا القسم أحمل القران وآخذ أدعيه وارتحت هنا ..


طبعا حملي تعبني كثير وحام طلع نخل براسي وكان زوجي يخدمني بطيب نفس
وان كان بعض الأحيان يمل ويتعب بس له حق ..
وهو يخدمني لأني في غربة ومالي الا الله ثم زوجي ..
في آخر اسبوع قبل رجعتنا للسعوديه ومع تعبي ومرضي كنت منسدحه على السرير
بعد ماخلصت كانسه البيت وأنا جالسه جاء زوجي معصب مني لأني دايم مريضه ومنسدحه
ومتوحه فيه وفي بيتي قال كلام كله جروح في قلبي بس كنت اقول معه حق وساكته
أصلا ماأقدر أرد ماعندي طاقه وأخيرا قال كلمه سمت كل بدني قال برميك عند أهلك ولا عاد
أشوفك ..


مرت الأيام ورجعنا من الغربه رحنا لم اهله اولا في ديره ثم رحنا لأهلي ثانيا في ديره ثانيه
كان التعب هادني والسفر أكلني كل من شافني رحمني شكلي نااااحفه وشبه ميته ..
ومع ذلك كان ينقدني ويهزء فيني ..

طبعا مالي الا الصبر واللي في بطني هو يحلي لي الحياة شوي ..

حطني عند أهلي وراح لأهله راح الوحام والحمد لله بديت أتغذى عند أهلي وأمي جالسة تبكي
على شكلي صرنا نقرأ قران وننزل على الحرم نصلي وندعي انا وأمي ..

طبعا كان صعب علي الحركه والنوم كثير لأتي أفقد وعيي كثيير ..

تحسن وضعي شوي صرت آكل وأهتم بأمور ثانيه ..


طبعا أنا وزوجي متفقين ان أمر حملي يكون سر بيني وبينه الى ان تحسن صحتي تماما .

لا أمي ولا أحد ثاني يدري عن أي شيئ فيني لأني من النوع الكتوم ..

دق علي وقال لي كلمتين ..

قال لي يا فلانه أنا طلعت من بيت أهلي علشان أقولك كلمتين وراجع
شوفي أبيك تصلحين من نفسك وتصححيين أخطائك ولا .....
لمح لي على الفراق ..
توصين شيئ ثاني ..
قلت سلامتك ..
وانقطع الخط ..

..

..

..


دارت بي الدنيا ..

..

..

الحين اصلح صحتي الجسمية تتدمر النفسية


اللي عندها تجربه مثلي أو صاحبة رأي سديد
تقول لي ايش اسوي ؟؟
قبل نرجع للغربة ويبدأ الألم من جديد ..

وجزاكم الله خير ..