ومواقفنا غير بشهر الخير وكل يوم موقف خير ؟؟؟ هههههه اليوم بحكيلكم تجربتي مع الدباب " الدراجة النارية "في رمضان
والدباب وآآآه منك يالدباب نبدأ بأسم الله
كنا في رمضان اكيد طبعا وسافرنا للرياض " تراها السفرة الاولى والاخيرة خخ" وكنت متحمسة بشوف هالرياض وما همني حرارة الشمس ولا الصيام والحلق الجاف اهم شي بشوف الرياض والبرج "كنت احسبه عمارة خخخ"
ووصلنا بالليل وعلى طول على بيت خالتي الي تعيش هناك ومامداني اشوف المناظر الخلابة !! واول ما وصلنا قعدنا وتسامرنا وقررنا ان بكرا راح نروح للملاهي !! وناسة
والملاهي كان فيها دباب !! الي هو عشقي والمهم واحنا نتجهز للطلعة جبنا معنا الفطور والسحور ناوين نقعد هناك مدة خخخخ وكانت بنت عمي تقول :انا اخاف من القطار السريع بس ابي احد يركبه معي !! قالها اخوها :هع انتي خوافة اقعدي هنا والصغار ما يركبون الالعاب الخطيرة الي مثل كذا !! لا والله يالكبير يا عقلة الاصبع خخخخخخ وكان الوقت قرب على الاذان بس اكيد اتفقنا احنا البزران اننا نخبي الاكل بجيوبنا للأكل منه بدون لا ينتبه لنا احد والحمد لله كل الكبار مشغولين يعني احنا ماخذين راحتنا بالاكل 
وبعد ماشبعنا قمنا نشغل المسجل : متى نروووح ؟؟ يلا ابي انام ، بسرررعة الحين يقفلووون ، ومن هالخرابيط كل ذا عشان نطلع ، بالنهاية طلعنا والفرحة طلعت معنا والمسكينة الفرحة الحين تلقوها انتحرت خخخ ووصلنا للملاهي وانطلقنا كالصراصير المتلهفة على بقايا حلوى ، وطبعا محنا عارفين نحدد وش نلعب اول ، بالنهاية قررت خالتي والي كانت معنا اننا نركب القوارب وكذا هي الي تختار وانا طول ما انا العب عيوني عالدباب " الدراجة النارية "والسباقات الي فيه وكمان عالبوفيه الي فاتحينه خخخخ " ومن الجوع ما قتل " وبنت عمي الي كانت خايفة من القطار ركبته وهي شوية فيها خوف اما خوها الحمد لله والشكر قعد يبكي ويقول مابي اركبه " وين الكلام الي قلته اول خخخ" وطبعا اكيد صيام ولعب كثير وش النتيجة = ارهااااااااااااق للكل ، وبعد ما خلصنا الالعاب كلها قلتلهم : ابي اركب الدباااااب" الدراجة النارية " ؟؟وخالتي ما عبرتني قالت : روحي خوذي العشرة ريال والعبي مع الباقي ، وانطلقنا مرة اخرى كالصراصير بسرعة 180 جيجا بايت واخيرا وصلنا للحلبة ومسكت دباب" الدراجة النارية " اعجبني 
والكل من عايلتي مسكو دباباتهم " الدراجة النارية "وصفهم الحكم على الخط السباق وكنت معهم وانا مع نفسي اقول : عن عن عننننننن<<< تتجهز خخخ ، واخيرا بدأنا السباق وكنت اسرعهم لأن ما همني المطبات ولا الالخات ....... وبالنهاية وانا متحمسة وقريبة من خط النهاية ومحد وراي 
وفجأة اشوف ولد خالتي الصغير جاي اتجاهي ، اقوله : ابــــعد !!!يقول : تتحداني اتفادى صدمتك ؟؟ قلت له : اببببببببببعععععععععد يا مال ......" تم منعه من وزارة التجارة والاعلام "وطبعا هو على الدباب حقه وبالنهاية وش تتوقعون صار ؟؟؟اكيد يعني صدمت به وانقلب الدباب حقي وانا متمسكة فيه عشان ما اطيح
وبالنهاية بعد الدوشة والغبار والصغير الشيطان ماصار له شي والكل راح يتفقدني بس الحمد لله ما صار شي ظليت ماسكة بالدباب وهو مو مرة انقلب يعني طاح على الجنب ولما جو يطلعوني من الحوسة وش تتوقعون لقو ؟؟<<< يلا خلصي محد بيتوقع !!رجلي علقت عند غرفة المحرك !!! والي كانت تشتغل يعني رجلي جتها حرارة جدة !!! وانا اصرخ آآآي واحاول اطلعها وكل شوي الالم يزيد بالنهاية لفيت رجلي بالصعوبة ورغم الالم وسحبتها والحمد لله على السلامة طلعت بعد تعرض لحرق بسيط ولما رجعت وانا اعرج ما شاء الله علي خخخخ وشافتني امي قامت تخانقني وانا اقول : الحمد لله رجلي بخير ، بالنهاية قالو اني تأخرت ولازم أكل لانه مأذن من مدة وانا صايمة قلت : بعد هالحوادث كلها مني ماكلة الا بعد اسبوع !!<< تتعذر ولا هي اصلا أكلت من مدة خخخخ
بالنهاية اكلت ساندويش ماما ارغمتني أكله
ومع ذلك لازلت اركب الدباب ولا زالت تصير الحوادث وانجو منها بس مو حوادث خطيرة حتى اختي صار لها مرة حادث بالدباب وكمان بنت خالتي الي دخلت الدباب بالبحر !!<<<< بس هذا ما كان برمضان حق بنت خالتي بالنهاية انتبهو لطريقكم وانتو تركبون الدباب ولا تاكلون من ورا اهلكم ودمتم بعونه وانتظروني بموقف آخر
<<<< انا بعد الحادث خخخخخ
