اول شي بسم الله الرحمن الرحيم
توني داخله البيت بعد الفيضان
وبكييييييييت
وبكيييييييييت لين قلت امين
ياربيييييييييييييييه بس مدري وش فيني صكتني هالضيقه اللي مدري وش تبي
كنت مخططه علي اسعد ايام حياتي بعد مااسلم البحث...!!
واللي صار هو كالتالي:
تاخرت بتسليم البحث
جاء الفيضان
هذا يوم الفيضان اول ماطلعت الشمس وافتح الشباك واشوف هالمنظر
هذي العماره اللي مقابلتنا
هذا قراج جارتي (Pat) مسكينه عجوز عايشه لوحدها
مسبحنا
غرف الدور اللي تحت ويشمل غرفه معيشه مصغره لي ولاسرتي
فيه العابهم
وتلفزيونهم وكلللللللللللل شي خاص بالتعليم
وكان جزء منه مستودع مخزنه فيه اغراض الرحلات وملابسنا الشتويه
والشوزات تكرمون
اول مااقبل علي الكومبلكس
صور البيت اول مافتح زوجي القراج
كله رااااااااااح
وقلت معليه بالحديد ولا بالعبيد :(
اللي صار الحين
المكتب مارضو يرجعون البيت بالصوره اللي احنا استاجرناها منهم
وانا مالومهم
الخساير كبيره
بس المفروض يراعون وضعنا وينزلون من الايجار
الزبده
الباب مايقفل ابد لانه متنفخ من المويه
القزاز حق الباب مكسور
والبيت ريحته ريحه مستنقع ومعفن
الدرج شال زوجي مع المتطوعين الكاربيت وباقي المسامير بكل درجه
وليومكم المكتب مارضو يشيلونها
تكرمون حتي دورات المياه فيها عفن اخضر زي البودره !!!غريب
الباك يارد ماتت الاعشاب من الطين اللي خلفه الفيضان
كان يوجد هنا شتله نعناع واربع شتلات طماطم
العاب صويصاتي :(
ارسلت لهم ايميل وقالو اذا حابين تطلعون من البيت اطلعو
وقررنا طبعا اننا نتركه
اصبحت الان بين تحديين (انهي بحثي -باذن الله- الليله) و (ابدا اضف ماتبقي لنا من عفوش)
بعدها زوجي يبينا ننقل للقولد كوست وهي مدينه قريبه من برزبن
اللي محزني
ان خططي و حلمي بتناغم اجتماعي مع صديقاتي واخواتي بالغربه اللي ماتهنيت بصحبتهم بسبب الدراسه
كنت مخططه ادخل دورات طبخ
كنت مخططه اتطوع بمدرسه بنتي اللي لم ولن انسي وقفتهم معاي ماحييت وكنت اعتبر تطوعي معهم رد لجمايلهم علي
كنت مخططه اتطوع مع جماعه المسجد النساء وادرس الاطفال تجويد وعربي
كنت مخططه علي برنامج لبناتي بصوره فرديه بحكم اني اعرف المدينه والباصات
الحين حلمي بالسعاده بعد الماستر بدا يبعد ويبعد
المدينه الجديده فتره اقامتنا فيها هي فصل دراسي واحد باذن الله
بس المحزن
اني مااعرفها واحتاج فتره اتكيف مع المدينه واتعلم علي باصاتها وهذا كله راح يستهلك مني وقت وهو عدوي اللدود
كنا حاجزين علي نيوزيلاندا
وزوجي غصص الروحه بحلقي
وكل يوم قاعد يغث قلبي مايبي يروح لانه خايف مانلقي سكن
وخايف ماتكفينا الفلوس هناك
وخايف من البوند مايرجعونه لنا المكتب
وانا اقول له والله الذي لا اله الا هو محتاجه نيوزلاندا اكثر من اي شي ثاني
كان تخطيطي لنيوزيلاندا
نستاجر كامبر فان
ولا ابي شقق ولا فنادق ولاقرف هالحياه المدنيه
كنت ابي افتح بابي لبنياتي وينطلقن بهالطبيعه احرااااااااااااااااااااار
ابيهم يتوسخون بالتراب والمويه ابي كل لحظه يعيشونها واعيشها معهم هي بيئه ثريه لتعليمهم
ابي اطبخ لهم وانا اشوفهم يستمتعون بنعم الله الطبيعيه
ابيهم مايدخلون الكامبرفان الا وقت النوم
وطول اليوم وحنا نسوي اسوداداج (برونزاج)
هو مايبي نروح نيوزلاندا الحين
ويبي يبعدني عن صديقاتي وخواتي وننقل للقولد
ومايبيني اروح لاهلي بحكم اني خريجه (لاني اقترحت عليه يقعد الترم الجاي لوحده يشد حيله وانا والبنات ننزل السعوديه ورفض قطعيا)
سالتكم بالله شورو علي وش اسووووووووووووووووووووووووووووي
تعبت والله وحزينه
ومن جد ابي احد يرقي بروحي معنويا
بالعاده استعين فيه هو
بس هو مسكين بهمه ولا ابي ازيده هم :(