بسم الله الرحمن الرحيم
الحمد لله رب العالمين سوق الاسهم هذه الايام وبفضل الله وحده يعطي وبسخاء
لمن وفقه الله لإختيار الاسهم بشكل جيد . واتوقع انا مقبلين على صعود وطفره مرضيه للجميع
ما عليكم سوى التوكل على الله واختيار السهم المناسب والبقاء فيه لحين تحقيق ربح جيد
النصــــــــــــــــــــــائح
1- التوكل على الله قبل كل شيء .
2- الصدقه فهي بركة المال . وانا اعرف وحده عندها محفظه كلما ربحت ربح
اخرجت ربع الربح صدقه لوجه الله تعالى ماشاء الله خلال 6 اشهر دبلت محفظتها
3- الصبر والقناعه بمعنى اشتري السهم واصبري عليها واقنعي بما قسمه الله لك
والمطامره يمين ويسار غير مجديه . حتى وان جاتك توصيات وصعدت اتركيها
وركزي على سهم اللي اخترتيه بعنايه .
4- عند تعرض سهمك لنزول فهناك حلول . بيع نصف الكميه والاحتفاظ بالسيوله
والاستفاده منها في شراء سهم ثاني جيد او التعديل في نفس السهم
على سعر اقل .
5- الحد من الخساره عند تعرض السوق لنزول وتوقع استمرار النزول فهنا لابد من حد
الخساره والخروج كم حدث في انهيارات 2006 و قبلها 2004 و 2003
6- من المهم متابعة السيوله وين تتجه وركوب الموجه الصاعده في الاسهم اللي
توجهت لها السيوله مثلاً السيوله اتجهت لقطاع الزراعه نروح زراعه بدت تخرج من الزراعه
ووتتجه للشركات اللي تحت 10 ريال نروح معهم وهكذا وحركة السيوله تحتاج لعدة ايام
يعني تشترين السهم وتصبرين عليه واذا اعطاك ربح وشفتي السيوله تتجه لمكان ثاني
اجني ربحك وروحي معهم .
7- التوصيات مني او من غيري هي اجتهاد ومحاولة افادة ولكن قد تصيب وقد تخطيء
لذلك انتي من تقررين البيع والشراء .
هذا اللي في بالي من النصائح حالياً واذا تذكرت شيء كتبته لكم بعون الله .
التوصيــــــــــــــــــــــــــــات
1- ثمار : ماشاء الله بعد اعلان الارباح الايجابي ترقبوا صعود قوي لهذا السهم بدايه من يوم غداً
واذا فاتكم وقفل نسبه من البدايه فعليكم بالاسهم اللي تتفاعل معه ( شمس والغذائيه ) والباحه بس
مشكلة الباحه وضعها المالي ما يطمن اللي يدخلها كمضاربه ويطلع في نفس اليوم لا يبيتها في المحفظه .
2- المصافي : وراها علوم والعلم عند الله لها مطالبات مع ارامكو ومع بن زقر خلو عيونكم عليها من بكره
ولا تفوتكم خذوا فيها لو كميه قليله .
3- السيارات : التوصيه اللي عندي تقول خلال 3 اسابيع بعون الله يكون فوق 25 لكن عندي دخلت معه
في مستوى 17 وعليها وباخرج منه اذا عطاني فوق العشرين واذا كان عمل مثل صدق نسبه ورى نسبه
يارب يسويها فانا معه لين يفك النسبه . ( على طاري صدق اتوقع لا يزال فيها مشوار طويل لمن يملك الصبر
والعلم عند الله لان المضارب يملك كميات كبيره وما مداه يصرفها )
4- المعرفه : موعوده هالاسبوع بعون الله بصعود يسر ملاكها وقد تضرب لها نسبه او نسبتين والله اعلم
مجرد توقع ومعلومه من مصدر بس مش اكيد .
5- أنعام : ننتظر اعلانها يوم الاحد واتوقع والعلم عند الله نشوفها هالاسبوع فوق 80
6- السريع : سهم منسي رغم قلة عدد اسهمه لكن ما يعيبه كثرة ملاكه اللي يملكون 5% فما فوق
وهالشيء يخوف القروبات والمضاربين من الدخول فيه لكن خلو عيونكم عليه واذا تحرك فخذوا فيه
لو كميه بسيطه .
كل التوفيق للجميع وآي جديد بعون الله اكتبه لكم ان تيسر
قطر الندى 2008 @ktr_alnd_2008
عضوة مميزة
يلزم عليك تسجيل الدخول أولًا لكتابة تعليق.
الله يجزاك خير انا قرات في بعض المنتديات ان سهم السريع عنده منحه بس ما ادري عن صحة المعلومة وهل الشراء فيه الان مناسب بالاسعار هذه وما هدفه ومشكوره000000000000
الصفحة الأخيرة
ماريك في مسك بعد اعلانها وهل هو جيد
وهل الافضل ابدلها بشركة الكابلات او المرفة