بقولكن السالفه من .ألئ وانتن قلن لي من حقي ازعل او لا

السلام عليكم
اللهم صل علئ محمد
انا عندي مواعيد مستشفئ والمفروض كل اسبوعين لكن بحكم اشغال زوجي اخليها كل شهر المهم اخر مره رحت لموعدي قبل العيد بيوم ومن بعدها مارحت لان ماعندنا سياره بهالفتره وقبل اسبوع انحلت العقده الحمدلله وزوجي شرئ سياره وذكرته بموعدي لان لي تقريبا شهرين مارحت قال ان شاء الله بيوم السبت الي هو اليوم لانه عنده اوف قلت علئ خير
وذكرته امس بالموعد قال بعدين قلت ليش قال ماعندي سياره خليتها عند ولدي وولده اساسا عنده سياره بس لان سيارته ماتكفيهم اخذ سياره ابوهم اكيد بيطلعون لمكان المهم ماعلي منهم
بس انقهرت لانه لغئ موعدي الضروري
انا طالبه اروح لموعدي شئ ضروري ماطلبت طلعه او سوق او تمشيه زي اغلب الناس
انا امس لما قال كذا زعلت حيل بس كتمت ماقلت شئ وهو شافني ساكته
جاء اخر الليل قال بقول لفلان... يقصد ولده يجي يوديك قلت وانت ليش ماتوديني قال هو الي معاه السياره وماقدر اخذ السياره منه واخليه بالبيت قلت مو مشكله خذه معانا قال ليش انتي ما تروحين معاه قلت لا ماني رايحه وسكتنا
الي تذكر مواضيع قبل هذا ولده راعي المقاطيع الس........ تذكرنه وانا بصراحه خايفه علئ نفسي منه لان بيتي يبعد عن المستشفئ تقريبا ساعه لو لاسمح الله صار شئ ماحد بيوقف معاي بعد الله واولهم زوجي راح يوقف بصف ولده
وهو نفسه كذا مره يحذرني منه وانا اضحك اقول لا انا امه كان يقول هذا مراهق مايعرف لا ام ولا احد
المهم انا من امس زعلانه علئ زوجي هل من حقي ازعل او لا لانه ماهو معطيني اهتمام وبدئ تفحيط ولده وصياعته علئ مواعيدي