رناريم
رناريم
السلام عليكم ورحمة اللة وبركاتة اخواتى الحبيبات سيمفونية حبى وجرح 2 وليمونة صفرة اشكركم حبيباتى على المرور وربنا يكرمنا اجمعين وينحفنا بصحة وعافية اختى سيمفونية حبى انتى تامرى امر ومفيش اى ازعاج بالعكس انتى منورانى فى موضوعى بالنسبة لاسئلتك انا فى كل اكلى بعتمد الطرق المبسطة للغاية مبحبش التعقيد فى اى حاجة اللحم المشوى والدجاج المشوى بتبلة الصبح مثلا اوقبل الشوى بساعتين على الاقل التتبيلة عبارة عن بصل مفروم ناعم علشان ينزل الماء اللى فية وملح وفلفل اسمر وليمون والبهارات اللى تفضليها ولو بتحبى الاكل حار ممكن تضيفى نقطة شطة بس علشان متسببلكيش مشاكل فى الهضم بعد مدة التتبيل بحطها على الشواية او فى الفرن لكن لو مستعجلة عليها اضع لها قليل من الماء فى حلة واسويها و بعدين اشويها فى الشواية وبينى وبينك اوقات كتير كنت بعملها كدة ولما تستوى اكلها كدة من غير شوى السمك المشوى كنت برضة بتبلة بملح وفلفل و كمون وتوم وفلفل اخضرمطحونين مع بعض جامد واسيبة ساعتين فى التلاجة طبعا التتبيل من برة وجوة وبعدين اغطية بالردة ( النخالة ) واشوية على الشواية وبعد الشوى وهو ساخن اعصر علية ليمون الخضار السوتية انا كنت بكتفى بية مسلوق انتى عارفة السوتية بعد السلق لازم تقلبية فى ملعقة زبدة انا كنت بستغنى عن الزبدة طبعا وبرش علية ملح خفيف وفلفل اسمر دة اذا كان خضار مشكل بس برضة علشان اكون صريحة معاكى احيانا كنت بجيب كيس الخضار المشكل الطازج واسلقة واحيانا كنت بعمل صنف واحد من الخضار يعنى مثلا كوسة مسلوقة واعصر عليها ليمون او باذنجان مسلوق او فاصوليا خضرا او بروكلى او كرنب بصراحة كنت بغصب على نفسى بس كنت باكلهم الكوسة باللحم المفروم بعصج اللحم المفروم يعنى اسوية بالبصل والملح والفلفل والبهارات والكوسة اضع عليها البصل والطماطم المعصورة والملح والفلفل ولما تستوى اضع عليها ملعقتين بالعدد زيت زيتون واللحم المفروم واخلطهم ببعض الارز كان من الرز العادى بالبصل بس كنت باخد 3 ملاعق بس واقصى شيئ 5 ملاعق التورلى هو خليط من الخضار انتى شكلية حسب ما تحبى يعنى ممكن كوسة مع باذنجان مع بصل صغير الحجم جدا مع قطع صغيرة من القرنبيط بطبخهم كلهم نى فى نى طبعا مع الطماطم المعصورة ولما يتم سواهم اضع ملعقتين زيت زيتون وادخلهم الفرن 10 دقائق طبعا الاكل فى الاول مش هتحبية اوى بس مع التعود والارادة والرغبة فى تحقيق الهدف اللى بتسعى لة وكمان مع البهارات والاضافات اللى بتضيفيها حسب رغبتك هتبتدى تحبية واللة يعينك ويعينا على الريجيم واى سؤال اعتبرينى اختك الكبيرة ومتتردديش فى السؤال اختى الحبيبة جرح 2 النظام دة مع الرياضة ممكن ينقص الوزن من 10 - 15 كيلو فى الشهر حسب طبيعة جسمك وحالتك الاجتماعية ومن غير رياضة ممكن من 5 - 10 كيلو ودة تقريبا يعنى ممكن اكتر وممكن اقل حسب طبيعة كل واحدة وظروفها شرفنى مرورك حبيبتى اختى الحبيبة ليمونة صفرة تسلمى يا غالية على مرورك وواللة انا لو مكنتش شايفة ان النظام دة احسن من انظمة كتير غير صحية موجودة فى المنتدى هنا مكنتش حطيتة للبنات عموما انا سعيدة بكل بنت مرت على موضوعى حتى لو مردتش ربنا يجمعنا كلنا فى المنتدى هنا على الخير و ينحفنا بالصحة والعافية
السلام عليكم ورحمة اللة وبركاتة اخواتى الحبيبات سيمفونية حبى وجرح 2 وليمونة صفرة اشكركم حبيباتى...
ويا ريت باقى البنات المبدعات يقترحوا علينا طرق طهى لذيذة لاكل الريجيم علشان نقدر نتقبلة

:26: :26: :26: :26: :26: :26: :26: :26:
~~ أم نوووف ~~
~~ أم نوووف ~~
جزاك الله خير
رناريم
رناريم
مشكورة ام نوووف نورتى الموضوع