أسعد الله أوقاتكم بكل خير...
اليوم الصباح وتحديدا قبل ساعه أي كانت الساعه تشير الى التاسعة و5 دقائق صحيت من النوم حاسه بجوووع فرحت متجهه للمطبخ أسوي شي سريع وبرجع أكمل نومي النوم غلااااب
المهم دخلت المطبخ ومتمسكه بالنوم بأطراف رموشي عشان مايطير ... وكنت أسوي كوب حليب وغليت المويه وجهزت السكر والحليب في الكوب وأبدأ أسكب المويه في الكوب وأحرك وانا واقفه لازقه بالطاوله الا بسم الله الرحمن الرحيم صوت أنفجاااار قوي وتطاير شظايا وحسيت بحرارة في بطني وأطالع والله صارت عيوني كذا
أنفجر الكوب وتطاير القزااز والحليب يقططططر على قدمي الناعمتين وأنا مازلت لازقه بالطاوله واقفه أتفرج وأحاول أستوعب:blink:
بس ربك كريم طار على بطني شوية حليب واهم شي ولله الحمد بنتي نايمه عمرها 3سنوات والا بالعاده مسنتره جنبي تشوف وش أحط مع الحليب شاي والاكاكاو >> ماتحب الكاكاو
والحمدلله على سلامتي مافي إصابات بس حبيت تاخذوا فكره إذا بتسووا أي شي بالمطبخ خليكم بعيد عن الطاوله متر..!! عاد اللي يدينها قصيره مثل حلاتي الله يعينها...:hahaha:
والاهم تبعدوا الاطفال عن المطبخ ربي ستر هالمرة علي وإن شاء الله كل مرة
مع أن بنتي ماتحلى لها الجلسه الا قدام الفرن تناظر بعمرها في المرايه حقت الفرن وتسولف مع نفسها بس لاتفوتكم جلستها تقولي مريم نور هع
بس انا ماتطوفني هالحركات ... أخذت تجليدة نايس وجلدت الفرن بحركه رهييبه وقلنا وداعا يامريم نور..
وبس سلامتكم ..:27:
وترا فعلا بعض الاكواب القزاز من الحرارة على طول تنكسر
عشان كدا نخلي الملعقة في الكوب وبعدين نصب المويه الحاااارة لأن الملعقة حديد تمتص الحرارة