حياتي روتين ممل، بيت اهلي صار ممل وبيت زوجي امل وعيالي جننوني شو اسوي

السلام عليكم ورحمة الله وبركاته
بنات انا حياتي كل يوم نفس الروتين، طفشت من هالروتين وزوجي أبدا ما يطلعني مكان واذا كلمته يطلعنا بالقوة وبسرعه نرجع البيت ويطلع هو، دائماً مستعجل ومشغول واذا جا الغرفه ينام او يلعب مع عياله وهكذا وانا ما يسولف معي والله امل صرت حتى ما اعرف اتكلم زين ولما انزل عند اهله خاصه مع امه واختها عادي الامور تمام وانا احب جلسه بعض العجائز الطيبات، اما لما يجن اخواته يجلسن يتكلمن مع بعضهن ويضاحكن بعضهن وانا اذا دخلت معاهم بالموضوع يردو علي وبعدها يطنشوني. احس نفسي مب مرغوبه وخاصه اخته الي سوت لي المشاكل ما احبها وهي بعد ما تحبني، اجلس صابره بس عشان عيالي،
المشكله عيالي ما اقدر احطهم مع اخواته لان عيالي فيهم ربشه وممكن يضربن ويعصبن على عيالي وهذا الشي صاير قبل وتعقدت بنتي وصارت تخاف والحين الحمدلله تحسنت.
والشي الثاني اذا بغيت اروح بيت اهلي هناك الكل صامت هالفتره لان اخوي ما توفق فالطب. واخوي الكبير يحب يسوي مشاكل دائماً فبيتنا هواش ونزاع والله كرهت اروح بيتنا. مدري أش فيه اخوي يا انه طيب يا فجاة يطب علينا ويعمل مشاكل ويقول انتو كذا مبسوطين لكن انا عادي اذبح واحد فيكم وادخل السجن. والله ما ادري اذا فيه مس او نفسيه او شك والله كم سنه وحن نعاني منه وامي تبكي كل يوم وتدعي ان الله يشفيه.
واختي بعد ما حد جا خطبها، كل الي خطبوها ما صار نصيب لهم. والحين هي وامي يفكرو
صاير البيت كئيب لما اروح وملل فظيع وعيالي مجننيني ماني قادره اتحرك من مكاني الا وهم باديين فيني، وامي واختي ما يساعدوني فعيالي كل واحد فحاله والله تعبت. أريد اروح بيتنا واسولف ونضحك مثل اول كنت اتحمس لبيت اهلي اما الحين أتردد اروح لهم.