مغبونه

مغبونه @mghbonh

عضوة جديدة

لكل من كتبت قصه خيانه او شك بهذا القسم

الأسرة والمجتمع

السلام عليكم

تاكدو ماكتبت الا من قلب محب

اول مره افكر اكتب للعلم اني بينكم دايم بمعرفمعروف لكن فضلت اكتب بهذاالمعرف عموما

الساعه الان 2 وزياده وفي هالوقت المبارك اقسم بالله العظيم وربي اعلم بوضعي وحالتي وحياتي ولكن والله والله والله انى لو تعلمون كم انا سعيده لا حسدتموني على ما انا به ولله الحمد الحمد له والفضل له والشكر له

السالفه وشهي

السالفه بالعاميه وعلى بلاطه

حسبي الله على كل وحده تنصح اخت لها هنا بترك بيتها حسبي الله على كل وحده تنصح اخت لها هنا بمراقبه زوجها


قريت كثيرر بهالقسم يشتكون (( اشك زوجي معه جوال ثاني سمعته هزاز لمحت معه جهاز شفته بالسياره احس اشك ........


اولاً اتقي الله في نفسك وفالمخلوقه

قبل فتره تابعت قصه وحده شجعوها اكثر من 15 وحده على مراقبه زوجها الين وصلوها لبيت اهلها

بمعرفي الاساسي كنت احذرها برسائل خاصه وانصحها ماسمعت مني بعدها ارسلت لي تقول اختي فالله ليتني اطعتك حتى ابوي مايبغى يرد عليه

قلت لها وش وضعك قالت رحت انا برجلي لبيت اهلي وتركته وعلمت اهلي بلي صار طبعا ماعندها اطفال

تقول الان مايرد على ابوي بيتفاهم معه وانا من طلعت وانا اكابر والحين حنيت ابيه ... قلت لها هل جربتي ادورينه قالت لا

قلت تعرفين وقت جلسته بالبيت قالت ايه قلت روحي وسلمي وكانك بتاخذين من اغراضك شي وبتطلعين وانك مستعجله

ولا تناظرينه ابد قالت ماراح يرضون اهلي قلت لا يعرفون وراحت ... انقطعت عني خمس ايام بعدها ارسلت لي رقم جوال خفت ماتصلت

ارسلت مره ثاني ماقدر اكتب ابيك بالصوت اخذت جوال مو جوالي واتصلت طلعت انسانه هاديه صغيره مؤدبه

من اول ماقلت لها اني فلانه صاحت ....تقول من دخلت البيت باخذ غرض وبطلع ماطلعت تفاهمنا وانتهى الخلاف وفرح بجيتي حتى لو مو عشانه

المغزى من ذكري لسالفه وغير هذي فيه ثنتين بس للاسف هذولي قصصهم استفحلت من نصايح بعض سليطات السان هنا

من بعض الي يردون ردود تفرق بين المرء وزوجه

عموما انا محد يهمنى وادري فيه ناس للاسف تلعن وعصبيه ونقرا بين السطور مدى عنفها واسلوبها الشرس وسلاطه لسانها لكن انا اقول حسسبي الله على كل وحده بتحاول تكبر قلب زوجه على زوجها


ادري فيه ناس فيهم خير وادري فيهم الصالح والطالح لكن انا اتكلم عن بعض المعقدات الشرسات الي تحاول تستقل عن الرجل وانها تقدر بدونه تكون شي حتى لو خانها


**ادري الخيانه مره لكن ثقي تماما انه يخونك مو لانك مقصره لا يخونك لانه هو يحب التغيير والتجديد فا شتغلي على نفسك وغيري فيها

**يخونك لانه عنده فراغ او احد من اصحابه يسوي كذا او انها هي ابتلاته بنفسها او هو مبتلاء فدعي له بالهدايه


** صدقيني الطريق هذا مر وموحش وزمنا زمن فتن وهذي غلطه طال الزمن او قصر راح يتركها وةيرجع لصوابه


انتبهي من البحث ورى زوجك لان الي بيبحث راح يلقى حتى ولو كان مستقيم لا بد من الخطا حتى ولو من دون قصد
انتي انتي نفسك لو بيجلس ويسال ويطقس راح يعرف انك بيوم طلعتي سوق مع خواتك او مطعم او كذبتي او ارتكبتي خطا غير مقصود وشي سهل وتافه الكل يخطي والمشكله مو الخطا المشكله بمعالجه الخطا


انا مثلكم اقسم بالله اشوف مع زوجي جوالات وارقام وحركات لكن والله والله مافكر اشك او افتح او انبشش لاني من تزوجته قلت مابي اخسره وصرت ابين له اذا شفت الجوال بسياره مو جوال والله العظيم اشكال والوان بعد اني اصد واغمض وابعد وسبحان الله وعلى نياتكم ترزقون خرب جوالي وحنا مسافرين وفتح درج السياره وقالي تخيري محل جوالات وهو يضحك انا كنت خايفه القى شي يخرب الرحله فاخترت واحد من احدثهم موديل وطل شريحته دون مايمسح شي وركبت شريحتي وحطيته بشاحن السياره مافتحته كاني خايفه لما نزل فتحته لقيت الصدمه

طلع كل الي فيه ابو فلان الارضاو العقار الفلان سيم بالمبلغ او المستودعات على طريق فيها وقدرت والمخطط قدر ورسايل

علما ماكنت اعرف ان زوجي يفهم بالعقار او له محاولات فابيكم تعرفون ان عشره سنين ماحسيت انه له بهالمجال والرجال مايعلمون وش عندهم ولا وش يسوون فاتوقعي انو جواله عمل مولازم يعاكس

دعوتي لنفسي والجميع ان الله يجعلنا قره اعينهم وان يجعلنا من احبابه في جنته

دعواتكم لي بالتوفيق والشفاء وان الله يرزقني ولد سليم معافى عاجلا غير اجلا

 
21
2K

يلزم عليك تسجيل الدخول أولًا لكتابة تعليق.

تسجيل دخول

ببسي
ببسي
لا إله إلا انت سبحانك إني كنت من الظالمين
طاهرة النوايا
لا إله إلا انت سبحانك إني كنت من الظالمين
Ħ ∂ ŋ ọ ờ
Ħ ∂ ŋ ọ ờ
استغفرالله واتوب الية
تستاهل خفوقي
تستاهل خفوقي
الله يهدي الجميع
وجزاك الله خير ع الموضوع
زوجي نبضي
زوجي نبضي
جزاك الله خير على طرح الموضوع القيم
وجعله الله في ميزان حسناتك
واسال الله رب العرش العظيم ان يرزقك الله
ويرزقني ولد سليم معافى عاجلا غير اجلا