السلام عليكم ورحمة الله...
أغلقه منتدى حواء بعد قراءه عدد من قصص الخيانة وألم الزوجة ومعانتها مع هذا الزوج. وأنا في ضيقه وحزن واتجهت إلى التلفاز علي أحسن قليل من النفسية قبل قدوم زوجي إلى البيت.. لكني لم أجد فيه ضالتي بل زاد علي وضعي جرعات من الحزن والاكتئاب .. لكن هذي المرة استغربه من تصرفات الزوجة وكيف تتعامل مع زوجها ففي المنتدى تطلب منا الحلول.. لكن في المسلسل الكاتبة تبين المشكلة وكيف حلت المسالة وكأنها تبعث برسالة إلى المشاهدة.. من خلال القصة..
لم أتابع المسلسل من اول حلقه فلم استطيع معرفه > لا اهتم في المسلسلات كثيررر
الاحداث كأمله لكن سلبيه الزوجة دعتني للبحث عن الموضوع لمعرفته..
لمااريد مناقشه هذه القصة في المنتدى؟؟؟
لمعرفه وجهات النظر وتصرف كل عضوه....ولأننا لا نستطيع تحليل أو انتقاد أي موضوع خيانة يخص عضوه في المنتدى .. لانه من خصوصياتها وعدما لجرح مشاعرها.. فمن تحب إن تشاركني في النقاش أهلا وسهلا فيها ومن لا تريد فيقونه الرجوع والخروج من الموضوع موجودة...
نبدأ.. بحثه عن قصه المسلسل ووجدتها في منتدى أخر.. مشكو وره صاحبه الموضوع على كتابه القصة..
1. لتكوووووونواااا في الصووووورة اليكم
القصه
حكاية رجل وامرأتين
الأولى زوجته وأم توأمه البناتي سارة "هدى حسين" والثانية ندى
"إلهام فضالة" امرأة مطلقة عندها ولد وعايشه مع أمها في شقة قابلها
بالصدفة في مواقف سيارات بعد ما صدمته صدمة خفيفة بسبب
استعجال الإثنين هو عشان يلحق زوجته الوالد في المستشفى وهي
عشان تلحق مقابلة الوظيفة
هو علي "خالد أمين" رجل بعقلية سي السيد لكن بمواصفات القرن 21
وشلون يعني؟
الجواب: هو كابتن طيار غني وسيم رومانسي لكن في نفس الوقت
عنيد حاد مايبي نكد ولايحب الحنة والتضجر
في المقابل : زوجته أشبه بالشجرة اليابسة مو شكلا إنما طبعا
لأنها دائما مكشرة متضجرة تشكي من وحدتها وانشغال زوجها الدائم
بالتحليق في الجو وتركها تقابل جدران البيت مع بناتها والشغالات
ورغم البيت الفاخر والخدم والحشم وخاصة أنها من أسرة بسيطة
على قد حالها تسكن في بيت "حكومة" مكونة من أب "معرف اسمه"
وأم "اسمهان توفيق" وأخت بدرية "سلمى سالم" وأخ
"محمدالعجيمي" (الأخ متزوج و عنده عيال و عايش في بيت بروحه)
رغم كل هالشي إلا أنها دائما عابسة وغير راضية
لأنها تبي زوجها يشاركها مسؤولية تربية البنات ويقابلها
صراحة إلى الحين مو عارفة أنا وش تبي بالضبط
المهم
الرجل تعرف على وحدة مثل النسمة مقارنة بزوجته اللي اشبهها
بالإعصار وشاءت الصدفة أنه ينسى شنطته في سيارتها بعد
ما صدمته ووصلته للمستشفى عشان يلحق ولادة بناته فطبعا رجعت
توصل له الشنطة وهي معصبة بسبة ضياع فرصة المقابلة الوظيفية
فتطوع الأخ عشانها أو يمكن عشان نفسه وعرض عليها تتوظف
مضيفة طيران معه وهو اللي بيجيب لها الوظيفة فطبعا الأخت قبلت
عشان محتاجة الوظيفة وربما شئ ثاني
مع مرور الوقت بدت الفوارق بين النسمة والإعصار تظهر في
محيط أخونا فتعلق ب"ندى" تدريجيا إلى أن عرضت هي عليه أنهم
يتزوجون في الوقت اللي كان طليق ندى يصور المشهد
الرومانسي بينهم ويرسل الصور إلى جوال سارة اللي رايحة تاخذ لها
" إجازة " من مقابل بناتها وهالإجازة مالها سنع ولادبرة لكنها
توضح شخصية سارة اللي تشبه "الشجرة اليابسة" إللي تبي أي شئ
عشان ترجع الخضرة في أوراقها
في الجانب الثاني كانت بدرية أخت سارة تجاهد لحالها فمن
جهة أبو وأم كبار في السن ومن جهة ثانية أخو أناني لئيم همه
يستنزف أخواته ويكب على عياله :الكبير صايع وضايع في
الرياضة "نواف نجم"والبنت صايعة بدون رقابة" ملاك" والولد اللي
صاحي فيهم وموهوب أبوه ضده ومكسر مجاديفه
وبدرية تعاني من عدم تفهم أهلها والمجتمع لها وبسبب هالشي رفضت
الشخص اللي تقدم لها بحجة أنه غير كويتي
نرجع لأخونا شهريار والنساء
سارة لما شافت الصور انهبلت ورجعت تزبد وترعد على علي اللي
برغم قوته وعناده وغروره بقوته وماله أصر أنه يحتفظ فيها مقابل
ترك ندى نهائيا وفعلا سافرت ندى لحالها هي وفستان العرس بدون
علي وأثر تركه لها وعدم التزامه بموعد العرس في هالرحلة مثل
ما اتفقوا عليها فاستقالت من عملها واشتغلت في روضة أطفال
وبعد خمس سنوات شافتها صديقتها "مها عبدالله" وهي جايبة بنتها
للروضة بعد ماتزوجت كابتن صلاح زميل علي وبدأت العلاقة بين
ندى وأسرة صديقتها ترجع من جديد.
علي طوال هالسنوات الخمس كان وضعه ماشي مع سارة وإن كان
ماله خلق مشاكل أهلها خاصة بعد وفاة أبوها وجشع أخوها وخلافاته
مع بدرية على موضوع بيع البيت المهم سارة طبعا ماكانت تبي تضايق سي
السيد بقصص أهلها فماكانت تحس ببدرية ومعاناتها مع هالأخ اللئيم
اللي باع البيت ولهف الفلوس بحجة أنه بيبني بيت أكبر لهم وحط
أمه وأخته في غرفة الخدم
الأخ علي شاف ندى بالصدفة في مجمع تسوق وهو مع زوجته وهي
على موعد مع "مها محمد " مها وزوجها
كابتن صلاح . وأنهبل لما شافها فصار يلاحقها من غير راي ولا وعي
وحرمته سارة طايرة عيونها ماتدري وش السالفة الين استقر رجلها
على الطاولة مع كابتن صلاح وزوجته ووو..... ندى
بعد هالصدفه حاول علي يرجع له ندى يرجع أيامها الحلوة وراحته وياها
قالت لازم تزوجني و وافق تزوجوا بالسر وسكنهآ بشاليه بعيد عن عيون
الناس وساره حاولت ترجع علي لهآ بكل ماتقدر في يوم الفلنتاين كشخت وتعطرت ودقت عليه
علي كان عند ندى قالت له متى تجي قال نآمي انا مطول بعد مارد البيت الصبح وشاف اللي كانت مسويته
له حس بالذنب راح للسيارة وجاب لها الهدية حاول يراضيهآ لكن بعد مارضت شافت الفاتورة
فاتورة الهدية جنطة بس مو وحده ثنتين معناتهآ في وحده بحياته
شآت الصدف وسمعته وهو راد من رحلته وهي كانت بالصاله اسمعته يكلمهآ
وقالها بكره بكون عندج بالشاليه
لحقته لي هناك وشافته معآهآ علي حاول يرجعهآ سلب منهآ فلوسهآ والهدايا
والخدم وحتى الخط مال الجوال قطعه عن الخدمة ولما وصل لبنآتهآ كسرت خاطره وعرف
أنها بتبعد عنه عشان ماتبي تكرهه ماتبي تنسى الأيام الحلوة بينهم خذت ديمة بس دانة ما رضت
تروح معاها و اختارت تبقى مع أبوها..
كبرو ابتعدت دانة عن أمها ماصارت تهتم أو تاخذ رأي أمها
باي شي بحياتها حتى بالزواج لكن بليلة العرس سارة كانت رافضه تروح لبنتهآ
زعلانه لانهآ مآخذت رايهآ ولاكنها موجوده انهآرت دانه وراح علي واقنع ساره تجي لبنتهآ
بعد العرس تطلقت دانه والام مآتدري حملت دانه والام ماتدري عرفت من
عادل طليق دانه عصبت وزعلت وراحت لعلي ودانه وقالت لها أنها مو أمها
ولاتعرفهآ في هالفتره ولد ندى فهد غريب الطباع رجع من أمريكا كانت له
تصرفات غير طبيعيه و كانت دانة تكره كره العمى
وصل يوم ولادة دانة علي ماقدر يتخذ أي قرار من غير سارة اتصل
فيها وجت تركض خايفة على بنتهآ بدت الغيرة بقلب ندى بعد ولادة
دانة لازم الأم تنفس بنتهآ هذا السبب اللي قالته سارة لعلي بس هي تحاول
ترجع علي لهآ و هاذي فرصتهآ تصلح غلطتهآ وقرارهآ العآطفي الغير عقلاني
لكن علي للمره الثانية صدهآ وعاندهآ ووقال بما أنه دانة بتسافر فما له داعي تبقين في البيت
و سافرت دانة مع صديق علي صلاح عشان تاخذ لهآ سبا باحد الدول الاجنبيه
بنفس الوقت اللي رجعت ساره تحاول تدخل حياة علي
كان في رسايل نصية توصل لجوال ندى وخبت هالموضوع عن علي
لكن علي كانت توصله رسايل ورقية على سيارته قالت لعلي وصارحته
قالت أنها شاكه بسارة وقالت نطرش مسج إذا دافعت عن عمرهآ معنآته
بريئة وإذا لا يعني تثبت التهمة
سارة شافت المسج وتعبت وانقلوها للمستشفى
وقالت للدكتور أنها عندها كتلة بصدرها قال لازم تروحين دكتور متخصص
علي قرر يسافر ولاسأل شصار بسارة بعد المسج
راح لدانة وصلاح اكتشف أنهم متزوجين
وأجبر صلاح يطلقهآ رجع لديره وحبس دانة
مهآ زوجة صلاح رجعت لبيتهآ بعد مآكآنت زعلانه لانه يبيهآ تترك الوظيفة
صلاح اعتذر من دانة إلي شردت من البيت ويت له و قالهآ آسف ما أقدر أساعدج
بأي شي بالوقت هذا لأنه زوجتي رجعت و بنتي ما تدري أني تزوجتج
دانة عرفت من بنت خالها أن طليقهآ بيخطب أختها ديمة
بنت خالها كان ضاربنها زوجها و كانت قاعدة مع خالتها لأنه أبوها بيغصبها ترجع لزوجها
راحت دانة لبيت أمها وشافت عادل عندهم جرحت أمها و أختها وعادل بالكلام
دخلتهآ سارة للغرفة وقالت لهآ أنهآ مريضه بالشين (السرطان)
رجعت لبيت أبوهآ وشافهآ بيهآوشهآ قالت أنها كانت عند أمهآ وأن أمهآ مريضة بالشين
سافرت سارة مع دانة تتعالج من المرض
وما زالت الرسايل توصل لعلي قال لندى أنه ظلم سارة والحين لازم
تقوله منو هذا اللي يطرش رسايل قالت ماعرفه راح لفهد ولد ندى وقاله أبي تلفونك عطاه التلفون ودق على
الرقم اللي يطرش المسجات لكن سمع نغمة التلفون بغرفة فهد
معناتها فهد أهو اللي حاول يزرع الفتنه بينهم طقه وطرده برى البيت واكتشف أنه ياكل
حبوب تأثر على خلايا المخ وتتلفهآ
فهد غرق نفسه بالبحر
وعلي قرر يرجع سارة
سافر لهآ لكن هالمرة هي اللي صدته وخلته يختار اللي يلقى راحته معاها
واختار ندى وعاشت سارة مع بنآتهآ ورجع لندى وكملوا حياتهم
نهاية منطقية وحلو
هههة
تعليقي..
المسلسل فكرته جدا واقعيه وموجود في حياتنا.. والشي الي قهرني ان الزوجه تركه كل شي لحبيبه زوجها.. وهي ماجهزة لهذ التحول في حياتها من زوجه الى مطلقه مسؤله في بدايه القصه كانت الزوجه مهمله زوجها ودلوعه.. والزوج لو نرجع لموضوع الانماط جنوبي غربي يحب الدلع وقصص الحب والاهتمام اما الزوجه فهي شماليه..
هنا الاختلاف؟؟؟؟ هذا راييي..
اتمنى المناقشه بسلوب راقي يدل على صاحبه المشاركه.. وثقافتها ..
لينا الحزينه @lyna_alhzynh
عضوة جديدة
يلزم عليك تسجيل الدخول أولًا لكتابة تعليق.
غدو المدينه
•
يسلموووو علي الطرح المسلسل وواقعى جدا والمفروض ساره ماتركت بيتها عاشت بعقلها
وايد حلو المسلسل ولهومه ماله دخل انه دخلت بحياه انسان مادرت انه يدور راحته على حساب قهر ساره وساره ماقدرت وظيفته وبس تبكي وتنايح وتصارخ وتشك فيه يعني هو بعد ماينلام يسلمووووووووو ع الموضوع
المسلس انا شفت اغلب الحلقات ومنجد احس كانها قصه واقعيه وكنت اشوف نفسي في ساره وزوجي يشبه علي في بعض التصرفات
وبرضو زوجي يشتغل في وضيفه مختلطه يعني ادقق في كل شي واحس بدا يتضايق من ذا الشي
وبرضو زوجي يشتغل في وضيفه مختلطه يعني ادقق في كل شي واحس بدا يتضايق من ذا الشي
الصفحة الأخيرة