حبيبتي اكتبي في اليوتيوب banana mafen في كثير وصفات اختاري اللي يعجبك بس مبرره لذيذ وما يصلح الا بالموزمبيق اللي قشرته سودا يعني مستووووي مررره
أنا بعطيك طريقتي كمان اهرسي موزتين كبار لازم تكون مستويه بالشوكه وفي زبديه حطي ٢ بيض+ اكثر من الربع كاس سكر لان الموز حالي+نصف كاس حليب سائل زائد ثلاث ملاعق زيت وحركيهم بالمضرب اليدوي واضيفي الموز ثم الطحين لين يعطيك خليط اثقل من خليط الكيك زيني الوجه بالجوز وحطيه في صينية الكب كيك جربيها مره لذيذه 

طريقة للموز رووعه وسريعه
تاخذين الموز وتقطعينه ثلاث قطع وتعمسينه في بيض ثم بقسماط وتقلينه بس ترى مايطول خليه الى يصير لونه دهبي وشيليه واذا خلص صبي عليها حليب مكثف محلى رووووعه
والثانيه تاخذين الموز وتقطعينه وتحشين فيه سبرنق رول وتقلينها ومع الحشوة ضيفي سكر بودرة وقرفه وبالعافيه
واللبن سوي فيه كيكات والزبادي برضه كيكات او حلى والصامولي سويه بقسماط او احشيه وحطي عليه جبنه وعلى الفرن يصير زي البيتزا
وبس

الموز سوي فيه ميلك شيك الموز
حطي بالخلاط 3 أو 4 موزات مع كاس حليب طازج او موية وحليب بودرة وسكر واخلطيهم
وزيني الكاس بهرشي فراولة وصبي الحليب يطلع شي واااااااااااو

الصامولي سوي فيه السينابون الكذاب
او اطحنيه وسوي كيكة الصامولي

الزبادي حطيه في البرياني واذا انتهى تاريخه سوي فيه ماسك للوجه والشعر

الشوكولاتة اي نوع ذوبي كمية حتى لو انواع مختلفة وحطي معها علبة قشطة طبقة فوق اي كيك يصير لك حلا




دعواتك :)

رفع

موضوعك حلو اختى الله يديم حفظ النعم البنات ماقصرو عطوك افكار روعه ماشا الله بس انا بضيف شى اخر للموز ممكن تسوين منه اكله لذيذه جداً ومفيده ومغذيه ويشتهر فيها اهل جيزان وتسمى فى المطعاعم المعصوب اهل جيزان يسمونها مرسه طريقتها كاالتالى مقادير تقريبيه اذ ا العدد كبير تزيدين هذا المقدار لشخصين وممكن ثلاثه لان الاكله دسمه كاسين دقيق ابيض ملعقه زيت ذرة ملح ماء تعجن عجينه رخوه شوي مش قاسيه زي المرقوق لا تكون رخويه إن شالله فهمتو المقصود تخليها ترتاح ربع ساعه واذا مستعجله عادى اخبزيها فى فرن متسطة الحراره حطيها فى صينيه حجم صغير وخبزيها تطلع لك قرص خلى القرص يبرد وبعدين افرميه بعض الحريم يقطعوها باليد حجم صغير جداً عاد هذا راجع لك انتى واستطاعتك . بعدين خذى ثلاث حبات موز او اربع تكون متوسطة النضج واذا مره ناضجه حطى ثلاث كفايه وهرسيها بشوكه وحطيها على القرص الى فرامتيه بعدين حطيه بطبق التقديم ورتبيه زين وصبي عليه عسل وشوية زبده اوسمن بالعافيه حنا نقدم معه السمك المبهر والمملح المقلي ويعتبر وجبه رئيسيه وفيه ناس يعتبروه طبق جانبي او للتحليه . والحريم قامو يضيفون علييها اضفات قشطه او مكسرات لوز فستق بس انا عطيتكم الطريقه الاصليه