قررت اكتب مشكلتي.. أكتئاب ووسواس

• نسيت أقولكم الحاله جتني بعد صدمه وكانت في رمضان قبل الي راح ولا عندي صديقات مع الاسف ولا احب اكلم احد

والله ياعسل حلك
في الاستغفار والدعاء والصلاه على الرسول
وشوفي كيف حياتك تسير
تحسي فعلا بطعم وجمال الحياه
يارب يحقق امانيك ..

حياتي ما الومك الصدمه قويه عليك لكن عليك بالدعاء والصلاه والاستغفار ولا تخلين للشيطان عليك مدخل واهم شي انك تشتغلين وتدرسين هذي بحد ذاتها كفيله تنسيك الهموم بعد الله لانها تشغل تفكيرك وخليك لينه طيبه عشان يحبونك اللي يشتغلون معاك وتكونين صداقات واهم شي امك والله دامها قريبه منك وتخاف عليك وتدعي لك خليك دايم معاها وسولفي لها وخذي منها السوالف عيشي حياتك وانتي باقي صغيره لا تكرهين الرجال ممكن يجي نصيبك وتتزوجين وربي يرزقك وتخلفين وتنسين كل شي خلي ثقتك بالله قويه

الاهداف والطموحات الايجابيه هي اللي تخلي الانسان يسعى ويحب الحياه


حطي هدف قدامج مثل مشغل خاص بك أو أسهم أو عقارات أو ذهب شي شوي شوي يستثمر وانشغلي
وعلى فكره انتي تعطي الرجال اكبر حجما , انسيه وانسي حياتج الماضيه وبدئي بنفسج خلي بالج انج انسانه مرت بمطبه وجالسه تعديها وان شاء الله بتعديها
محد بيساعدج غير نفسج وعي نفسج وصحيها وقوليلها ربي ما خلقني عشان اجلس بهاذي الضيقه انا ما ظلمت أحد لكن اللي ظلمني الله بيجازيه على فعلته واتركيه لله وانسيه وابدي بنفسج حركي نفسج وعي نفسج قوميها حفزيها ورجال هذا خليه يغيب شو مستفيده أنا وجالسه فهالجحر المظلم وهو الله عالم مترقي متزوج عنده عيال وعايش حياته ليش م اعيش حياتي انا واكونها واصير احسن منه ومن امثاله ربج ما بيخيب ظنج لو توكلتي عليه
بس لو جلستي في هاذي الحاله فستقبلي المرض والهم والكره والبغض والظلم والعذاب ليش ؟ ليش اسوي بعمري كذا عشان بس طلقني بدون سبب , اذا فيه سبب بنقول هه لكن بدون سبب هل ألوم نفسي ولا المفروض هو يلوم نفسه ؟؟!! قوليلي من المفروض يلوم نفسه أنتي أو هو !!! خليه يزول فحياته وقولي فنفسج الله اراد لي هالشي لانه متاكده أحسن لي
لا تمرضي نفسج عشانه , هو أصن داري عن هواج داري عن حالج فكر فيج ؟؟؟
فكري بنفسج حبيبتي قومي نفسج قولي لنفسج "بس خلاص قومي من سباتج العميق, أصحي شو مستفيده أنا فهالحالة !! خليني أفكر بنفسي أحسن "
أعيش وسط اهلي احلى واجمل أبوي أمي اللي الله انعمهم علي وربوني وكسوني وونسوني خليني أجازيهم شوي أعتني فيهم أكسيهم أهتم فيهم الأجر فيهم


قومي وانا اختج حركي نفسج وتوكلي على ربج وحلمي أحلام وأهداف حلوه واسعيلها قولي يا أنا يا هالحلم


والله يفوقج يا رب ويسعدج وتشفي من هالمرض النفسي اللي علاجه نفسج الايجابيه

انتي مافكرتي انه يمكن يكون معمول لك عمل ولا شي
اقري اذكارك والرقيه دايما والله يفرح قلبك