بصباح الأربعاء كانت زميلتي بالجامعه
مشغوله مع تلفونها وكل شوي تحط الجوال بأذنها
وشوي تنزله وتقوول اوووف من هالشيخ
صج شايف نفسه لي ساعتين بسأله عن فتوى ومايرد علي
انا هنا صووعقت وذهلت صراحه
وضاق صدري على المشائخ وطلاب العلم
من عقليات صديقتي واللي مثلها
جلست حدها <<تحجير تايم
قلت ريومه ترا الشيخ مو ملزوم يرد عليك ولا لغيرك
هو ان رد تكرما منه والمفروض تقدمين له الشكر
يعني هو بالأول والأخير يطللب العلم والدين وينفع الناس بعلمه
انا أستغرب من الناس اللي يقول لا هالشيخ يكلمك من راس خشمه لاتتصل عليه
واللي يقول هالشيخ شايف نفسه مايشرح لك الجواب لين تفهم عدل
واللي يقول هالشيخ مخصص وقت للمكالمات من الغرورو
طيب انا بقول لهالعقليات شي
انت لو يجيك ولدك....من لحمك ودمك
غلاته فوووق لانه ضناك
ويسألك سؤال ويكرر هالسؤال أكثر من مره....أسألك بالله وش ردة فعلك
بتقول اوووف رح عني
هذا اذا ماسفهته بعد ومارديت
طيب كيف بالمشائخ اللي كل دقيقه يجيهم سؤال ويجاوب وهو مبتسم ويفهمك ويشرح
وهو ترا مو ملزوم فيك
هو يحتسب الأجر
وحده من رفيجاتي ابوها ماشاء الله يفتي للناس
تقول مره يابنت عتيبه 12 اتصال وأحنا جالسين وكلهم عن التشقير وحكمه
شوفو كيف الضغط
وتعلمو فنون الصبر على الأجر
حسو بالضغط اللي عليهم
حسو بضيق الوقت اللي تسببونه لهم
يعني حط نفسك مكانه بس لثواني
الشيخ مو رجل...ملزوم من أسرته وبيته وأهله
مو ملزوم من صلاه وعبادات
مو ملزوم من دوام وعمل
وفوق هذا ينشر رقمه ويفتي ويعبر رؤى ويلقي ندوات ودروس
وينشر العلم
وللأسف كثير من الناس لاحمدا ولا شكورا
وكأن هالشيخ مكينه او شي ملزوم انه يرد عليهم على كل شي
ويجاوب بدون اي تعب
أكيد مشائخنا بيمرون بضروف مشاكل هموم ضغط عمل
لازم نقدر
ونحس فيهم
اولا نختار الوقت المناسب قبل لانزعجهم بالأتصالات
يعني
وقت دوامه...صلاته...غدا عشاء ...وقت النوم بالليل
نبعد عنهم...ونخلي الرجل يعطي نفسه واهله حقوقهم
ونتصل بوقت يكون الأنسان بالغالب ماعنده شي
العصر او المغرب
وشي ثاني لما أسئل ويقولي الشيخ الحكم
أقفل الخط خلاص
ماله داعي نطول المكالمه وتحرجون كرم الشيخ لكم
او اللي يجلس يقنع الشيخ انه يسمح له بهالفتوى
وكأن الشيخ هو اللي منزل الأحكام
والله اتعجب
مره كنت جالسه على برنامج فتاوى
قالها الشيخ عليك القضاء
رجعت تقول ياشيخ انا كنت مضغوطه وعندي عمل وتحاول فيه يقولها لاتقضين
سبحان الله على هيك عقليات
يعني الدين واضح
وماشاء الله الشيخ مبتسم ويقنعها بالحكم
وزين منه مايعصب
ولا اللي تبي تعبر لها رؤيه
تقوم من النوم بأي وقت
ماتلتفت للساعه
على طول للجوال وتتصل
نعنبو بليسكم هو أنسان اللي بيعبر لك او رد آالي<<تحمست
شوفو الوقت المناسب الله يرحم والديكم
وبالأخير اللي عنده أضافه لايبخل علينا
والله يجزا مشايخنا كل خير
ويجعل مايقومون به في ميزان حسناتهم
يلزم عليك تسجيل الدخول أولًا لكتابة تعليق.
منارة الامل طيب ليه رديتي !؟ فيه احد يرد ع موضوع ماقرأه !!؟ والا زيادة مشاركات فقط !! ..
بنت عتيبه موضوع رائع وصادقه بكل حرف كتبتيه .. الله يعطي مشايخنا العافيه .. ويجعل مايقدمونه للمسلمين في ميزان حسناتهم .. بس عاد بعض هالناس دوري اللي يفهمهم صح ؟
جزاك ربي الف خير حبيبتي ..
بنت عتيبه موضوع رائع وصادقه بكل حرف كتبتيه .. الله يعطي مشايخنا العافيه .. ويجعل مايقدمونه للمسلمين في ميزان حسناتهم .. بس عاد بعض هالناس دوري اللي يفهمهم صح ؟
جزاك ربي الف خير حبيبتي ..
الصفحة الأخيرة
والله يعين مشايخنا الكرام ويجزاهم كل خير
موضوع رااااائع ويستحق التقييم