- السلام عليكم ورحمة الله وبركاته
كيفكم بنات
عندي مشكلات مو مشكله
يابنات مدري اي سببها امكن ضغوطات الحياه او بسبب الحاله النفسيه اللي امر فيها او بسبب الناس اللي حولي
اقولكم نبذه عنا عشان تعرفون
اول مشكله
من تزوجت زوجي مرة متشدد علي بالطلعه والخرجه مع اهلي مايرضى اروح معهم كيف لوحدي عند صديقاتي او الجيران وهي من سابع المستحيلات يعني لحد يجيني ولا اروح لحد وانا اجتماعيه احب الجمعات حتى اهله جنبي لو تمر عشر سنين مايطلون علي واذا احد مرني يبي غرض معاد الا اترجاه ادخل مايدخل واذا جيتهم يحسسوني اني جايه من كوكب اخر محد يتكلم يطالعون بي ويترقبون حركاتي وكلامي ومن اروح بيتي كلامي وحركاتي كلها يوصلونها لزوجي ثم يجي يقولي كل شي انتي سويتي وفعلتي وقلتي كل شي بالتفصيل الممل
او انو لجيت عندهم يدخلون بغرفه ويخلوني
واحيان يكذبون على لساني او يتعمدون احراجي او يقلون ادبهم برسايل على الجوال طبعا كل هذا مااقول لزوجي لانه مستحيل يوقف معي ضد اهله وراح يقول مالي شغل بس انا مايسكت لي لو غلطت لاسمح الله
ثاني شي
يشرحلي وضعه المادي بالتفصيل هو موضف حكومي وزيه زي الناس يستلم يعني من شرحه احس انا لانملك مقومات الحياه البسيطه مدري ليه لدرجه احس استحي اطلبه خبز ومايقضي
اول شهور الزواج نتهاوش على المقاضي وبعدين قنعت صار يجيب فطاير وعصير بس واحيان يجيب عشاء او غدا اذا الحيت عليه يعني ياعشا ياغدا
وبعدين لجاب شي كل شوي يطل عليه مثلا جاب تايد واغسل به الملابس يصارخ اقتصدو وانا ماني مسرفه والشامبو يخلص ويعبيه ماء ويخلص مع ذالك ياويلي لو يلقاها بالزباله يرجعه ويعبيه ماء مره ثانيه ويفتش اغراض المطبخ تقال مراقب والملابس وكل شي انا احسه حاط كمره بالبيت دايم يقول نفسي احطها عشان اشوف وش تسوين
فبيتي مقدر اشيل شي او غير مكان غرض يقوم الدنيا علي
احيان اكون تعبانه وابي شغاله من ذيلا اللي يجن بالساعه مايرضى اوقات امي تتصل وتتفق معها وتدفعلها فلوس يرجعها مع الباب واحيان يطردها
تقال مسويه جريمه
التحفيظ مايخليني اداوم كله عشان مااتعرف على احد ويصير يجيني واروح له
اهلي من اجيهم امي تقوم علينا اغراضكم حطوها برا وكل ماجلسنا بغرفه تهاوش روحو بالصاله واذا رحنا بالصاله تهاوش ازعجتو اخوكم يكون احيان نايم هو وعايلته
وانا ماعندي غير طفل واحد كيف لو معي سته
واحيان تقول وش جابكم روحو بيتكم ونظطر نرجع البيت
مع ذالك انا حملت مرتين وفقدت اطفالي كلهم على السادس
احس اني بنفجر من كثر الضغوطات اللي علي نفسي اسافر هالايام وهو يقول مايمديني وقبل فترة ودا اهله سفرهم وقال بعوضك ولسى ماشفت شي
صرت هالايام احط حرتي بالنوم عشان مااقابله ونتهاوش
ادعولي ان الله ييسر امري ويسخرلنا زوجي