السلام عليكم

عندي ملاحظة هي عن تربية الأولاد والبنات بس مادري لها علاقة بالموضوع أولا بس هي يمكن الواحد يستفيد منها

حنا لما نجيب البنت ومن هي صغيرة ديما نشتري لها ألعاب تحتوي على دمية أو أواني منزلية وكأن نقول لها هذا دورك في الحياة التربية وشغل البيت والأهتمام ونحثها الى ماتكبر بالاضافة الى هذي الأاشياء انها تدرس وتشتغل وتحقق ذاتها

اما لما نجيب الولد نشتري ألعاب مثل السيارة عشان يتعلم انه يطلع من البيت ونعطيها المسدس ويصير عنفواني وعدواني في نفس الوقت ونعطيه طيارة ونقول يالله سافر فيها والحين يعطونهم تلفونات نقالة بعد وكأن نقول له انت ولد
وخلاص من يوم هم صغار تنولد لهم هذي الأفكار ويعرفون دورهم من هم صغار على هذا النحو

أنا أقول ليش مايتبادلون الألعاب مثلا نعطي الولد لعبة دمية وألعاب الأواني عشان يتعود على التربية والحنان وهو صغير يعني أقصد تبادل الأدوار يتهيأ لي مافيها شي وآنا عندي أولاد وآخذ رايهم في كل شي من ناحية أناقتي عشان لما يكبرون ويتزوجون تتربى فيهم هذي الناحية وآنا الحين أولادي ديما يعطوني رايهم في كل شي ويقولون كلام حلو وجميل على قدهم بس لما يكبرون أكيد بتفرح زوجتهم بهم

فأقول احنا لازم نعلم أولادنا على الحنان والكلام الحلو لأن هذا بينفعهم في الزواج

سامحوني طولت عليكم بس هذا رأي الشخصي طبعا

هلا بنات مشكورين على مشاركتكم

أنا مع بنت نجد 100% .. عشان كذا لازم نربي الولد على الدين ونترك تربية التلفزيون اللي دمرت عيالنا وبعد سذاجة الأهل والحرية الزايدة للولد في سن حرجة بدون تربية ومتابعة

أما اقتراح البسكوتة فهو عجبني مرة .. قصدك ممكن يتعود الولد على دخول المطبخ ومساعدة أمه مو بس البنت ومو كل مرة البنت تنتبه لاخوانها او تغير لهم ملابسهم حتى الولد ..

وأختي موف مو دايم تكون المرأة كذا ومع كذا الرجل يجيك متسلط فيه رجال طريقتهم كذا مو واعين وأنا أتساءل عن سبب اللاوعي هذا ..

لأن بشكل عام كل إنسان المفروض لما يتعامل مع إنسان يحترمه فما بالك الزوجة .. إذا ما حبيتها كزوجة تعامل معها كإنسانة على الأقل طبعا والرجل المتدين الخلوق الراقي مستحيل يجرح أو يهين زوجته مهما كانت العلاقة باردة بينهم ومرات مهما كانت المرأة سيئة معاه يتغاظى أو تسريح ب((المعروف))

تصدقون عاد أنا ماني متزوجه بس من كثر ما أسمع عن مشاكل بنات حواء مع الازواج صرت أخاف من شئ إسمه زواج ودايم أفكر لو بكره الله لا يقدر إن شاءالله تطلقت وعندي أولاد و ش راح يصير فيني وأفكار من هالنوع لدرجة أحيانا افكر إني ما اتزوج أبدا

لاياقلبي ياعسوله موكل الازواج سوى
لكن انااقولكم رايي ومن واقع تجربه والحمدلله
هالشيء يعتمد على اساسين اللي هم:
اول شيء الدين فاللي يخاف الله راح يخافه في بنت الناس ويخاف يظلمها او يسيء لها بشيء
والثاني:الحب يعني اذاحبها اكرمهاوعززها واذا ماحبها ماراح يهينها ابدا
وكمان التربيه يمكن بعض الرجال تربو تربيه قاسيه مايعرف الايعلي صوته ومنها الاشياء وانتي تقدرين تغيرين فيه
وانا اقول لاي وحده تبي تغير زوجها اووووووووووول شيء لازم تحاول تقربه من ربه باي وسيله يعني تبدا من ناحية الدين واذاالتزم باذن الله راح يغير نفسه هو تدريجيا لانه بيعرف الحقوق اللي له واللي عليه
وكمان ماننسى انفسنا احنا نحاول نصلح انفسنا قبل مانطالع غيرنا
هذي اللي عندي
وتحياتي لك اختي ريم الريم وبالتوفيق

حلوة ريم الريم:D شكرا لك على مداخلتك القيمة .. أكثر شي يعجبني ببنات حواء عقلهم الكبير وتمسكهم بالدين واعتزازهم بالرجل الملتزم مو مثل بعض البنات الماصخات (ما نبي ملتزم) وبالأخير تطيح بروسهم

ويا عسولة شوفي .. أي رجال تبين أخلاقه غالبا من الأول .. إذا من الأول كان طبعه زين وحنون وعلى دين وصلاح ما بيتغير واللي ما عندهم مشاكل كبيرة من الأول صدقيني ما تطلع المشاكل بعدين لأن بالعكس مع الوقت إذا كان الزوجين من الأساس صالحين تزيد المحبة والعلاقة .. لكن المشكلة والطامة إذا كان الرجال من البداية مو زين وأنا مااقصد يسمع اغاني والا عينه طويلة شوي أو عصبي والا هالاشياء اللي اكثرنا نقدر نغيرها أنا أقصد عيوب بالشخصية أو بالأسلوب أو بالنظرة للمرأة أو بخل مثلا .. أشياء تعتمد زي ما قالت نسيم الود تعتمد على التربية والبيئة

هنا أنا جالسة أتكلم وأناقش واللي كنت أبي أوصله أن حنا لازم ننتبه لما نربي عيالنا وهذي هي أساس المشاكل اللي تصير (التربية الخاطئة للولد)