خطيبة اخوي ماتبي تسكن بديـرتـنا

السلام عليكم ..

مساءالخير ع الكل..

مشكله صدعت براسي والمشكله الأكبر ان اخوي معتمد علي بحلها ..

السالفه ياطويلات العمر ان اخوي خطب بنت خالي..وكان من البدايه بيسكن في الرياض بس ظروفه الماديه ماساعدته..

جلس سنين يحاول يدور على قد فلوسه ماقدر حتى القرض قليل يعني مايدري هو يتزوج ولا يبني بيت..

المهم اخوي بنى بيت بأرض جنبنا وقال راح يتزوج ويستقر وحبه حبه يضبط وضعه ويطلع لأن من البدايه هو ناوي يطلع..

بنت خالي مشكلتها ماتبي تسكن بديرتنا حنا هي محافظه صغيره بس اكيد عكس الرياض ..

وهي تقول مستحيل تسكن واخوي يبي يتزوج ويستقر خلاص يعني عمره 29..

وش رايكم البنت تقول يبيني يغير رايه وهو مايقـــــدر بالوقت الحالي..

على فكره بنات فيه نقطه ماذكرتها لكم بس انتبهة من رد وحده من الأخوات هي أساسا" مو متعوده على حياة المدن بالعكس كانت عايشه بنفس منطقتنا ماصارلهم ناقلين إلا سبع سنين..!!!!