السلام عليكم ورحمة الله وبركاته


حبيبتى أنا بقول كلام بدون مجامله لأن أحنا هنيه نساعد بعض وصحح أخطاء بعض


بصراحه أنا ماأشوف أنه غلط بشي

يعني مهما كان هذولا أهله عقب ماكانو ياكلون بصحن واحد وينامون بفراش واحد صار بعيد عنهم صار له خصوصياته
صدقينى هذى صح سنة الحياه بس صدقينى أنها مؤووووووولمه حييييييييييل وخصوصا الأم


وبالعكس أنتى لو عاتبتيه على هالشي صدقينى راح تعطينه طابع موحلو عنج ولو حصل اى شي صدقينى راح يقول أنتى الغلطانه بالعكس حببيه بأهله

وبعدين أنتى لج وقتج وأهله لهم وقتهم

وأتوقع أغلب الوقت لج

فاليش تضايقين على هالكم ساعه

صدقينى أنتى تشوفينه عادي بس باجر أن شاء الله لاتزوج ولدج راح تحسين فيها

وأسأل الله رب العرش العظيم أن يسخرلج زوجج

تقبلي مروري

الله يهديه ويسخره لك ان شاء الله ..

انتي لا تتصلي عليه و هو هناك ابدا ،، حتى لو اتأخر، بس قبل لا يخرج من البيت قولي له حبيبي لو اتأخرت طمني عليك ،، و انت راجع البيت كلمني لو محتاجة شي من البقالة او المطعم او ،،، الخ و ريحي نفسك ،، ليش تتصلي وتجيبي الكلام لنفسك ،،

شوفي ياحبيبتي ترى اهم شي في الحياة وفي الوجود ان الانسان عنده اهل ويحبونه ويحرصون عليه ترى ماتحسين اذا سئلوا الاهل عن بنتهم او ولدهم او طارو به وبعياله يحس انه اسعد الناس
وبعدين صدقيني والله ان الشخص اذا دفع لاهله اي فلس ربي يعوظه خير
والمفروض انتي ثحثينه على وصله لاهله لانه ينفع معاهم المعروف ولاانكروا تصرفه بالعكس يحبونه ويسئلو عنه واحرصي انتي بعد على اهله تراهم عزوه
صدقيني حتى لو ضاقت بكم الظروف بيفرجها ربي ترى والله اني اشوفها في نفسي وعيالي
ولاتنسين كما تدين تدان واسفه على الاطاله

الله يكون بعونك ,,,