تعالوا شوفوا افكاري لغرفة نومي ""صور""

المنزل والديكور


السلام عليكم ورحمة الله وبركاتة

اشحالكم ... ان شالله بنتحول بيت يديد وانا اخطط لديكورات غرفتي وحبيت اراويكم افكاري واسمع رايكم ونصايحكم

1 ... مخطط الغرفه وشكلها


مثل ما تشوفون المدخل وفيه غرفة الملابس ويقابلها "عزكم الله" الحمام وبعدين الغرفه فيها دريشتين وحده مقابله طويله تكون من فوق الى تحت الانها على واجهة البيت والثانيه عاديه بس الغرفه اصغر من هالمساحه بشوي وحتى غرفة الملابس مب وايد كبيره بس ما عرفت اصغر

2 ... سيراميك الحمام



وعلى اساس هالالوان حددت الوان غرفتي بتكون بهالالوان ان شالله برتقالي واخضر وبني بنفس الوان الحمام

3... الارضيه
البيت كله رخام وسيراميك وجرانيت وانا حبيت اغير بغيت ادمج السجاد مع الباركيه "الخشب" بطريقه حلوه شوفوا الفكره وبغيت رايكم

اول شي بيكون سجاد مربع على اطراف الغرفه بلون الاخضر وبحاول ادور نفس درجة الي في سيراميك الحمام وبعدين داخل المربع دائرة من الخشب الباركيه وبعدين دائرة بالسجاد باللون البرتقالي وبعدين خشي وبعدين دائرة صغيره بلون البيج وبحاول اسوي نفسها عند المدخل في غرفة الملابس دائرة صغيره ... ممم بس عندي مشكله انه لو وضغت السرير بتختفي هالحركه تماما ما بيبن منها شي غير الاطراف فلو عندكم فكره لو رمسه او حركه ممكن تقولولي اريد اقلل مساحة الباركيه الانه غالي ....

4... الديكورات الجبسية
قررنا ان الغرف كلها بنفس هالشكل ان شالله شي بسيط وراقي في نفس الوقت
حوافها جبسية بسيطه جدا مع توزيع ليتات صغيره شكلها حلو في جميع اطراف الغرفه شوفوا شكلهم كيف التصوير مب واضح الانه من التيلفون


يتبع...
19
8K

يلزم عليك تسجيل الدخول أولًا لكتابة تعليق.

تسجيل دخول

ثـعـلـبـه
ثـعـلـبـه


5 ... الصبغ


ضبغ الغرفة بيكون ان شالله بهالطريقه


بتكون باللون الابيض وراء الجدار الي بيكون مكان السرير مربعات بنفس الوان مربعات الحمام ..

6 ... كفر السرير
شفت هالكفر في موقع امريكي اتمنى اني اسوي طلبيه اييبه بس بشوف احس الموضوع صعب
كنت افكر اصبغ الغرفه بنفس هاللون الاخضر قوليلي شو منااسب

خذت فكرة الارضيه من هالصوره

7 ...ديكورات الجدار ...
هالموضوع مهم وايد بالنسبه لي عندي جدارين لازم استغلهم وانا من النوع الي احب الالوان الفرحيه الفاتحه البنوتيه فقررت قرارين الجدار الاول بيكون ان شالله بهالشكل
شفت ديكورات مطعم هندي في فرنسا وايد حلوه فكرتهم انهم ملصقين على الجدار كرات زجاجيه ملونه فقلت بسوي نفس الحركه بس بالوان الغرفه وشوفوا الصور

وهذي صور المطعم الهندي



والجدار الثاني فكرته بتكون بهالطريقه

عبارة عن مستطيل بالطول مثلا باللون الاخضر وبعدين قطعة خشب وبعدين نفس هالشكل بس بلون اخر الي نهاية الجداربين كل لون مستطيل خشب

هل الغرفه صارة زحمه وفيها اشياء وايد .... بغيت افكاركم شو انقص وشو ازيد
رواز
رواز
ماشاء الله عليكي ياثعلبه موضوعك اكثر من رائع تسلمين 00
وبعد اذنك بااخذ من افكارك لغرفتي 00
سعــ أم ــــود
بصراحة أفكارك مررة حلوة وغريبة ومميزة لكن كثييييييييييرة

أنا بطيعي مؤمنة إن الأناقة في البساطة وإنك إذا حابة تبرزين أي فكرة خليها هي المحور بمعنى لا تشتتين انتباه الزائر للغرفة دوائر عند المدخل ودائرة كبيرة في وسط الأرض وكل جدار عليه فكرة بحد ذاتها كافية لملئ الغرفة احس الغرفة بتصير زحححححمة وهي لسه من غير أثاث ..

نصيحيتي لك اختاري من أفكارك الحلوة هذي فكرة وحدة وسويها على جدار واحد وباقي الجدران خليها سادة صدقيني تصير الغرفة أرقى ..

أما بالنسبة لسيراميك الحمام رائع جداً ماشاء الله بس لاحظي كيف هم حاطين السادة هو الغالب عشان يبرز الجزء الملون والجزء المنقوش بالورود تخيلي لو صار العكس ؟ أتوقع يصير مززززعج..

سؤال أخير من فين السيراميك هذا وبكم لقيتيه ؟
زها زها
زها زها
:27:اختي ثعلبه ذوقك حلو وباين تميلين للأفكار الغريبه والغير دارجه بس بقولك رأيي ... افكارك كثيره وواحده منها موب ماشيه مع الباقي اللي هي الجدار المغلف بقماش هذا يعتبر من الطراز الكلاسيك وافكارك الثانيه مودرن وماشيه زين مع بعض. وحاولي ماتكثرين من الديكورات عشان ماتصير غرفتك كأنها معرض ديكور واتمنا يعجبك رأيي وما يضايقك ...وعلى فكره انا ادرس هندسة ديكور وعندي حس فني...كك وحده ماخذه مقلب في عمرها,,,
زها زها
زها زها
:55:نسيت اكملك اقتراحاتي يااختي ثعلبه..................... شفتي مخطط الارضيه اللي انتي مسويته حلو بس لو تعكسين الفكره يكون مع فن الاثاث انسب واجمل.وهو ان تسوي اللرضيه كلها باركيه والدوائر هي اللي بالكاربت عشان تكون بمثابة قطعة سجاد في وسط الغرفه ومافيه مشكله اذا السرير صار فوق الدائره بس يكون ماخذ ربع مساحتها مثلا .وبالنسبه للتكلفه حقت الباركيه فهي فعلا مكلفه الا انك ممكن تستعيضي عنه بالسيراميك اللي على شكل الواح خشب جميل جدا وعملي جدا جدا اكثر من الخشب مهما كانت جودته.. او تحطي سيراميك بني له اشكال غايه في الروعه واسعاره خيال...والله يوفقك اختي بصراحه الديكور ياخذ الوقت والجهد والتفكير....