استفسار عن الوﻻدة الطبيعيه بعد القيصري

السلام عليكم ورحمة الله وبركاته
أسعد الله أوقاتكم بكل خير
عندي كم سؤال ي خواتي
انا حامل في بداية الثامن وﻻدتي اﻻولى كانت قيصريه والسبب ان ماء الجنين انكب والرحم ما نفتح وماكان فيه طلق نهائي
سؤالي هل اقدر أولد طبيعي؟
وعادي اخذ خلطات تساعد في فتح الرحم ؟
مثلاً وحده قالت اخذي كاس حليب تغلين معه 5 حبات قرفه وملا اليد مسمار وملعقتين عسل وفنجال زيت سمسم تفتح الرحم 5 سانتي على كلامها
من جربتها أو تعرف احد جربها وجابت نتيجه ؟
وكيف بيكون الطلق علماً انه ممنوع اخذ صناعي عادي اخذ شي يزيده وﻻ خطر ؟
مثل دهن اسفل البطن بزيت زيتون وحبة بركة او وضع حلتيت على الفوطة النسائية او شم الحلتيت او الجلوس في مغطس دافي
اقدر اسوي شي منها وﻻ انتظر الطلق والرحم يفتح من كيفه ؟
وﻻدتي إن شاء الله بتكون فالشرقية اﻷحساء وابي مستشفى موثوق فيه اللي تعرف ﻻتبخل علي الله يجزاها الجنة
اعتذر عن اﻹطالة
وكل الشكر والتقدير للقائمين على هذا المنتدى الطيب