وهيمه..

انا ذبحنى الغثيان و الدكاتره هنا موتوني.. مو راضين يعطوني ولا دوا.. يقولون مو زين.. وممكن نغطيك اذا عديتي الاسبوع ال13..

شوفي طعم الفم من جد امرضني.. بس جربي العلك.. انا طول الوقت الحمد الله امشي بعلك.. مع اني ما احبها.. بس وش اسوي هي اللي تصبرني..
الشي الثاني اذا انا اكلت واجد.. رحت فيها.. بس اكلي شوي شوي وعلى 6 مرات باليوم..
فيه المويه .. قالوا لي هنا لا تشربين مويه بعد الاكل علطول.. استني 30 دقيقه او ساعه ثم اشربي.. ولما تشربين مويه.. اشربي وشفه بسيطه .. ثم اصبري 5 دقائق.. وكذا.. حتى ما تملين معدك فجأة بالمويه..
وكمان.. انا المويه لحاله مره تجيب لي التعب.. بس لاحظت لما اشرب هذي المويه اللي يكون فيها نكهات او فيتامينات.. مره احسن
انا بالنسبه لي الزنجبيل ما نفعني ابدا.. لاني احس بحرقان منه و حراره شابه .. يمكن لاني مو متعوده عليه اصلا.. بس النعناع كويس..

والله يصبرك .. والله انا مره تعبت مثلك.. وكمان معاي قولون جايب لي العيد.. بس الحمد الله على كل حال.. تذكري دائما ان في بطنك نونو يستاهل هالتعب كله :)
تحياتي لك..

نفس المشكله عندي بس انا ارجع بعد كل وجبه تقريباً,وحامي أشد بحملي الثالث ...الحلول اللي شوي تساعدني :منقوع الزنجبيل +ماي بارد أشربه متى ما حسيت اني وصلت حدي من اللوعه و مرات آكل آيس كريم لاحظت انه يريح و خفيف على المعده خص الأنواع الخاليه من الأضافات و قليلة السكر + دواء نوفدكسين و اذا أستعصت الحاله اروح المستشفى عشان آخذ أبره و في الحالتين انام بسبب نسبة المنوم في الأبره و الدوا + حبوب البولو اللي يبيعونها في السوبرماركت و الجمعيه,تساعدني خص اذا كنت طالعه برع وصارت لي نوبه الترجيع و الغثيان ..أحس أحسن عن العلكه و طعم النعناع أقوى.
الله يسهل على الجميع

ام احلى بيبي00000العلك يملي البطن هووءء يعني يداوي شي ويمرض شي0000لان الوحده وهي تعلك تبلع كميه هواء كثيره

فلو كان الشي مص يكون افضل

دعواتي لكم

الكمون لاتاخذينه حار على الرحم وممكن يسبب طلوووق هو والعسل علما أن بعض المواقع واصفينه لقطع الوحم بس ما أنصح فيهم ابد

الغثيان يبدأ او ماتصحين جربي اللبان اللامي عن تجربة سبحان الله يخفف من الغثيان ويغير طعم الفم
خذيت الطريقة من موضوع قدييييييييييييييييم لإحدى العضوات الله يجزاها الجنة وين ماتكون

جزاكم الله خيرا جميعكم ما قصرتم عسانا نشوف بعضنا بالجنه ان شاء الله وربي يحفظكم كلكم
وتسلمون