احترت في بنتي وماني عارفه حالتها بالضبط ادخلو ساعدوني الله يفرج عليكم كل هم

السلام عليكم ورحمة الله

اخواتي العزيزات بدون مقدمات

بنتي كفيفه كف كلي ماتشوف عمرها خمس سنوات ونص

وامس وديتها مدرسه بشوف بيقبلونها ولا لا

وشافتها المديره وقالت بنتك وضعها صعب شوي

لان التركيز عندها مو مره

انا من اول موديتها تاهيل الشامل وكانو متوقعين عندها توحد بس قالو عندها صعوبات تعلم مو توحد

وامس لما شافوها معلمات العوق البصري قالو هذا الكلام غلط لان صعوبات التعلم ماتكتشف الا من ثالث ابتدائي

وبصراحه مع انهم الله يجزاهم خير ماقصرو معي بس زادوني حيره على حيرتي

مدري وش حالة بنتي توحد او ضعف تركيز

بقولكم على حالتها والي ممكن تفيدني الله يجزاها خير لاني بحاجه للمساعده

اولا التركيز عندها فيه مشكله تسالينها عن اسمها ماتجاوب مع انها تعرف

اذا انا سالتها وكررت عليها السؤال ترد

مزاجيه جدا واذا حست باحد غريب تبكي منه

ماتعرف تطلب الشي زين اذا مثلا تبغا تروح الحمام تقولي تبغين تروحين الحمام ماتقول ابغا اروح الحمام

يعني كل شي تقلدني اذا بتطلب عصير مثلا تقولي اعطيك عصير او تبغين عصير

ماتقولي اعطيني او ابغا

اذا سالتها ماترد عليه بس تردد الكلام الي اقوله لها مثلا بسالها وين رحتي ماتجاوب تقولي وين رحتي

الحفظ عندها زين ماشاء الله

وحافظه الحروف والارقام وسور من القران واناشيد

اغلب وقتها تنشد او تقعد تسولف بس مع نفسها وتحرك راسها بصوره دايمه تهزه يمين ويسار

اذا صرت اكلمها وهي تنشد احيانا ترد واحيان لا

الحمام لازلت اتعب معاها اول ماتعلمت كانت كويسه تطلبني اوديها

بس الحين صارت ماتطلب كثير وتسويها على نفسها

حركتها كثيره واي شي يطيح تحت يدها تخربه ماتحاول تكتشفه

ارجوكم الي ممكن تساعدني والله بتفرج عليه هم كبير

وكيف ممكن تتعلم وهي في وضعها هذا