هل هذا بلاء يا حريم

بدون تجريح قلوبنا منفطره مافيها الكلام ابي منك رشد نصح ابي منكم نصيحه وتوجيه جزيت خير انا على طبينه مثل 👹 والله ما يعلم بحالي إلا الله انا انسانه نفسي ماعاد تتحمل واقي ماعاد تبي مشاكل تعبت من النق والهواش امي مطلقه وبلانا ربي بعمه أكلت لحومنا وحاله والألم ما يعلم إلا الله معها عشناها والحين زوجني ابوي رجل معدد وابتليت بوحدة زي عمتي إلا أم طبينتي معها عقل وزوجة ابوي المفروض يودنها شهار هذا الكائن جريمه يعاقب عليها القانون باطلاقه حر طليق المفروض يعاقب عليها القانون ارجع لموضوعي واعذروني طبينتي غيور مصلحتها فوق كل شي رادار فضول أذى انا مفهيه وأكره بيتي وزوجي وانفس على عيالي وزوجي يقول أنا شوي وخلاص بنجن خلوتوني أكلم نفسي بالشوارع وبتزوج قلت تزوج ابي طبينتي تنشغل مع الزوجه الجديده عني والله يا بنات كنت حمقاء تزوجت صغيره مره بالعمر دخلت حياتي وجلسة في غرفة نومي ونامت فيها وانا بزر على نياتي وحمقاء وزوجي رجال ما يعرف حركات الحريم أهم شي راحته وهي كانت تطبخ ع نار هاديه وانا مفهيه ودايم عند خشتي وتقول وحده تزوج عليها زوجها ونصحتها وحده وقالت دايم فكري فيهم انفسيهم لايروحون عن بالك دققي فيهم بكل شي وتنتظر في وتضحك وتؤمن بالخزعبلات وهالخرابيط وجاني مرض ما يعلم به إلا الله أول زواجي مرضت لدرجه اني اهج من زوجي ونقدر أتحمل ريحته ولا شكله والله يا بنات اني بناظر بوجهه مقدر أركز أو ارفع راسي وانتبه لملامحه وابطت هالحال في أكره ريحته لا قرب مني بستفرغ وروح لغرفة ثانيه وبعد العلاج بفتره طويله خفت حالتي والحين حدتني الدنيا وسكنت فوقها بعد ما كنت بعيده منها هي بمدينه وانا بمدينه وفن حالتي راح وشرى بيت وسكنها تحت وانا فوق وبدت حربها وقصص لو بكتبها ما كفى المنتدى والحين بديت أخاف ع عيالي بس تطابنهم وتقارنهم بعيالها ولي شي عند عيالي ولا تلاحظ فورا بعيالها وحققت كل ماتبي في بيتها وحياتها بسلامتها الله يهنيها بس هي تفكني من شرها ومع هذا كلها مازالت تراقبني وتعرف كل ما يخصني لدرجة انضمت ووسوسه أنها حاطه كاميرا في بيتي أدق تفاصيل حياتي تعرفها ولاقلت ابي اسوي شي أو بخط شي في بيتي بسرعة البرق ما اسمع إلا التريله جايه وسوت كل اللي أبيه وانا لسه ما سويت اللي أبيه ولا ركبة حتى ستار لغرفتي للحين وهي خلصت كل بيتها واثثت بزيادة المهمه في الموضوع شدراها اني بسويسرا كذا أو بروح للمكان الفلاني ومشاكلي مع زوجي بالتفصيل تعرفها كيف سكين حاطه تجسس ببيتي واذا حطت كيف أعرف ومره سمعتها بالصدفه كنت افتح باب بيتي اللي تحت وحوشنا مشترك واصواتنا انا وعيالي مشاء الله عاليه جدا 👊مالت علي واكتشفت أنها كانت تجي عند الدرج وتستمع علي انا وزوجي وانا مفهيه ما دريم عن الطبخه ولا توقعت هالشي تتوقعون هذا هو سر كشفها لحياتي واسراري ومشاكلي ولا فيه مصدر ثاني الشي الثاني يابنات حنا حتى بالشهر الفضيل ما هجدت شياطيني ما أتقبل زوجي ولا أعطيه حقوقه ولا أعرف اتفاهم معه ومجروحه جداء من أيام صارت بيني وبينه وبينها وماعاد اتقبلهم كلهم ودايم يقول انقلعي لا أبوك مكانك وحده ثانيه انا يا بنات ابي اهج وافته منها ومن المشاكل وافك هالزوج مني ومن تنفيسي لكن أفكر وين اروح ابوي مايدانيني ماليه رأسه زوجته واخواني مقعدين ماينلامون عاشوا يتم وطلاق وحياة إقامة وأمي مسيكينه عند زوج على قد حاله وهي لاحول منها ولا قوه وانا لا وظيفه ولا دراسه زي الناس فصلت وكرفت ع اخواني وزوجني ابوي نصيحتكم لي كيف أتعامل مع هالطبينه واحب بيتي وزوجي وعيالي واعطيهم حقوقهم وأصير فطنه زيها وما اخليها تفرح علي لانها تقول تبي طلاقي وعيالي بتاخذهم حسبي الله ونعم الوكيل عليها يا بنات تعبانه مره ومشوشه لدرجه خلاص ماعاد يهمني شي بايعتها بايعتها تعب قلبي مافيه الكفاية أكثر ما أثر علي قبل إهانات ابوي لي ومشاكلي معه وجت هالطبينه تحسب فاضيه لها رغم أن زوجي ما مقصر معها بشي إبداء في جميع النواحي مكمل حقوقها لدرجه قلت لا عاد تجيني خلك عندها وبس اتشاكل معه وما أطيقه وبيتي اكرررره كرررره تكفون نصيحتكم لي وآرائكم لي وش اسوي كيف أحب بيتي وزوجي وكيف أتعامل مع هالطبينه مسويه حرب نفسيه لي وزوجي لدرجه سمعتها بالصدفه بس تجرح في زوجها وزوجي 😩 تقوله كلام كله لما بحثت عن كلامها وحركتها هذه طلعت حرب نفسيه له وتعقيد وتقلل ثقته بنفسه انا اشوفه يوم يقول طلعت مجنون بس أكلم نفسي وبس يهارش ويبي المشاكل والمناقر طلعت كل صبح قبل ينام تفور دمه وبعدين تخليه ينام وفيه سكر ومشاكل صحيه غير حركات التطفيش لي وله لاجاء يومي وكل هذا أقوله طلعني من هالبيت بعيد عنها ماعاد أتحمل ورافض طولت عليكم أسفه مالي بعد الله إلا انتم تكفون ابي نصيحتكم ودعاذكر لي قسم ما عشت حياه سعيده مع زوجي ولا تقبلته ولا حبيته ليش مدري وهو رجل عادي وانا مدري وش فيني ساعدوني