بقولكم عن سالفه صارت لي وانتم قولولي وش رايكم
ذاك اليوم كنا معزومين انا وام زوجي عند ناس
وانا عندي بنت مشاغبه مره ترفع الضغط يعني تبي احد وراها 24 ساعه
وكل شوي اقوم ادورها مره القاها فوق تحوس بغرف البنات اقصد الناس اللي معزومين عندهم
ومره القاها بالحمام ومره تقعد تفتش بشناط الحريم شي يفشل والله:(
ترفع ضغطي وانا حامل بالشهر الثامن يعني مت من التعب وانا اركض وراها
وماعندي شغاله وسوت بنتي شي رفع ضغطي حيييييييل وكفختها وضربتها طبعا مو قدام
الناس لحالنا
لقيتها تحوس بالمويه اللي بالحديقه عند الناس اللي عازميننا وكان برد ومامعي ملابس لها
مسكتها وضربتها وقعدت تصيح ودخلت على الحريم وقالت لي خالتي اللي هي ام زوجي
وشفيها بنتك تصيح قلت انا ضربتها لقيتها تلعب بالمويه بالحوش
وقعدت خالتي تقول انها ماتفهم وتوها صغيره على الضرب ومن هالكلام
قلت لخالتي لا ياخاله تفهم اذا ما ادبتها الحين متى ادبها
بنتي عمرها سنتين و5 شهور وش رايكم تفهم والا لأ؟
جت خالتي قامت تصرخ علي قدام الحريم والبنات وقالت لا ماتفهم يعني ماتفهم
وانتي ماتعرفين تتعاملين معاها ومن هالكلام
انا انجلطت من الصدمه كل اللي بالمجلس سكتوا ومحد تكلم لأنها صرخت علي بقوه
حتى اللي بالصاله جو يركضون يبون يشوفون وش السالفه
جيت انا نزلت راسي وكتمت الصيحه حسيت نفسي بموت سودت الدنيا بوجهي
من الفشيله وجلست بمكاني كأني صنم لما دق علي زوجي وقالي يا الله انا عند الباب
طبعا خالتي حرمه كبيره فيها السكر والضغط والقلب بس ولو مستحيل تصرخ على احد
من بناتها كذا ولا تدخل فيهم لاهم ولا بزارينهم بس انا غير ذبحتني ذبح
دايما تفشلني وتصرخ علي قدام القريب والبعيد وانا اسكت ما ارد عليها علشان زوجي
طبعا قلت لزوجي السالفه بعد ما اصر وقالي شكلك متغير وشكلك متنكده ويوم قلت له
قعد يحب فراسي وقالي معليش استحمليها علشاني بس الى متى؟
بعدين مايصير لي احترام وتقدير عند احد ابد صح يابنات؟
قلت خليني اتحاشها اذا رحت عند احد ولا اكلمها لما نطلع من عند الناس بس صعبه
وشلون خالتي هي ام زوجي صعبه اتعامل معاها كذا
امانه تخيلوا انتم بنفس موقفي وش تسووون؟
وقولولي وشلون اتعامل معاها ؟
وهل تصرفي معاها صح والا غلط
انا يوم صرخت علي مارديت عليها وسكت ونزلت راسي؟
افيدوني جزاكم الله الف خير:(
أمـ كادي @am_kady_6
محررة
يلزم عليك تسجيل الدخول أولًا لكتابة تعليق.
موناليزا*
•
بسيطه لاعد تروحين معاها مكان خليخا تشيل بناتها ولو اني في مكانك ممكن ممكن كان قلت عيالي واربيهم بطريقتي محد يدخل
انا لو مكانك اقلل الاحتكاك والكلام معها واخلي بينا رسميات علشان لاتتدخل بحياتي
واذا رحنا مناسبة بجلس بعيد عنها كأني ما اعرفها واحترامي لها ماراح يقل ولا يتغير قدام الناس ولا من وراهم
و مو معقولة كل مارحت للناس اتفشل الواحد يروح ينبسط مو يتفشل
كل شي الا تدخل الغير في تربية الاولاد
واذا رحنا مناسبة بجلس بعيد عنها كأني ما اعرفها واحترامي لها ماراح يقل ولا يتغير قدام الناس ولا من وراهم
و مو معقولة كل مارحت للناس اتفشل الواحد يروح ينبسط مو يتفشل
كل شي الا تدخل الغير في تربية الاولاد
Halla120
•
احسن شي سويتيه انج سكتي ولا رديتي عليها احترام لها
وبنتج فعلا صغيرة وهذي طفلة بعدها ماتفهم شي ولا اتعرف الا اللعب
والمفروض انج اتعرفين ام زوجج طبعها هالشكل
اتحاولين انج ماتحتكين فيها باي طريقة وتجنبي حتى الكلام في اثناء وجودها
وصدقيني سكوتج عن ام زوجج قدام الناس شي في صالحج مب ضدج
بالعكس اللوم ايي عليها هي
والله ايساعدج
وبنتج فعلا صغيرة وهذي طفلة بعدها ماتفهم شي ولا اتعرف الا اللعب
والمفروض انج اتعرفين ام زوجج طبعها هالشكل
اتحاولين انج ماتحتكين فيها باي طريقة وتجنبي حتى الكلام في اثناء وجودها
وصدقيني سكوتج عن ام زوجج قدام الناس شي في صالحج مب ضدج
بالعكس اللوم ايي عليها هي
والله ايساعدج
--ملاك--
•
انا من رايي انك ما تطلعين معاها و حاولي ما تروحين لها الا بالمناسبات لان باجر وراج عيال و شلون تبين عيالج يحترمونج اذا شافوج جذي كل يوم متفشلة جدام الناس
و الحمدلله زوجج عارف وشايف قوليله انا الناس يمكن ماراح يحترموني
مايصير جذي لازم يكون لج احترامج انتي حاولي تتحاشينها
ولا تزورينها الا بالمناسبات فقط
و الحمدلله زوجج عارف وشايف قوليله انا الناس يمكن ماراح يحترموني
مايصير جذي لازم يكون لج احترامج انتي حاولي تتحاشينها
ولا تزورينها الا بالمناسبات فقط
الصفحة الأخيرة