السلام عليكم ورحمة الله وبركاته
17-8- 1431هـ
أقمت حفله متواضعه في البيت بمناسبة تخرجي
الحفله كانت حفلة بناات انبسطنا
فيهاا كثيرر واستانسناا
وكنت قبلها بفتره أستشيركم في أفكاار ..
ووحده طلبت انزل صور للحفله بعد ماتخلص
وانا جيتكم عشاان أعطيكم برنامج الحفله كامل ^^
بداية كانت تنعرض صوري من انا صغيره لحد ما انا بعباية التخرج
كانت تنعرض على شاشة البلازما والكل يعلق على كل صوره
وكان لكل صوره ذكرى ^^
بعدها بعد ماجتمع الكل لبسو اختي وبنت خالتي لبس
اختي كان لبسهاا فستان ماسك ملوون وعليه فواااكه مثبته عليه
وقبعه نفس الشي
وبنت خالتي فستان أحمر عليه مثبت عليه تفااح وقبعه نفس الشي
دخلو على ( العنب العنب بدون موسيقى طبعا^^)
ووزعو العصير والكل اعجبته الحركه
الساعه عشر أنا أنزفيت بعباية التخرج على زفة باسمي
كان شعور لايوصف تصفيق ووناسه
دخلت وسلمت عالكل وكانت بنت خالتي تدف الكيكه وراي
وهي مشغله فيهاا (اللي تطشرحقت الكيك مدري شسمها)^_
بعدها قطعت الكيكه وصورت
بعد كذا جلست وأنعرض على الشاشه عرض
أسمه ( مشاعر العائله)
وكان شي مررررره حلووو
أبووي واخواني كلهم وعيال أخواني كل العائله
مسجله أصواتهم تهنئه لي بمناسبة التخرج
وكل واحد تنعرض صورته مع صوته وهو يهنيني
أخواني فيهم الشاعر وفيهم المنشد ومن كل بحر قطره
اللي قال فيني انشوده واللي قصيده
الخ ..
بعدهاا سوو مسابقه أسمها أكشخ كووب كيك
طلعو ثنتين من البناات وقدامهم أكواب كيك صغار
ومعدات التزيين , وكل وحده تزين الكيك على ذوقهاا ويتم التصويت
كانت فقره حماسيه وممتعه
وكانوا كل مااحد يدخل ياخذون رقم جواله ويحطونه بعلبه
بعدين بالأخير سحبوا بنت أخوي واختي الصغيره
الأرقام ويدقوون عليهم واللي يرن جوالها هي اللي تفوز
بعد العشا انعرض عرض إسمه
( كواليس الحفل )
وهو عبارة عن تجهيزات الحفل من الألف للياء
مصوره من البدايه والتجهيز وحت التسوق وكلشي
كان معروض مع أنشودة
حبايب والعمل واحد * عشان نشوف ونشاهد
عملهم كيف تكوينه * بدون اسرار متعاهد
لايفوووتك شوووف *شاهدهم عل المكشوف
بلاتقطيع أوتركيب* أومنتاج شي مألوف
طبعا الأشياء الحلوه كثيره ويصعب حصرهاا أترككم مع الصور ..
لحد يرد ^^
الطاوله عليها مناديل واللافته هذي كبرو اذا تبون تقرون ^^
جهه من طاوله فيهاا ثلاجة بارد واشياء ثانيه لإن نظامنا اخدم نفسك بنفسك
وكل شي مفتوح طوال الحفله
نافورة الشوكلاته ومكملاتهاا