ndndnd :

كويس والله . ولا أحد دخل . معناه ما أحد خسر غيري . الحمد لله الله يحفظ أموالكم وأعراضكم .

كويس والله . ولا أحد دخل . معناه ما أحد خسر غيري . الحمد لله الله يحفظ أموالكم وأعراضكم .

ndndnd :

أكملكم القصه . المهم بعد تعب وعناء . دخلت بحوالي 2500 دولار . وخسرتهم كلهم . قلت يالله معليش أتعلم . وما أحد يتعلم ببلاش . بعدها دخلت بحساب تجريبي وبدأت أحاول من جديد . جلست فتره على الحساب التجريبي أربح . كنت سعيده سعيده سعادة لا توصف . حسيت وكأن مغارة علي باب انفتحت لي . بعدها قلت خلاص طالما اني تعلمت . راح أدخل بمال حقيقي باذن الله . رحت بعت كل ذهبي . وحطيت عليه مبلغ كنت شايلته مما تبقى من مهري . ونويت أدخل . لمن أخواتي شافوني .. قالوا مستحيل تبيع ذهبها وتحط الي فوقها والي تحتها الا اذا كان في شئ مضمون . صاروا يترجوني أني أدخلهم معي . خصوصا وحده فيهم وضعها المادي تعبان جدا . في البداية كنت رافضه . كنت أقلهم خلوني الين أتمكن من الموضوع تمام . وبعدين أدخلكم . قالوا : لا لا ... احنا راضين حتى لو خسرتي احنا راضين . الله المستعان :( دخلتهم . وكان اجمالي المبلغ حوالي 80 ألف ريال :( في البدايه ربحت . وكانوا سعداء جدا . وكنت ناويه أفتح لكل وحده فيهم محفظه مستقله عشان يكون دخلها أكبر . وفي يوم من الأيام السود ... :44: كنت بسافر . وكنت تعرفت على وحده تدير حسابات . سلمتها الحساب . الله لا يوفقه ووثقت فيها . رجعت من السفر لقيت الثمانين ألف صاروا أربعين ألف . لا الاه الا الله . أخذت المحفظه منها الله لا يوفقها . وصرت أشتغل عليها على أمل أني أرجع الخسائر . ما أدري أيش الي صار . نفسيتي كانت زي الزفت وأنا أشتغل . خسرت كل المبلغ والأن تحولت المحفظه من 20 ألف دولار . الى 200 دولار . مئتين دولار تخيلوا :44: والله قلبي محروق . محروق . وفيني حزن لا يعلمه الا الله . الي قاهرني في الموضوع . أنه في ناس على كلامهم . والله أعلم أن كانوا صادقين أو كذابين . يقولون أنهم يربحون . وأنهم يحققون منه دخل ثابت لهم . والله ما أدري الغلط مني والا منهم وال من الفوركس . والا يمكن أنما الله مالا كتبلي رزق في هذا المجال . حبيت أشارككم تجربتي حتى تستفيدوا . وأسأل الله لكم الستر والحفظ والصون . الحذر الحذر الحذر .

أكملكم القصه . المهم بعد تعب وعناء . دخلت بحوالي 2500 دولار . وخسرتهم كلهم . قلت يالله معليش...

ndndnd :

بناء على طلبكم راح أحكيلكم القصه . طبعا أنا حالي حال أي وحده تحلم أنها تلقالها مصدر تحسن من خلاله دخلها وتأمن مستقبلها . وللاسف أنا ما عندي شهادة جامعيه ولا أي شئ يخولني أني أشتغل ويكون لي مصدر دخل . طبعا أنا متزوجه والحمد لله زوجي مو مقصر معي بشئ . مكفيني وموفيني الله يخليه لي يارب . لكن أنا كان نفسي يكون لي دخل خاص فيني . دائما كنت أشوف الحريم الي زوجها فجأه يطلقها أو يموت عنها وهي تضطر للناس وتحتاج لهم . والي تسكن عند ولدها وكنتها والي تسكن عند بنتها المتزوجه . لأن مالها مكان تروحله . فكان عندي هذا هاجس أخاف يجي اليوم الي لاقدر الله أحتاج فيه لأي أحد حتى لو لعيالي . أنا عانيت من أم الزوج كثير ولازلت أعاني منها . لذلك مستحيل أعيش عن ولدي وكنتي في المستقبل . أحس أن الموت عندي أهون والله . فقلت يابنت خليكي واعيه وشوفيلك دخل تستطيعي من خلاله أنك تحسنين دخلك وتجمعيلك كام قرش ينفعونك في كبرك . المهم . دقيت أبواب كثيره . تعلمت الخياطه . وكان ودي أفتح مشغل يبسيط عندي في البيت ... لكن الظروف ما سمحتلي . فتركتها . فكرت أعمل مشاريع مختلفه ... والله ما كتبلي التوفيق فيها . والمشكله أنه أي وظيفه أو أي مشروع في الدنيا .... يحتاج الى تفرغ . ويحتاج أني أطلع من البيت ساعات طويله عشان أتابع المشروع أو الوظيفه . وأنا عندي أطفال وزوج وبيت ومسؤوليات كبيره . فكرة الأسهم كانت ملغيه تماما من بالي لأني شفت الناس الي خسروا . والاكتتابات ... مستحيل لأني لست سعوديه . في يوم من الأيام ... لفتت نظري الاعلانات الي ماليه صفحات الانترنت . ( ضاعف رأس مالك في خمسه أيام مع الفوركس . حول 50 دولار الى 20000 دولار في أيام معدوده . لاتضيع على نفسك فرصة الربح الوفير مع الفوركس . الفوركس طريقك الى النجاح .... الخ ) الله المستعان . جذبتني الدعايات . فحطيت في بالي أن أدرس الموضوع . دخلت المنتديات . وبدأت أقرأ وأشوف الناس أيش كاتبين . في دورات كثيره للتعليم كنت أنضم لها . أتعرفت على ناس كثييييييييييير . سبحان الله عالم كامل مستقل بذاته اسمه عالم الفوركس . أغلبهم يحسوا أنهم مصطادين صيده سمينه لمن يعرفوا أنك غشيمه وماتعرفي شي . فيهم أنانيه فظيعه ... مستحيل أحد يعلم أحد الطريقه الي هو يشتغل بيها . ممكن يعطوكي شروحات عامه عن الفوركس وطيقة تحليل العمله . لكن لو سألتيه طيب أبيع والا أشتري ؟؟؟ كيف أنت تشتغل ؟؟ مستحيل يقلك . راح يقلك هذا قرارك وانتي أدرسي وأتعبي زي ما أنا درست وتعبت . يتبع .

بناء على طلبكم راح أحكيلكم القصه . طبعا أنا حالي حال أي وحده تحلم أنها تلقالها مصدر تحسن من...